AMTAW 5:41 - Khumi Common Language Bible

⁴¹ Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

AMTAW 5:41 ပူးပေါင်းရင်းမြစ်များ

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 65:14

Kai i miseaungchi ly amo theu parai naimy khulym thui u i py, nangchi ly paleung phra vo tangam u ai.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

JOHAN 15:21

Na i py nichi ly kai ai pato nai keung ai pany y nai deaungkho y hinichi bawibawi ly kaimy i amyn deaungkho y nangchi i tlang tleaung y sa ai.

AMTAW 21:13

Naibaly Pawla my, “Ati mana nai kai ai paleung si hai ai nai vo u ryry lawh? Areng Isu i amyn deaungkho y Jerusalem y kawm ai nai kavam nai khyh ny y leang, dei ai nai py kavam nai na a,” nanai pathang.

AMTAW 5:21

Naibaly huni ly nichi thai i khutawi neng khala y achura yhm kalen pui y kun i leu patiu. Na i py pathyp pi nai keung kalen keh hawi, mymy hawi vanrei awm naichi py jeu i, tara chih nai keungchi hawi Israela kangpreangchi i miteaung kehchi bawibawi ai palau achu iy, amtaw thau naichi ai pahawi ai nai theaung y khumi pato.

ROM AVANGCHI TENG Y PAWLA I CHA PA NAI 5:3

Naibaly huni khyh ny y naimy, achi i patang naira y py kawn u sina, patang naira my ly kham pajau naira sa;

II KORINTH 12:10

Hunai deaungkho y Krista i molam y ham y naira y py, kangji pei naira y py, rai naira y py, ana hai naira y py, dawn amchei naira y py kakawn lawh nai ne; kai i ham y naira tleirei y kaham lawh nai ne.

PHILIPI 1:29

Ati mana nai mo nabaly nangchi ly Krista deaungkho y mymy ai ym nai harei khyh ny y naimy, mymy deaungkho y nangchi ai ly patang u ai nai py ang pei nai ne;

HEBRAI 10:34

Nangchi ly theaung y tla naichi ai py tamen u bo, naibaly awm jo nai yhmtheaung hawi keh nai awm, nanai pany u iy, nangchi i yhmtheaung ang lawm pi nai py amo theu naira palawn u bo.

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

JAKOB 1:2

Kai i amjo amnauchi awi, nangchi i ym naira cham nai ly kham pajau naira sa, nanai pany iy

III JOHAN 1:7

ati mana nai mo nabaly, nichi ly Cheng Takhrachi teng i dengdairei ati sai py lo u y naimy, huni Amyn deaungkho y khuleaung chei veng bo.