AMTAW 3:25 - Khumi Common Language Bible

²⁵ Nangchi ly amochi hawi leu maikawm chanauchi ne chy bo; huni ly Tameuh my nangchi i amsi sangumchi teng y adeu i Abraham teng y, ‘Nang i kangpreang deaungkho y khaileaung pri i cheng cheaungkhangchi tlamsa ai,’ napi.

AMTAW 3:25 ပူးပေါင်းရင်းမြစ်များ

ATITI AWM ANGCHEI NAI 12:3

Nang ai amtheaung hai nai khumichi ai ly kaimy amtheaung hai ai, Na i py nang ai pasawi nai khumichi ai ly kaimy kapasawi teang ai. Naibaly nang i saho y khumi cheng cheaungkhangchi ly amtheaung naira nga u ai,” napi.

ATITI AWM ANGCHEI NAI 17:19

Na i py Tameuh my pathang nai ly “Ny y leang, nang i aju Sarah my chapo ang tapen pi ai i amyn Isaka pathi ai nai tla. Kai ly ni hawi py, ni i kangpreangchi hawi py asa nai Leu Maikawm ly deungtasarei khaw hai jojo ai. Huni ly deungtasarei i vui Leu Maikawm ne.

ATITI AWM ANGCHEI NAI 18:18

Mymy i kangpreangchi ly cheng kalen hawi sa thai naira awm nai khumi cheng lawm ai; ni deaungkho y cheng cheaungkhangchi ai kaimy amtheaung hai ai.

ATITI AWM ANGCHEI NAI 20:7

Na i py vai ly neampachy ai juvo teng y tha pi ali teang. Mymy ly amo leaungrei ne i, nang i vui chiu so pi na mang; hunaibaly nang ly dei y ai. Na i py nangmy pei pi ali teang y baly nang i khumichi hawi nang ly dei takengkei ai, nanai kaimy leu kang pei,” napi.

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 28:14

Nang i kangpreangchi ly khaileaung salo y spryh kamta peung u ai. Nangchi i khu ka-peang ly tosyh tokalawi, nidym nisi tym pa-rei kau ai; kai ly nang hawi nang i kangpreangchi i saho y khaileaung pri y awm nai khumi bawibawichi ai amtheaung hai ai.

1 NENG SATANG 16:16

Abraham hawi asa nai Leu Maikawm ai py, Isaka teng y leu adeu nai ai, mana khala py tami u moh.

1 NENG SATANG 16:17

Areng ly Jakob hawi deungtasarei khaw ai nai Leu Maikawm asa bo.

NEHEMIA 9:8

Nang i tlang tleaung y ka-ym awm nai khumi, nanai niu nai deaungkho y, nang ly ni hawi Leu Maikawm asa bo. Ni i katu chanauchi awm ai nai i vui y, ni teng y Kanan pri, Hiti pri, Amori pri, Perizi pri, Jebusi pri hawi Kirakashi prichi pei ai nai adeu bo. Nang ly ka-ym awm nai keung ne nai deaungkho y, adeu nai leu khaw hai ai.

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

SAM 96:7

Khaileaung salo y awm nai khumi bawibawichi awi, Areng ai palo u; mymy i nang parai naira hawi sa thai naira ai palo u.

LUKA 1:72

Mymy i miseaung Davida i dengtheungchi theung y ly paheng nai taki py ang sa pi bo.

AMTAW 13:26

“Amjo amnauchi awi, Abraham i kangpreang chanauchi awi, nangchi theung y Tameuh ai tahm khai nai bawibawichi awi, achi teng y hini heng nai leu ang pa nai bo he.

AMTAW 2:39

Ati mana nai mo nabaly hini adeu nai ly nangchi i vui py, nangchi i chanauchi i vui py, kamlo parai ra i khumi bawibawichi i vui py, Areng achi i Tameuh my mymy teng y palau nai ngiereichi i vui py ne,” napi.

ROM AVANGCHI TENG Y PAWLA I CHA PA NAI 15:8

Hini ly kang thui pi ai nai ngai, Amsi pajochi teng y adeu nai leu ly khaw hai ai nai hawi, ni i pahen naira deaungkho y Cheng Takhrachi ly Tameuh ai palo u thai ai nai py,

ROM AVANGCHI TENG Y PAWLA I CHA PA NAI 4:13

Reita deaungkho y Abraham hawi mymy i kangpreangchi teng y ly khaileaung pri amtym ai nai keung ne ai, nanai leu ly adeu nai ny y leang, ym naira deaungkho y nga nai hawi naira i saho y teu.

KALATIA 3:16

Naibaly Abraham teng y hawi, mymy i kangpreangchi teng y py atiti leu adeu hai nai ne. Khumi neangneangchi i molam leu thui nai kamta, “Kangprengchi teng y py,” tapi y; na i py leaungrei molam leu thui nai kamta, “Nang i kangpreang teng y py,” napi nai ne lawh veng; huni ly Krista ne.

KALATIA 3:29

Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.

KALATIA 3:8

Naibaly Tameuh i cha-iu ly Tameuh ly ym naira deaungkho y Cheng Takhrachi ai ly eaung hai ai, nanai pany hai rym i, “Nangmy y ly cheng cheaungkhangchi ly amtheaung hai naira nga ai,” nanai Abraham teng y Satang Kahawi thui pi yb bo.

AMTENG HAI NAI 14:6

Naibaly kani pri i amtaw thau nai takhra leaungrei ly kani laileaung y angkheang nai kaniu: khaileaung pri y awm nai theaung cheaungkhangchi hawi, cheng cheaungkhangchi hawi, leu cheaungkhangchi hawi, khumi cheaungkhangchi teng y py deaungtasarei Satang Kahawi thui pi ai nai mymy teng y au bo;

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;

AMTENG HAI NAI 7:9

Huni bo y kai ly khen i khen cham, theaung cheaungkhangchi hawi, cheng cheaungkhangchi hawi, khumi cheaungkhangchi hawi, leu cheaungkhangchi theung i ami py kati pajau y nai khumi mipui ka-teng ny y naichi ai ly kanih kangleung akhiu nai, kiu y lymlo syn naimy areng atehra hawi Beram Cho i mo y angdo nai kaniu;’