AMTAW 6:14 - Khumi Common Language Bible

¹⁴ hini Nazaret Isu ly hini yhm aphrei ai i Mosi i Reita ang pei nai ly sa takhra ai, nanai thui nai kaichi thai,” napi.

AMTAW 6:14 ပူးပေါင်းရင်းမြစ်များ

ISAIA 65:15

Kai i vawi takhra nai khumichi ly nangchi i amyn ai, amsawira y teaung u ai. Kai, Areng my py nangchi ai kang padei ai. Na i py kai i leu tangai nai khumichi ai, kai ly amyn kangtha pei ai.

JEREMIA 26:12

Huna nai khala y kai ly lu sa naichi hawi khumichi teng y, “Hini Achura yhm hawi hini mary ai ka-awi sa iy, kai i thui nai ly nangchi thai u bo. Huni leuchi ly kai ai Areng my ang pato iy thui hai nai leuchi ne.

JEREMIA 26:18

“Juda samrang Hezekia deung y Morise avang i amo Mikha ly khumi bawibawichi teng y ati cheaungkhang sa thai nai keung Areng my, ‘Zion mawi ly li khaileaung kamta, thawn piu nai avum ai; Jerusalem mary ly lengseaung ka-nawi pakheng achu nai lawm iy, Achura yhm mawi py thengreung lawm ai,’ nanai ang thui pi bo.

DANIELA 9:26

Naibaly neng kani dym nai khala y, Tameuh my vawi nai miteaung keh ai ly khumi hawi y naimy padei vui ai. Kangkhym y tym iy atho awm nai samrang leaungrei i tavaimichi ly Jerusalem mary hawi Achura yhm taphra u vui ai. Kangkhym y ly Tameuh my sa yb nai kamta, tavai atiu nai hawi taphra naira ly tym iy, tuibai theu nai kamta kangkhym i neng ang tym ai.

HOSEA 3:4

Huna nai kamta Israela khumichi ly samrang by y, lu sa nai keung by y, apathyp nai by y, chiu ai nai lengseaung leng naichi by y, leung khen nai khala teaung nai mynchi by y naimy, neng kakra awm u ai.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

ZEKHARIAH 11:1

Aw Lebanon, nang i saitleang keungchi ly mai my kang ai nai nang i apai katheu pa-khochi paeaung ba.

ZEKHARIAH 14:2

Areng ly Jerusalem mary y tiu ai nai pangym iy hawi ai. Huni mary ai ly peang vui ai. Yhmchira i nai lawm vui ai i, neampachychi ai ly pajang u ai. Khumi phy ka-hyhrei ly pri pala naira avum u ai; huni bo i phy ka-hyhrei ly huni mary i nai asyh u ai ny y.

MATTHAI 26:61

“Hini khumi ly, ‘Achura yhm kalen pui ly ka-phrei iy kani thomrei sala y kasa bi thai,’ na ly,” napi.

MARKA 14:58

“Mymy ly, ‘Hini kiu y sa nai achura yhm kalen pui ly ka-phrei iy, kani thomrei nai sala y takhra harei kiu y so y nai kasa teang ai,’ nanai kaichi thai,” napi.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

LUKA 21:6

“Nangchi i hini atiti niu nai ly panawi y nai lengseaung tleangleang nai ly hi y ha py awm ai ny y; huna nai kani tym ai,” napi.

JOHAN 2:19

Isu my nichi teng y, “Hini achura yhm kalen pui ly taphra u, kani thomrei sala y kaimy sa teang ai,” nanai pathang.

JOHAN 4:21

Naibaly Isu my ni teng y, “Lo awi, kai i leu sai ym: hini mawi y py, Jerusalem avang y py nangchi ly Ampo ai chiu y ai nai neng tym ai bo.

AMTAW 15:1

Naibaly amichi mo Judai pri i dengdairei kathiu iy, Mosi i Reita kamta lengkhym takip y baly hengra ngo u pajau y leang, nanai amjo amnauchi ai patiu.

AMTAW 21:21

naibaly nangmy Cheng Takhrachi theung y awm nai Juda bawibawichi teng y ly mymychi i chanauchi i vui lengkhym takip y ai nai hawi, Reita kamta awm y ai nai py Mosi ai khai ai nai nang patiu reng, nanai khumichi i labeaung y nang i satang ly nichi pany bo.

AMTAW 25:8

naibaly Pawla ly eaung nai leu thui i, “Judachi i reita tleaung y py, achura yhm kalen pui leu y py, Kaisara i tlang tleaung y py kai ati sai py hawi y sa nai by y leang,” napi.

AMTAW 26:3

ati mana nai mo nabaly Judachi theung y reita hawi leu adeng nai bawibawi ra y nang ly khri pa-rei cheng parai; hunai deaungkho y kai i leu hawihai palai tangai pi nem ai nai kang takeng.

AMTAW 28:17

Naibaly kani thomrei nai khala y Pawla ly Juda miteaung keh ngiereichi ai palau achu; naibaly achu i mymy ly nichi teng y, “Amjo amnauchi awi, khumi bawibawi hawi achi i amsi sangumchi i reitara y kai ati sai py so y i py,

KALATIA 3:19

Naibaly Reita ly ati mana nai y awm nai mo? Adeu nai nga ai nai kangpreang tym y ryrei ly taphra nairachi deaungkho y tabi panawi bo, naibaly kani pri i amtaw thau naichi ai teaung iy savai i kiu y chih nai ne.

KALATIA 3:23

Na i py ym naira tym y rai khala y, ym naira amteng ai nai vui ly kho hai iy, Reita i anui y achi ai ang typ nai ne chy bo.