AMTAW 7:34 - Khumi Common Language Bible

³⁴ Aikupta pri y awm nai kai i khumichi i ngari patang nai sai ly kaniu bo mang, mymychi i tangam nai py kai ly thai jojo, kai ly mymychi ai palawi ai nai kang satla nai bo. Khen cham, nang ai Aikupta pri y kang pato ai,’ napi.

AMTAW 7:34 ပူးပေါင်းရင်းမြစ်များ

ATITI AWM ANGCHEI NAI 11:5

Naibaly Areng my nichi i mary pui hawi yhm ka-sang sa nai ly khen ai nai satla.

ATITI AWM ANGCHEI NAI 11:7

Achi chei iy mychi tengtawi pany thai y ai nai leu athli hai piupa vui sina,” napi.

ATITI AWM ANGCHEI NAI 18:21

Kai i thai nai thui tamawn naichi ly teng khyp mo, teng khyp y mo, nanai pany ai nai chei kathiu ai,” napi.

NEHEMIA 9:9

“Kaichi i amsi pajochi ly Aikupta pri y patang naira avum nai nang ly niu; pangli kamsenra y nichi aeu iy kasabawmra hnei nai raawi py nang ly thai.

SAM 105:26

Naibaly mymy ly mymy i miseaung Mosi hawi mymy vawi takhra nai Aron ai pato bo.

SAM 106:44

Na i py nichi aeu u nai khala y Areng ly thai i, nichi i ngari kamtang py pahen pi bo.

SAM 144:5

Aw Areng, kani khusang ai paeaung iy jeu kathiu ba; mawichi ai teaung baly, hunichira i nai maikhyh theu ai.

THEU NAI 3:14

Tameuh my, “Kai i amyn ly Kai ne: “Kai ne”, nanai leu sai ly Hebrai leu y Jehovah, nanai ne; huni ai ly khumi leu y “Areng” nanai leu tapeang bo. Kai nanai amyn awm nai keung ly nangchi teng y kai ai pato nai ne,’ nanai Israela chengchi teng y thui pi ai nai tla,” napi.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

ISAIA 64:1

Nang ly ati mana nai y kani pa-kho paeaung iy jeu kathiu y lawh mo? Mawichi ly nang ai niu nai khala, jei hyn u ai.

HOSEA 12:13

Areng ly Israela khumichi ai miseaung achei nai Aikupta pri i dengdairei pahawi ai nai hawi, kry ai nai amo leaungrei ai pato pi.

MIKHA 6:4

Kai ly nangchi ai Aikupta pri i dengdairei kang pahawi iy miseaung i nai atleu pi bo. Nangchi ai lam patei ai nai Mosi, Aron hawi Miriamchi ai kang pato pi nai ne.

Kati Nai 11:17

Huni meingtym y kai kang jeu ai i, nang hawi leu arum ai; kaimy nang ai kang pei nai haiho phyrei la iy nichi teng y kapei ai. Naibaly hini khumi mipuichi i vui sa pi ai nai kalopchi, nichi my nang ai ang sabawm pajau ai i, huni kalop ly nangmy leaungrei sa ai nai ny y leang bo.

JOHAN 3:13

Kani pri i dengdairei satla kathiu nai keung ny y baly ami py kani pri y lyn vai y; huni ly Khumi i Chapo ne:mymy ly kani pri y awm nai he.

JOHAN 6:38

Kai ly kaimy i kangai sa ai nai ny y naimy, kai ai pato nai keung i kangai sa ai nai kani pri mang i dengdairei kang satla kathiu nai teu.

TARA CHIH NAI KEUNGCHI 2:18

Areng ly Israela chengchi ai lu sa nai keung leaungrei theu hai nai tleirei, Areng my huni lu sa nai keung ai sabawm nai deaungkho y, huni lu sa nai keung heng nai ryrei ly nichi ai paleung ka-echi teng i nai atleu pi. Areng ly nichi ai khri pa-rei pahen nai ne; ati mana nai mo nabaly nichi ly ngari kamtang hawi pahyp y naimy ana naira avum u iy, vo tangam u nai deaungkho y ne.