AMTAW 3:19 - Khumi Common Language Bible

¹⁹ Hunai deaungkho y nangchi i kamngochi ly tama hai thai ai nai uikhei u ly, ali u teang jau,

AMTAW 3:19 ပူးပေါင်းရင်းမြစ်များ

SAM 103:12

Nisi kangtem ly nidym kangtem hawi palo nai kamta, mymy ly achi i kamngochi ai py, achi hawi palo hai veng bo.

SAM 51:13

Huna nai khala y kai ly kamngo sa tamang nai khumichi ai nang i leu pei naichi patiu pi ai; nichi py nang teng y jeu u ali teang ai.

SAM 51:9

Kai i kamngochira i nai meimai hi vui iy, kai i sa tamang nai ngiereichi ai taphra pi pyn kyh ba.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 44:22

Kai ly nangchi i kamngochi ai khupanym kamta, akheang hai pawn bo. Kai teng y jeu u ali teang; nangchi ai atleu nai keung ly kai ne.

ISAIA 51:11

Nangmy atleu pi chum nai khumichi ly khri pa-rei amo theu naimy khulym thui iy Jerusalem mary y tym u ai. Nichi ly deungtasarei amo theu u ai i, deungtasarei paleung si vo tangam nai avum u ai ny y.

ISAIA 6:10

Naibaly mymy ly “Hini khumichi i paleung ly deitup naimy, nichi i kanochi ly pang naimy, meichi py paju naimy awm pa-rei so. Huna khala naini nichi ly niu pajau y, thai pajau y, pany thai y naimy awm u ai. Nichi ly niu pajau, thai pajau, pany thai pajau lawh ai nabaly, mymychi phailo mang i no-nachi tama ai nai kai teng y ali u teang ai,” nanai kai ai leu pei bo.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

ISAIA 61:9

Nichi ly khumi cheng cheaungkhangchi theung y amyn amthang u ai. Nichi ly kai i amtheaung naira nga nai khumichi ne, nanai nichi ai niu nai khumi lutengchi my pany u ai,” napi.

JEREMIA 36:3

Juda khumichi ly mychi i vui kaimy dawn yb nai ka-jeira satang thai u lawh baly, mychi i hawi y naira khai su tan khai u su lym ai. Huna nai khala y kai ly nichi i hawi y sa nai kamngochi pahen pi ai,” napi.

JEREMIA 50:20

Huni neng tym nai khala kai ly kaimy heng ai pei nai khumichi i kamngochi kapahen pi ai i, Israela pri y sa tamang nai kamngo ati sai py avum ai ny y. Juda pri y py tamang nai ati sai py niu ai ny y. Hini ly kai, Areng i thui nai leu ne,” napi.

TANGAM NAI LEU 3:40

Achi ly amychi i tako nai lam dawn pasym iy, Areng teng y ali u teang sina.

TANGAM NAI LEU 5:21

Aw Areng, nangmy teng y jeu ali teang ai nai pei kyh ba. Kaichi ai pahawi ali teang kyh ba! Jangni i kamta kaichi ai phum-ang haiho len hai kyh ba.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

DANIELA 9:13

Kaichi ly Mosi i reitara y awm nai kamngo pajeng naira bawibawi ly avum u bo. Na i py kaichi i Areng Tameuh awi, vaimy kaichi ly nang i kangai mang y atho sa iy, kamngora i nai en vui ai nai hawi leu meitang lam mang y abang ai nai py, atho kaso u y rai.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

MATTHAI 13:15

Ati mana nai mo nabaly hini chengchi i paleung ly kyh chawn veng bo, Nichi i kano py pang panang veng i, Nichi i mei py pasym teang. Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai, Naibaly nichi ly hi ali teang lawh iy Nichi ai hawi kaso pi vui lawh na,’ napi.

MATTHAI 18:3

“Meitang khyp kang thui pi, nangchi ly adawn ali teang iy deaungdi chychi kamta lawn y baly kani pri y kun u ai nai ly aveng.

LUKA 1:16

Israela kangpreang neangneangchi ai py mychi i Areng Tameuh teng y ali hai teang ai.

LUKA 22:57

Na i py mymy ly, “Lo awi, kai ly ni ai ly pany y leang,” nanai apha.

AMTAW 1:6

Naibaly nichi ly jeu achu iy ni teng y, “Areng, Israelachi teng y nangmy pri pei bi ai nai ly vai a?” nanai deng.

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 11:21

Naibaly Areng i kiu my mymychi ai sabawm i, khumi neangneang ym iy Areng mang y hi lengleang.

AMTAW 15:3

Hunaibaly palau takhra kamkawmchi my ly nichi ai pavum i, nichi my Cheng Takhrachi ly mo hi ali teang nai satang thui pi prei naimy Phawiniki pri hawi Samari pri y tako prei bo; hunaibaly amjo amnauchi ly khrikhri pa-rei kawn hai.

AMTAW 17:26

khaileaung salo verei y awm ai nai thi vanrei y my khumi cheaungkhang ai sa iy, mymychi i vui neng hawi awm naira jyh py khai pi;

AMTAW 2:38

Naibaly Petera ly nichi teng y, “Uikhei u ly, nangchi i kamngo pahen ai nai Isu Krista i amyn y baptisma ngo u bawibawi, hunaibaly Phailo kachai pei nai ly nangchi py ngai ai.

AMTAW 28:27

hini chengchi i paleung ly kyh chawn veng bo i, Nichi i kano py pang panang veng i, Mychi i mei py pasym teang; Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai. Naibaly nichi ly ali teang lawh iy Kai ly nichi ai hawi so pi vui lawh na,’ nanai napi nai ly.

AMTAW 3:20

hunaibaly Areng teng i dengdairei amcheng nai neng tym thai ai i, Isu, nangchi i vui y ang khai pi yb nai Krista ai ly ang pato thai ai nai:

AMTAW 3:21

ni ai ly ati cheaungkhang sa palai nai neng tym y ryrei ly kani my kawn ai nai tla rai: huni leu ly Tameuhmy khaileaung palum angchei khyp khala i dengairei amo kachaichi i labeaung y thui yb bo.

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

II THESALONIKA 1:10

nichi ai ly Areng hawi mymy i nang parai nai atiti sa thai naira i dengdairei deungtasarei tama ai naira khrairei patheu iy, ngari patang ai.

II THESALONIKA 1:7

mymy ly mymy i kani pri i amtaw thau nai ham parai naichi hawi mai kangveaung theung y kani pri mang i dengdairei amteng nai khala y ly,

II TIMOTHEI 2:25

hawi y sa naira y kham pajau nai, mymy i patiu nai leu ngai y naichi ai leu anui parai naimy nichi ai patiu lawh ai nai tla;

HEBRAI 4:1

Hunai deaungkho y jei nai tarawi y amkym u sina, ti y baly mymy i anawn naira y kun ai nai leu adeu nai ly awm jojo makho iy, nangchi theung y ami py kai y nai awm lawh na.

I PETERA 2:25

Nangchi ly beram kamta lam tamang nai ne i, vai ly nangchi i phailo ai ang typ nai hawi peang nai keung teng y vawi ali u teang veng bo he.

II PETERA 3:8

Na i py ngai parai naichi awi, hini leu sairei nai ly tami u moh, Areng i dawn naira y ly kanirei nai ly saneng sangrei nai kamta lawn iy, saneng sangrei nai py kanirei nai kamta lawn teang.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.