AMTAW 5:14 - Khumi Common Language Bible

¹⁴ Naibaly neampacho neampachy neangneang Areng ai ym i panawi ra bi bo.

AMTAW 5:14 ပူးပေါင်းရင်းမြစ်များ

2 SAMUELA 6:19

Israela pri y awm nai neampacho, neampachy ngireichi ai tako phirei, mawi dang nai akawirei hawi kreip athai phi ha harei anga pa-rei paji pi. Naibaly khumi bawibawichi ly mychi i yhm mang y vawi u bo.

EZARA 10:1

Ezara ly Achura yhm mo y lu meung naimy vo iy, kamngo ahui i chiu sa nai thym khala y, Israela neampacho, neampachy, deaungdichi abawi nai khumi mipuichi ly vo nai tarawi y ni teng y angym u bo.

NEHEMIA 8:2

Hunaibaly Ezara ly pany thai kawp nai neampacho, neampachy mipui akachu nai meingtym y, huni Reita cha-iu syn iy,

THEU NAI 35:22

Talam ai paleung ano nai neampacho neampachychi ly muku ka-ma-ra atai nai, muku kano, muku kiu sabyh hawi muku leangchi talam patyp ai nai Areng teng u iy,

ISAIA 45:24

“Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

AMTAW 11:24

mymy ly khumi kahawi ne i, Phailo kachai hawi ym naira kawi nai ne. Naibaly khumi neangneang Areng ai ym panawi bi bo.

AMTAW 2:41

Naibaly ni i leu tangai nai ngierei ly baptisma nga bo, naibaly huni kani y ly khumi sang thomrei awm panawi bi.

AMTAW 2:47

Naibaly khumi bawibawichi ly nichi ai kawn hai. Naibaly paheng dudu nai ngiereichi ai ly Areng my kani tleirei nichi teng y panawi hai ryhryh.

AMTAW 22:4

naibaly hini Lam i khumichi ai padei ai nai pa-rei kai ana iy, neampacho neampachychi ai kawm nai, theaung y kakhai reng.

AMTAW 4:4

Na i py leu tangai naichi theung y neangneangchi my ly ym, nichi i nawi nai sai ly neampacho ka-cheang ryry naimy sang pangrei awm.

AMTAW 6:7

Naibaly Tameuh i leu ly ahei ryh ahei ryh i, Jerusalem y py abangnaichi khrikhri pa-rei peung bo; pathyp pi nai keungchi i kamkawm theung y py neangneangchi ly ym naira patawm bo.

AMTAW 8:12

Na i py nichi ly Tameuh i peang nai hawi Isu Krista i amyn Satang Kahawi py Philipa my thui pi nai ym u khala ly, neampacho py neampachy py baptisma nga u bo.

AMTAW 8:3

Na i py Sawla my palau takhra kamkawmchi ai khrikhri pa-rei ana i, yhm tleirei kun iy neampacho neampachychi ai ryh i theaung y khai bo.

AMTAW 9:2

huni Lam y awm nai niu nai ngierei ai ly, neampacho ai py neampachy ai py kawm iy, Jerusalem y pahawi thai ai nai, Damaska avang i achura yhm bawibawi y pei ai nai cha hnei.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

AMTAW 9:35

Naibaly Ludda hawi Saron adym y awm naichi bawibawi ly mymy ai niu i, Areng mang y mo hi u bo.

AMTAW 9:42

Naibaly Joppa avang bawibawichi ly pany be i, khumi neangneang Areng ai ym bo.

II KORINTH 6:15

Krista ly Beliara hawi ati ado naira awm mo? Ti y baly ym nai khumi hawi ym y nai khumi hawi ly nga ahawi ai naira ati awm mo?

KALATIA 3:28

Hunai ra y ly Juda khumi py Krik khumi py awm thai y leang, hunaira y ly miseaung py miseaung ny y nai py awm thai y leang, hunaira y ly neampachy py neampacho py awm thai y leang;