AMTAW 7:35 - Khumi Common Language Bible

³⁵ “Huni Mosi ai ly, Nang ai krykeung hawi tara chih ai nai keung y ami my ang khai mo? Na nai paka nai ly, lymlo kangpho y kani pri i amtaw thau nai ni teng y amteng nai my ly sabawm i, Tameuh my mymy kypkyp ai ly krykeung hawi lawi hai nai keung ne rau ai nai pato nai ne.

AMTAW 7:35 ပူးပေါင်းရင်းမြစ်များ

SAM 75:7

Tara chih nai keung ly Tameuh ne; mymy ly phyreichi ai kamngo pajeng iy, phyreichi ai law tleaung hai ai.

SAM 77:20

Nang ly Mosi hawi Aron nini i lu sa nai hawimy, nangmy i khumichi ai, beram tym nai keung kamta pahawi bo.

THEU NAI 14:19

Israela chengchi i mo mang y pahawi nai Tameuh i angel ly nithun mang y asyh vui iy awm pi khyp bo. Nichi i mo mang y awm nai tamai angjawi py nithun mang y asyh vui nai deaungkho y,

THEU NAI 14:24

Khutawi en khala Areng ly tamai angjawi hawi maiteaung mang dengdai, Aikupta tavaimichi ai khen kathiu i, nichi ai ahei hai phro bo.

THEU NAI 2:14

Ka-jo ngai nai khumi my ly “Nang ai ly kaini i tlang tleaung y tara chih ai nai ami my ang khai mo? Jangdyh Aikupta khumi ai padei nai kamta kai ai padei ai tau nai sai a?” napi lawh. Naibaly Mosi ly “Kai i sa nai kalop ly amichi my pany pawn bo ngaw khyh,” nanai thui i kaso theu nai ne.

THEU NAI 32:34

Vai chei iy nang teng y kang thui pi nai meingtym y tym pa-rei nichi ai pahawi; kai i angel my nang ai lam patei ai; na i py hini khumichi i kamngolai kapajeng ai nai neng tym ai mang,” napi.

THEU NAI 33:2

Nangchi ai lam patei ai nai Angel ai kaimy pato pi ai. Kanan cheng, Amori cheng, Hiti cheng, Perizi cheng hawi Jebusi chengchi ai kaimy patheu pawn ai.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

Kati Nai 20:16

kaichi ly Areng teng y kasabawmra hnei nai khala, mymy ly pathang pi i Angel ai pato pi iy, kaichi ai Aikupta pri i dengdairei pahawi nai ne. Vai kaichi ly nang i peang nai khujyh kadesa mary y tym u bo.

MARKA 12:26

Naibaly kadeichi ai pathau bi ai nai leu ly, Mosi i cha-iu y lymlo kangpho satang tajiu naira y Tameuh my, ‘Kai ly Abraham i Tameuh, Isaka i Tameuh, Jakob i Tameuh ne,’ nanai thui nai ly nangchi phain u y nai sai a?

LUKA 19:14

Na i py mymy i khumichi ly ni ai niu ngai y i, ‘Hini khumi ai ly kaichi ai peang ai nai ngai y,’ napi ai nai kangkhym y savai pato.

JOHAN 18:40

Naibaly nichi ly aeu u bi i, “Hini khumi ai ne moh sy, Baraba ai phai sy,” napi. Baraba ly damra khumi ne.

JOHAN 19:15

Naibaly nichi my ly, “Lo la, lo la, kraws tleaung y tahen!” nanai aeu u. Pilata my nichi teng y, “Nangchi i samrang ai ly kraws tleaung y katahen ai a?” napi. Pathyp pi nai keung kalenchi my ly, “Kaisara ny y baly kaichi i samrang takhra by y leang,” nanai pathang.

AMTAW 2:36

Hunaibaly nangchi i tahen nai Isu ai ly Tameuh my Areng hawi Krista y palawn bo, nanai Israela cheng bawibawi my pany u khypkhyp sy,” napi.

AMTAW 3:22

Ne, Mosi my py thui i, ‘Areng Tameuh my nangchi i amjo amnauchi theung i nai kai kamta amo leaungrei ai ang theu hai ai mang, ni my ly leu bawibawi nangchi teng y ang thui pi nai ngierei ly nangchi my tangai ai nai tla.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

AMTAW 7:30

“Naibaly saneng vui palyhrei chi nai bo y Sinai mawi i daichi ka-vym y mai angveaung nai lymlo kangpho theung y kani pri i amtaw thau nai leaungrei mymy teng y amteng bo.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

KOLOSA 1:15

Mymy ly niu thai y nai Tameuh kamta atawm khyp nai, atiti sa nai bawibawichi tleaung y tapen manme nai ne;

HEBRAI 2:2

Ati mana nai mo nabaly kani pri i amtaw thau naichi ai teaung nai leu thui nai malawn py khaw baly, naibaly taphra naira hawi leu tangai y naira cheaungkhangchi ai vawitheung tha naira avo parai nai nga jojo baly,

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.

1 SAMUELA 10:27

Na i py khumi hawi y naichi my, “Hini khumi ly kaichi ai ati kahawi ang sa pi pajau ai mo?,” napi u. Nichi ly Sawla ai tahm khai u y i, ati langseaung py pei u y.

1 SAMUELA 12:8

Jakob hawi my i yhm dengtheungchi ly Aikupta pri y chei u nai khala y, Aikupta chengchi my nichi ai ana u kalikachi bo. Huna nai khala y nangchi i amsi pajochi ly kasabawmra nga ai nai Areng teng y aeu u nai deaungkho y, mymy Mosi hawi Aron ai pato pi. Nini leaung nyhrei ly nangchi i amsi pajochi ai Aikupta pri i dengdairei pahawi iy, hini pri y khuteng sa hai bo.