AMTAW 6:3 - Khumi Common Language Bible

³ Hunaibaly amjo amnauchi awi, nangchi theung y Phailo hawi cheng naira my kawi nai khumi, amyn kahawi cheichei leaung saryhreichi ai vawi u, nichi ai ly hini atiti chih ai nai keung y kaichi my khai ai;

AMTAW 6:3 ပူးပေါင်းရင်းမြစ်များ

THEU NAI 18:21

Huni bo y nang ly khumi leaung sangrei kamkawm, leaung chungvairei kamkawm, leaung vui pangrei kamkawm, leaung horei kamkawmchi ai lu sa pajau nai khumichi ai vawi takhra; huni khumichi ly Tameuh ai jei kaji iy, ka-ym awm nai, un cho y naichi lawm ai nai tla.

ISAIA 28:26

Tameuh ly ni teng y cheng naira pei pi nai deaungkho y, ni ly amy i sa ai nai pany.

ISAIA 28:6

Mymy ly tara chih nai keung sa nai khumichi teng y, ka-dyh ka-dawi sa thai nai paleung ka-dawn py, paleung ka-echi ai mary apai katheu pa-khochi ra i nai patheu vui nai khumichi teng y, sorai paleung py pei pi ai.

MATTHAI 23:8

Na i py nangchi ly ‘Rabbi’ ang palau nai amteng u moh; nangchi ai patiu nai keung ly leaungrei awm khyh, naibaly nangchi bawibawi ly amjo amnau ne.

JOHAN 21:23

Hunaibaly huni abangnai ly dei y ai nai leu ly amjo amnauchi theung y amthang hai; na i py Isu ly, “Dei y ai,” nanai ni teng y thui y: “Kai kang jeu bi nai khala khrairei mymy awm jo ai nai kai ngai baly, nang ly mana sa nai?” napi nai khyh.

AMTAW 1:15

Hunai khala y ly (nichi bawibawi ly chungvai atlo leaung apomrei mo awm i) Petera ly amjo amnauchi theung y angdo iy,

AMTAW 1:21

Hunaibaly Areng Isu achi theung y kun reng nai sala y ly Johan i baptis sa nai dengdairei achi teng i nai pahawi kalau vui nai kani tym pa-rei,

AMTAW 10:22

Naibaly nichi my ly, “Kornelia, tavaimi chungvaiei lu, khumi kahawi, Tameuh ai tahm khai nai, Juda cheng bawibawi theung i amyn kahawi awm nai, ni teng y kani pri i amtaw thau nai kachai leaungrei ly nang i leu thui nai pany ai nai hawi, mymy i yhm y nangmy ai palau ai nai py thui pi na a,” napi.

AMTAW 15:23

Naibaly hina nai kamta myni i kiu y pa i, “Amtaw thau naichi hawi amjo amnauchi theung y miteaung kehchi ly Antiokei avang i hawi Suria pri hawi Kiliki pri i Cheng Takhra amjo amnauchi ai ang kawn ba.

AMTAW 16:2

Lustra hawi Ikonion avang y awm nai amjo amnauchi my ly mymy ai palo.

AMTAW 2:4

Naibaly nichi bawibawi ly Phailo Kachai my kawi bebe i, Phailo my leu katheu hai nai ka-tawm leu takhra takhra katheu u amteaung bo.

AMTAW 22:12

“Naibaly khumi leaungrei, Anania, Reita y Tameuh ai tahm khai nai hawi, hu y awm nai Judachi bawibawi teng y amyn kahawi amthang nai ly kai teng y ang jeu iy, kai i ahawi y angdo i, kai teng y,

AMTAW 28:14

hu y ly amjo amnauchi hawi avum i mymychi teng y kani saryhrei awm ai nai ang parawi; hunai kamta kaichi Rom avang mang y tym bo.

AMTAW 6:2

Naibaly holai nyhreichi ly abang nai khumi mipuichi ai palau achu i, “Kaichi ly Tameuh i leu thui nai anawn vui iy sabawi y kalop sa lawh baly avo y leang.

AMTAW 6:5

Huni leu ly khumi mipui bawibawichi ai kawn hai i, nichi ly Stephana, ym naira hawi Phailo Kachai my kawi nai khumi hawi, Philipa hawi, Prokora hawi, Nikanora hawi, Timona hawi, Parmena hawi, Nikola, Judachi i suibang kammeaung Antiokei avang i khumi py, nichi ai vawi; hunichi ai ly amtaw thau naichi i mo y angdo hai iy,

AMTAW 6:6

nichi ly chiu sa i mymychi i tlang tleaung y kiu tamam.

AMTAW 9:30

Naibaly amjo amnauchi my ly huna nai pany i mymy ai Kaisari avang y hawi u kathiu iy, Tarsa avang y pato vui.

I KORINTH 12:8

Khumi leaungrei teng y ly Phailo i saho y cheng naira leu pei nai ne; khumi takhra teng y ly huni Phailo i saho y teang pany ai naira leu pei nai ne;

I KORINTH 16:3

Kai kang tym khala y nangchi i avo napi nai cha syn nai ngiereichi ai ly nangchi i pahen nai atiti pei nai ly Jerusalem avang y tha ai nai kapato ai.

EPHESI 5:18

Naibaly kreip athai hang pavui u moh, hunira y ly amkym pajau y naira awm lawh veng; Phailo kawi nai phai awm u;

Leu Thui Nai 1:13

Nangchi cheng theaung tleirei theung i, cheng nai, pany thai nai hawi lulip pany nai khumichi ai vawi u. Nichi ai nangchi i vui lu sa nai keung y kang khai pi ai,” napi.

I TIMOTHEI 5:10

atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

III JOHAN 1:12

Demetria ly khumi bawibawi hawi, leu meitang khyp nai i palo naira nga bo; kaichi py palo bo; naibaly kaichi i palo nai ly teng, nanai nang ly pany mang.