Turu samrang Hiram ly Samrang Davida hawi amsawi amnai asa iy awm jo nai ne. Naibaly ampo Davida i meingtym y Solomon amtym iy samrang lawm, nanai thai nai khala y ni ly Solomon teng y savaichi pato bo.
Israela chengchi Aikupta pri i dengdairei theu u nai saneng chungvai palyh pa-ngo vui tajarei awm nai khala y, Israela samrang Solomon ly samrang lyn nai palyh saneng, Zipha napi nai pa-nyh lo y Achura Yhm sa amtheaung bo.
“Huna nai y vai ly Areng my mymy i leu adeu nai sa khyp bo. Kai ly Israela chengchi i samrang, ngaai Davida i meingtym y amtym i, samrang lawm bo. Naibaly kai ly Israela chengchi i Areng Tameuh ai chiu ai nai Achura Yhm py sa i pajau bo.
Vai ly samrang Davida ly mymy i yhm y awm nai ne. Kanirei nai khala ni ly amo Nathan ai palau iy, “Kai ly saitleang keung hawi sa nai yhm y awm. Tameuh i Leu Maikawm Pawm ly tai theung y awm nai ne!” napi.
Solomon i ampo samrang Davida ly Achura yhm sa ai nai meingtym tahyh pi yb. Huni meingtym ly Areng my Davida teng y patei pi nai Jerusalem mary Moria mawi, Jebusi cheng Araunah i choh ati nai meingtym ne. Samrang Solomon i Achura yhm sa ai amteaung nai ly