AMTAW 7:49 - Khumi Common Language Bible

⁴⁹ ‘Areng my ly, Kani ly kai i atehra ne, Khaileaung ly kai i kheu amchymra ne, Kai i vui yhm mani ka-tawm sa pi ai mo? Kai i anawn naira meingtym py ati mo?

AMTAW 7:49 ပူးပေါင်းရင်းမြစ်များ

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

2 NENG SATANG 6:18

“Na i py aw Tameuh, nang ly khaileaung salo i khumi neampacho, neampachychi theung y awm pajau na a? Kani khusang malawn py nang awm ai nai akeaung y na baly, kai i sa nai Achura yhm ly mana akeaung ai mo?

SAM 11:4

Areng ly Achura yhm kachai theung y awm; mymy i areng atehra ly kani pri mang y awm. Mymy ly khumi bawibawichi ai khen patawm iy, nichi i sa nai leaungsaichi pany pi.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 23:24

Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MATTHAI 23:22

Ami py kani y tauh iy vaineng abeu nai ngierei ly Tameuh i atehra hawi huni i tleaung y ateh nai ai py tauh iy vaineng abeu lawh.

MATTHAI 24:2

Naibaly mymy ly nichi teng y, “Hunichi bawibawi ly niu u lo-oh? Meitang khyp kang thui pi, panawi y nai lengseaung tleangleang nai ly hi y ha py awm ai ny y,” napi nai pathang.

JOHAN 4:21

Naibaly Isu my ni teng y, “Lo awi, kai i leu sai ym: hini mawi y py, Jerusalem avang y py nangchi ly Ampo ai chiu y ai nai neng tym ai bo.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.