AMTAW 4:13 - Khumi Common Language Bible

¹³ Naibaly Petera nini Johan i vam nai sai ly nichi my niu i, cha neangneang kawp y nai khumi hawi, neangneang pany y nai khumi ne, nanai pany kha y ly khri pa-rei lyh parai i, nini ly Isu teng y awm bo, nanai pany bo.

AMTAW 4:13 ပူးပေါင်းရင်းမြစ်များ

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MATTHAI 26:71

Naibaly dangkhum y theu iy anglo takhra my ni ai niu i, hu y awm naichi teng y ly, “Hini khumi py Nazaret Isu teng y awm nai na a hi ly,” napi.

MATTHAI 26:73

Naibaly tanarei chy sala y ahawi y angdo naichi my ly Petera teng y, “Nang py nichi theung i khumi khyp nai bo, nang i leu y amny chy bo,” napi.

LUKA 22:8

Isu my Petera hawi Johan ai ly, “Achi ly Katlen Vui nai pawi cha thai ai nai pawi ba,” nanai pato.

JOHAN 19:26

Hunaibaly Isu ly mymy i amhm hawi abangnai leaungrei mymy tamen nai ly ahawi y angdo nai niu i amhm teng y, “Neampachy awi khen cham, nang i chapo ly!” napi.

JOHAN 7:15

Naibaly Judachi ly, “Hini khumi ly cha amtiu vai y naimy mana pany lawh?” napi i lyh parai.

JOHAN 7:49

Na i py hini Reita pany y nai khumi mipuichi ly amsawi lawi nai na a,” nanai pathang.

AMTAW 4:14

Naibaly no hawi nai khumi ly myni teng y angdo nai niu i ati sai py tlau pajau y.

AMTAW 4:19

Na i py Petera nini Johan my ly nichi teng y, “Tameuh i mei ka-niu y Tameuh i leu patawm nai tleaung y ly nangchi i leu patawm nai teng keh lawh a? Dawn u cham.

AMTAW 4:29

Hunaibaly Areng, vai nichi i kaichi ai ram nai sai ly khen cham; naibaly nang ly amichi ai no hawi sa nai nang i kiu jaha nai tarawi y, nang i miseaung ly vam parai pa-rei nangmy i leu pany hai ai nai sabawm kyh ba;

AMTAW 4:31

Naibaly nichi chiu sa pajau iy, mymychi i awm achu naira ahyn bo; naibaly nichi bawibawi ly Phailo Kachai my kawi i vam parai pa-rei Tameuh i leu thui pi.

AMTAW 9:27

Na i py Barnaba my ly ni ai hawi i, amtaw thau naichi teng y chei hai iy, ni ly lam y Areng ai niu nai hawi arum nai sai py, Damaska avang y Isu i amyn y vam parai pa-rei leu thui pi nai sai py mymychi teng y thui pi bo.

AMTAW 9:28

Hunaibaly Sawla ly Jerusalem y nichi teng y kun py kun, theu py theu i, Areng i amyn y vam parai pa-rei my leu thui pi.

I KORINTH 1:27

Na i py Tameuh my khumi kachengchi ai ly tapheaung thai ai nai, khaileaung pri i atiti cheng y naichi ai vawi lawh veng; naibaly Tameuh my atiti ham naichi ai tapheaung thai ai nai, khaileaung pri i atiti ham y naichi ai vawi lawh veng;

I KORINTH 14:25

hunaibaly ni ly ambeu iy Tameuh ai chiu ai i, Tameuh ly nangchi theung y awm tatang, nanai thui ai.

II KORINTH 3:12

Hunaibaly kaichi ly hunai kamta athang khai naira awm nai deaungkho y kaichi ly vam parai pa-rei leu thui pi nai ne;