AMTAW 4:20 - Khumi Common Language Bible

²⁰ Kaini ly kaini i atiti niu nai hawi pany naichi ly thui y naimy awm pajau y leang,” napi.

AMTAW 4:20 ပူးပေါင်းရင်းမြစ်များ

2 SAMUELA 23:2

Areng i phailo ly kai mang dengdairei leu pei bo; mymy i leu ly kai i labeaung teng y awm.

JEREMIA 1:7

Na i py Areng my, “Nang ly saneng theang ala, nanai thui moh. Kaimy pato nai khumichi teng y nang chei iy, kai i leu pei nai ngiereichi amti pi.

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

JEREMIA 4:19

Kai i paleung pathym no-ei na! kham pajau y na pa-rei no-ei na! Kai i paleung khri pa-rei ahyn thlyhthlyh na! Kasa them nai bo! Kai ly awm py thai y bo. Baw eng nai katyn hawi tavai tiu aeu nai raawichi py kathai bo.

JEREMIA 6:11

Aw Areng, kai ly nang i kado theu naira my kawi i, am-yh pajau y na bo,” napi. Naibaly Areng my, “Kai i kado theu naira ai, lam y awm nai deaungdi tlang tleaung y py, tleaungri ka-cheangchi amkheng achu nai tlang tleaung y py tym hai ba. Aju juvochi hawi khri pa-rei miteaung acheang nai khumichi ly tleaung u ai ny y.

Ezekiela 3:11

Naibaly pri palara avum nai nang i chengchi teng y chei ba. Nichi ly nang i leu ai tahm khai i py ne sy, tahm khai y i py ne sy, kai, sa thai naira angym nai Areng my leu pei nai thui pi,” napi.

AMOS 3:8

Khrangsi hang baly ami py jei y nai awm pajau ai mo? Sa thai naira angym nai Areng my leu pei baly ami mo py, leu pei nai ai aeu y nai awm pajau na a?

MIKHA 3:8

Na i py kai ly Israela chengchi teng y mymychi i sa tamang naichi pany hai ai nai Areng i phailo sa thai naira, leu meitang naimy tara chih pajau nai haiho hawi sorai paleung kawi angym bo.

Kati Nai 22:38

Balam my, “Vai ly kai kang tym bo; na i py kai ly kaimy ngaingai thui pajau y. Tameuh my kai ai thui hai nai ngierei naini kai ly thui pajau khyh,” napi.

Kati Nai 23:20

Amtheaung hai ai nai kai ai leu ang pei; Tameuh my pei nai amtheaungra ai ly paka vui thai y leang.

LUKA 1:2

huna nai deaungkho y Theophila kahawi keh awi, ati cheaungkhang pakeung i dengdairei hawihai palai kapatawm i,

AMTAW 1:22

hini achi i amkawm reng naichi theung i khumi leaungrei ly kaichi hawi vanrei mymy i angthau bi nai pany hai ai nai keung lawn ai nai tla,” napi.

AMTAW 1:8

Na i py Phailo kachai my nangmychi i tlang tleaung y tym nai khala y nangchi ly sa thai naira nga u ai; hunaibaly Jerusalem y py, Judai pri hawi Samari pri verei y py, khuteng taki y tym pa-rei nangchi ly kai i leu pany hai nai keungchi lawn ai,” napi.

AMTAW 18:5

Na i py Sila nini Timothei ly Makedonia pri i dengdairei tym kathiu kha ly Pawla ly paleung am-yh pajau y nai awm i, Isu ly Krista ne, nanai Judachi teng y thui pi pachai.

AMTAW 2:32

Hini Isu ai ly Tameuh my pathau bi bo, nanai kaichi bawibawi ly pany hai nai keung ne.

AMTAW 2:4

Naibaly nichi bawibawi ly Phailo Kachai my kawi bebe i, Phailo my leu katheu hai nai ka-tawm leu takhra takhra katheu u amteaung bo.

AMTAW 22:15

Nang i niu nai hawi thai naira y py mymy i vui khumi bawibawichi teng y nang ly pany hai nai keung lawn ai.

AMTAW 3:15

na i py mymy ai ly Tameuh my kadeichi theung i dengdairei pathau teang bo, kaichi ly huni pany hai nai keung ne.

AMTAW 5:32

Naibaly kaichi ly huni leu pany hai nai keung ne; Phailo Kachai, Tameuh my mymy i leu tangai nai ngiereichi teng y pei nai ly, mymy py pany hai nai keung ne teang,” napi nai pathang.