AMTAW 6:10 - Khumi Common Language Bible

¹⁰ Na i py ni i cheng naira hawi thui hai nai keung Pahilo ai ly ei pajau y.

AMTAW 6:10 ပူးပေါင်းရင်းမြစ်များ

JOBA 32:18

Kai ly leu katheu y naimy awm ai nai am-yh pajau y bo. Kaimy i labeaung mang theu nai leuchi ai, paka pajau y bo.

JOBA 32:8

Na i py khumichi ai cheng naira pei nai keung ly ati cheaungkhang sa thai nai Tameuh i phailo ne.

THEU NAI 4:12

Nang ly vaimy chei ly kaimy sabawm ai, nang katheu ai nai kai my kang thui pi ai,” napi.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

JEREMIA 15:20

Nang ly huni khumichi ai amtang pajau ai nai, kai ly nang i kheupaja apai kamta lawm ai. Nichi my nang ai ang tiu u teu i py, nang ai tiu pajau ai ny y. Nang ly chymme pa-rei awm thai ai nai nang ai kry iy, kai ly nang hawi vanrei awm ai,” nanai Areng my thui nai leu ne.

Ezekiela 3:27

Naibaly nang ai kaimy thui hai ali teang ai ngai nai khala y, nang ai leu katheu teang ai nai kang pei ai. Huna nai khala nang ly nichi teng y kai i sa thai naira angym nai Areng my hina nai ang thui pi, nanai amti pi ai nai tla ai. Phyrei khumichi ly nang i leu tangai iy, phyrei khumichi ly tangai y naimy awm u ai. Ati mana nai mo na baly nichi ly tiusi nai khumi cheng ne nai deaungkho y ne.

MIKHA 3:8

Na i py kai ly Israela chengchi teng y mymychi i sa tamang naichi pany hai ai nai Areng i phailo sa thai naira, leu meitang naimy tara chih pajau nai haiho hawi sorai paleung kawi angym bo.

LUKA 1:17

Naibaly ampochi i paleung ly chanauchi mang y ali hai ai nai hawi, leu tangai y naichi ai khumi kahawichi i cheng naira mang y ali hai ai nai py, Areng i vui y amcheang yb nai khumichi ai angvei hai rym ai nai, Elija i paleung hawi sa thai naira apu naimy Areng i mo y tako ai,” napi.

LUKA 21:15

Nangchi i paleung ka-e bawibawichi my paka iy ei thai y ai nai, labeaung hawi cheng naira kang pei ai.

JOHAN 7:46

Miseaung luchi my ly, “Hunai kamta khumi ami py tlen py leu thui vai y leang,” nanai pathang.

AMTAW 5:39

Na i py Tameuh i sa nai ne lawh baly nangchi ly nichi ai tamo hai pajau y leang, ti y baly nangchi Tameuh ai tiu nai tlo lawh na,” napi.

AMTAW 6:11

Naibaly nichi ly khumichi ai um iy mychi my ly, “Ni ly Mosi ai hawi Tameuh ai thui tamawn nai ly kaichi thai bo,” napi.

AMTAW 6:9

Na i py Miseaung alaw naichi i achura yhm i amichi hawi mo, Kurini avang i khumichi hawi, Aleksandria avang i khumichi hawi, Kilikia pri i khumichi hawi, Asia pri i khumichi py angthau u i Stephana ai ei.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

I KORINTH 2:4

Naibaly nangchi i ym naira ly khumi i cheng naira y awm y naimy, Tameuh i atiti sa thai naira y awm thai ai nai,