AMTAW 7:43 - Khumi Common Language Bible

⁴³ Nangchi ly Moloka i kanih yhm hawi, tameuh Rephana i ka-si py chiu ai nai Nangchi i sa nai mynchi ai syn u lawh: Hunai deaungkho y Babulon avang palem mang y kang la veng ai,’ nanai tajiu nai kamta ly,

AMTAW 7:43 ပူးပေါင်းရင်းမြစ်များ

1 ARENG KEH 11:7

Moba chengchi i amso ngai nai tameuh khemosa hawi Ammon chengchi i amso ngai nai tameuh Mole ai chiu ai nai meingtym ly Jerusalem mary nisi mang i mawi saleung y sa pi.

2 ARENG KEH 17:6

Hosea my peang nai saneng takawrei nai khala y, Asuria empara samrang ly Samari mary ai peang vui iy, Israela chengchi ai Asuria pri mang y langheng hawi vui bo. Hunichi theung i phyreichi ai ly Halah mary theung y khai; phyreichi ai ly Kozan ka-peang Habor tavo sahawi y khai, phyreichi ai ly Media pri i marychira y khai nai ne.

2 ARENG KEH 18:11

Asuria empara samrang ly Israela chengchi ai langheng hawi iy, phyreichi ai ly Halah maryra py, phyreichi ai ly Kozan ka-peang Habor tavo sahawira py, phyreichi ai ly Media pri i marychi ra py awm hai nai ne.

2 ARENG KEH 21:6

Ni ly my i chapo ai py leng patlum nai katalamra palawn iy apathyp nai ne. Dawi kawp naichi hawi mo mang i satang thui kawp naichi amtiu iy, leung sarachi, vawinam pakun kawp naichi hawi amkawm. Ni ly Areng i tlang tleaung y khri pa-rei kamngo sa i, kado patheu nai ne.

JEREMIA 32:35

Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

AMOS 5:25

“Aw Israela chengchi awi, nangchi ly daichi ka-vym meingtym y saneng vui palyhrei amki u nai thym khala, kai teng y kapathyprachi talam y naimy awm u nai ne.