AMTAW 7:38 - Khumi Common Language Bible

³⁸ Huni Mosi ly Sinai mawi y arum hai nai kani pri i amtaw thau nai hawi, achi i amsi sangumchi hawi daichi ka-vym y achu naichi theung y awm nai ne; mymy ly ang pei pateang ai nai Tameuh i leu kangheng nga nai keung ne;

AMTAW 7:38 ပူးပေါင်းရင်းမြစ်များ

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

JOHAN 6:63

Phailo ly paheng nai keung ne, tlang ly ati sai py kamran by y leang; hini nangchi teng y kai i leu thui nai ly phailo py ne, hengra py ne.

AMTAW 7:30

“Naibaly saneng vui palyhrei chi nai bo y Sinai mawi i daichi ka-vym y mai angveaung nai lymlo kangpho theung y kani pri i amtaw thau nai leaungrei mymy teng y amteng bo.

AMTAW 7:35

“Huni Mosi ai ly, Nang ai krykeung hawi tara chih ai nai keung y ami my ang khai mo? Na nai paka nai ly, lymlo kangpho y kani pri i amtaw thau nai ni teng y amteng nai my ly sabawm i, Tameuh my mymy kypkyp ai ly krykeung hawi lawi hai nai keung ne rau ai nai pato nai ne.

AMTAW 7:53

kani pri i amtaw thau naichi my pei pateang nai Reita nga veng iy patawm y pasi lawh naichi awi,” napi.

ROM AVANGCHI TENG Y PAWLA I CHA PA NAI 3:2

Lengkhym takip naira py ati kamran awm mo? Lam cheaungkhangra y chawn parai; angchei y ly nichi teng y Tameuh i leu sai ly kry hai nai deaungkho y chawn naira ne.

ROM AVANGCHI TENG Y PAWLA I CHA PA NAI 9:4

Nichi ly Isaelachi ne; chanau lawn naira py, tahm asang naira py, leu maikawm bawibawi py, Reita peinai py, Tameuh ai chiu ai nai py, leu adeu nai bawibawichi py mymychi i ne;

KALATIA 3:19

Naibaly Reita ly ati mana nai y awm nai mo? Adeu nai nga ai nai kangpreang tym y ryrei ly taphra nairachi deaungkho y tabi panawi bo, naibaly kani pri i amtaw thau naichi ai teaung iy savai i kiu y chih nai ne.

Leu Thui Nai 33:4

Achi ly Mosi my pei nai reitachi patawm u bo; huni reita leu ly achi khumi chengchi i vui vang teng keh nai yhmtheaung katui ne.

HEBRAI 2:2

Ati mana nai mo nabaly kani pri i amtaw thau naichi ai teaung nai leu thui nai malawn py khaw baly, naibaly taphra naira hawi leu tangai y naira cheaungkhangchi ai vawitheung tha naira avo parai nai nga jojo baly,

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

HEBRAI 5:12

Ati mana nai mo nabaly huna tanrei kra iy nangchi ly patiu nai keung y lawn, nanai pa-rei awm na teu iy py, Tameuh i leu sangum pakeungchi nangchi ai patiu ai nai aly ngai rai nai khumi lawn u lawh veng bo he; nangchi ly biu tang ny y naimy kanu hang aly awm.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.