AMTAW 4:30 - Khumi Common Language Bible

³⁰ naibaly nang i miseaung kachai Isu i amyn deaungkho y ka-ma-rachi hawi, atiti lyh ai awm parai nai so hai kyh ba,” napi.

AMTAW 4:30 ပူးပေါင်းရင်းမြစ်များ

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

JEREMIA 15:15

Huna nai khala kaimy, “Nang ly pany nai ne. Kaichi ai pany jo ly sabawm kyh ba. Kaichi ai pahyp y naimy ana nai khumichi ai, vawitheung tha teang ai nai pei kyh ba. Nichi ly kaichi ai padei ai nai neng tym nai pa-rei, neaung kham pi moh. Kaichi i tlang tleaung y mei aniu y nai ly nang deaungkho y ne, nanai pany pi jo kyh ba.

JOHAN 4:48

Isu ly ni teng y, “Nangchi ly ka-ma-rachi hawi lyh ai awm naichi py niu y baly pipi ym ai ny y leang,” napi.

AMTAW 2:22

“Israela khumichi awi, hini leu ly tangai u cham: Nazaret Isu ai ly Tameuh my mymy ai teaung iy nangchi theung y atiti nang parai naichi hawi, atiti rengrangchi hawi ka-ma-rachi hawi sa nai ly hawihai ang pany hai nai, huni ly nangmychi kypkyp my pany bo.

AMTAW 2:43

Naibaly khumi bawibawichi ly jei i, abangnaichi ly atiti rengrang hawi ka-ma-ra neangneang sa.

AMTAW 3:13

Abraham hawi Isaka hawi Jakob i Tameuh, achi i amsi sangumchi i Tameuh my ly mymy i Miseaung Isu ai ly palo nai bo he; ni ai ly nangchi my patiu hai i, Pilata my patheu ai tau nai khala y py mymy i mo y nangchi my ngai y nai ly.

AMTAW 3:16

Naibaly mymy i amyn y ym nai deaungkho y mymy i amyn my ly hini, nangchi i pany nai hawi niu nai khumi ai ly hawihai nai bo he: ne, mymy i saho y ym naira awm nai my ly nangchi bawibawi i mei ka-niu y ni ai hawihai pyn nai bo he.

AMTAW 3:6

Na i py Petera my, “Kai ly muku tangka sai py by y leang; na i py kai i awm nai kang pei keih ai: Nazaret Isu Krista i amyn y tako,” napi.

AMTAW 4:10

Nazaret Isu Krista ai nangchi my kraws tleaung y tahen nai ly, Tameuh my ni ai kadeichi theung i dengdairei pathau bi nai ly, mymy i amyn kypkyp y hini khumi ly hi y nangchi i mo y hawi naimy angdo nai bo he.

AMTAW 4:27

Hini avang y ly nang i Miseaung kachai nang i rimui paju nai Isu i tlang tleaung y ly nang i kiu hawi paleung y tym ai nai khai takhra rym nai ngierei ly sa ai nai,

AMTAW 5:12

Naibaly khumichi theung y amtaw thau naichi i kiu y ka-ma-ra hawi atiti rengrang neangneang sa hai. Naibaly nichi bawibawi ly paleung vanrei Solomon i dangkhum y awm achu.

AMTAW 6:8

Naibaly Stephana ly tamen naira hawi sa thai naira my kawi i khumichi theung y atiti rengrang hawi, atiti ka-ma-ra len parai tlai naichi py sa.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.