AMTAW 5:31 - Khumi Common Language Bible

³¹ Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

AMTAW 5:31 ပူးပေါင်းရင်းမြစ်များ

SAM 89:19

Jangni khala y nang ly ka-ym awm nai miseaungchi teng y amteng hai nai ly “Amyn amthang nai sorai risachi ai kaimy sabawm bo; kaimy khumi theung i nai leaungrei ai vawi takhra iy, samrang atehra kapei pi bo.

SAM 89:24

Kai ly ni ai tamen iy ka-ym awm ai; kai ly ni ai eaung hai jojo ai.

ISAIA 43:11

“Kai leaungrei naini Areng ne. Kai leaungrei naini nangchi ai atleu pajau khyh.

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

Ezekiela 17:24

Kai ly Areng ne, nanai hini pri y awm nai dengkeaung bawibawichi my pany ai. Kai ly dengkeaung ka-sangchi paliu iy dengkeaung lochi asang hai ai. Dengkeaung ngam heng-up nai keungchi ai ly ngam ajawi hai iy, ngam ajawi rawm nai keungchi ai ly heng-up hai ai. Hini ly kai, Areng i leu pei nai ne. Kai ly kaimy i leu kamta kasa ai,” napi.

Ezekiela 34:24

Kai, Areng ly nichi i Tameuh lawm ai. Kai i miseaung Davida ka-tawm samrang py, nichi ai peang nai samrang lawm ai. Hini ly kai i pei nai leu ne.

Ezekiela 37:25

Nichi ly mychi i amsi pajochi awm reng nai pri, kai i miseaung Jakob teng y kaimy pei nai pri y awm u ai. Nichi kamta nichi i cho chanauchi hawi, nichi i kangpreang bawibawichi py, huni pri y awm u jojo ai. Kai i miseaung Davida kamta samrang ly nichi ai peang jojo ai.

DANIELA 9:25

Vai, kang thui pi nai ly hawihai palai tangai ba. Jerusalem mary sa palum teang ai nai leu pei nai dengdairei, Tameuh my vawi nai miteaung keh tym nai neng ryrei, saneng vui saryh nai meingtym saryhrei awm ai. Jerusalem mary ly lamchi, khaw parai nai mary apaichi hawi sa palum teang ai. Sa palum nai saneng vui tariu saryh nyhrei nai meingtym saryhrei tym pa-rei kra ai. Na i py huni neng ly patang nai neng ne ai.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

MATTHAI 1:21

Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MARKA 2:10

Ati py ne sy khaileaung pri y ly Khumi i Chapo ly kamngo pahen ai nai aly peang naira awm,

MARKA 4:12

hunaibaly nichi ly niu mang ly niu thai u ai i, dawn naira pipi pany y ai: kano y py thai u ai i, pipi pany thai y ai: ti y baly nichi ly hi ali teang ai i pahen naira ngo u vui lawh na,” napi.

LUKA 2:11

Vaini ly nangchi i vui Davida i avang y Paheng Keung tapen bo, Areng Krista ly.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

JOHAN 4:42

Nichi ly neampachy teng y, “Vai taleang ly kaichi nang i leu thui nai deaungkho y ym nai ny y leang bo: kaimychi kypkyp my ni i leu thai iy, hini ly khaileaung pri ai lawi hai nai keung ne khyp, nanai pany bo,” napi.

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 13:23

Huni khumi i kangpreangchi theung i nai Tameuh my leu adeu nai kamta Israelachi teng y Paheng Keung, Isu napi nai ai ang tym hai bo;

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

AMTAW 2:36

Hunaibaly nangchi i tahen nai Isu ai ly Tameuh my Areng hawi Krista y palawn bo, nanai Israela cheng bawibawi my pany u khypkhyp sy,” napi.

AMTAW 2:38

Naibaly Petera ly nichi teng y, “Uikhei u ly, nangchi i kamngo pahen ai nai Isu Krista i amyn y baptisma ngo u bawibawi, hunaibaly Phailo kachai pei nai ly nangchi py ngai ai.

AMTAW 3:15

na i py mymy ai ly Tameuh my kadeichi theung i dengdairei pathau teang bo, kaichi ly huni pany hai nai keung ne.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

AMTAW 3:26

Tameuh my mymy i Miseaung ai khai pi i, nangchi bawibawi ai nangchi i kamngo i dengdairei hi vui iy amtheaung hai ai nai, nangmychi teng y ang pato pi manme nai bo he,” napi.

AMTAW 4:11

Nangchi yhm sa nai keungchi i lengseaung tahm khai y nai, taki i lengseaung avo keh lawn nai ly mymy ne nai bo he.

II KORINTH 2:10

Na i py ati cheaungkhangra y py ami ai nangchi my pahen nai ngierei ly kai py pahen teang; kai py kapahen chum angchi nai ly, atiti py kapahen baly, nangmychi deaungkho y Krista i mo y ly kapahen nai ne;

EPHESI 1:7

achi ly mymy y ly mymy i thi deaungkho y atleu naira nga, mymy i pahen nai nang parai nai sai kamta achi i taphra nairachi ang pahen nai bo.

PHILIPI 3:20

Na i py achi i khuteng sa nai ly kani pri mang y ne; achi ly Paheng Keung, Areng Isu Krista ai ly hu i dengdairei satla ai nai ajeng jojo nai ne.

KOLOSA 1:14

achi ly mymy y ly atleu naira nga nai ne, huni ly achi i kamngochi pahen nai ne.

TITA 1:4

ym sangum naira y kai i chanau kypkyp Tita teng y ly: Ampo Tameuh hawi achi ai Paheng Keung Krista Isu teng i nai pahenra hawi awmnem naira py awm sy.

TITA 2:10

ka-ym awm naira kahawi bawibawi amteng hai iy, mymychi i yhmkeungchi i kangai awm iy ati cheaungkhangra y nichi ai kawn hai ai nai pachei.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 2:10

Ati mana nai mo nabaly ni i vui y ati cheaungkhang awm nai hawi, ni i saho y ati cheaungkhang awm teang nai keung i vui ly, chanau neangneangchi ai nang parai naira y hawi ai nai, nichi i heng naira sa pi nai keung ai ly patang nairachi deaungkho y angym hai ai nai avo parai.

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

II PETERA 1:11

hunaibaly achi i Areng hawi Paheng Keung Isu Krista i deungtasarei peang naira y kun ai nai khri pa-rei ang nga hai ai.

II PETERA 2:20

Naibaly nichi ly Areng hawi Paheng Keung Isu Krista ai pany nai deaungkho y khaileaung pri i amnyng naira i nai angpreng vui nai bo y, hunira y ang tang u teang bi iy pajau nai awm makho baly, nichi i kangkhym i awm nai sai ly angchei i tleaung y ly hawi y kehkeh nai ne.

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

I JOHAN 4:14

Naibaly Ampo my chapo ai ly khaileaung pri ai Paheng Keung lawn ai nai ang pato nanai ly achi pany py pany, thai py thai hai bo.

JUDA 1:25

Isu Krista achi i Areng deaungkho y neng den py by y rai khala y py, vai py deungtasa khrarei py palo naira hawi, nang parai naira hawi, peang naira hawi, sa thai naira py awm sy. Amen.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.