AMTAW 7:15 - Khumi Common Language Bible

¹⁵ Hunaibaly Jakob ly Aikupta pri y chei bo; naibaly mymy hawi achi i amsi sangumchi ly dei i,

AMTAW 7:15 ပူးပေါင်းရင်းမြစ်များ

ATITI AWM ANGCHEI NAI 46:1

Jakob ly mymy i vawnsai ngiereichi angvei iy khuleaung amsa i, Beraseba meingtym y tym baly, ampo Isaka i Tameuh teng y kapathypra talam bo.

ATITI AWM ANGCHEI NAI 47:30

Kai ly kaimy i ampochi a-up nai meingtym y a-up ai nai ngai; Aikupta pri i theu hai iy huni meingtym y kai ai py up teang,” napi. Josepha my, “Nang i leu pei nai kamta kang sa pi ai mang,” napi.

ATITI AWM ANGCHEI NAI 49:33

Jakob ly chapochi teng y huna nai leu taviu chum baly, mymy ly ira y aseaung teang i dei bo.

SAM 105:23

Naibaly Jakob ly Aikupta pri y tym i, huni pri y khuteng sa bo.

THEU NAI 1:6

Neng tym baly Josepha hawi amjo amnauchi hawi vanrei, huni deung i amjo amnauchi py dei be bo.

THEU NAI 13:19

Josepha my Israela chengchi teng y leu taviu kheng nai kamta, Mosi ly Josepha i hiuchi syn nai ne; Josepha my, “Tameuh my nangchi ai atleu nai khala y, kai i hiuchi ai hi i nai syn u ai nai tla,” nanai leu taviu kheng bo.

Kati Nai 20:15

Kaichi i amsi pajochi ly Aikupta pri y chei u iy saneng neangneang awm i, Aikupta chengchi my amsi pajochi hawi kaichi ai ana u bo;

Leu Thui Nai 10:22

Nangchi i amsi pajochi ly Aikupta pri y tym nai khala, leaung vui saryhrei awm khyh. Na i py vai ly nangchi i Areng Tameuh my nangchi ai kani mang i ka-sichi tanrei ang peung hai bo.

Leu Thui Nai 26:5

Hunaibaly nang ly Areng i mo y: ‘Kai i amjo amnauchi ly yhm hlau jeaungmang nai Aramean cheng ne; ni ly my i yhm dengtheungchi ai hawi iy Aikupta pri y awm ai nai chei nai khumi ne. Huni pri y tym nai thym khala khumi di parai teu i py, kangkhym y ly khumi neangneang peung iy sa thai naira haiho len nai cheng lawm u bo.

JOSUA 24:32

Israela chengchi ly Aikupta pri i dengdairei syn u nai, Josepha i hiuchi ai Sekhem i ampo, Hamor i chapochi teng y Jakob my tangkacho chungvairei hawi van nai, Sekhem mary i khaileaung y up u bo. Huni khaileaung ly Josepha i kangpreangchi amtym nai khaileaung ne.

JOSUA 24:4

Isaka teng y chapo Jakob hawi Esaw ai thawn hai. Kai ly Esaw ai Edom mawitleaung meingtym kapei pi; Jakob hawi ni i chapochi ly Aikupta pri mang y chei iy awm u bo.