AMTAW 3:18 - Khumi Common Language Bible

¹⁸ Na i py Tameuh my amo bawibawichi i labeaung y mymy i Krista ly atiti ngari patang ai nai satang thai hai yb nai ly ang tym hai nai bo he.

AMTAW 3:18 ပူးပေါင်းရင်းမြစ်များ

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

ISAIA 50:6

Kai ly kai ai pakhau nai khumichi teng y nithun anam amteng pi nai ne. Kai i labeaung muichi aprei chum baly, kai i meimai y pachi pathawi iy, kai ai nichi my ana nai khala, kai ly nichi ai paka y leang.

DANIELA 9:26

Naibaly neng kani dym nai khala y, Tameuh my vawi nai miteaung keh ai ly khumi hawi y naimy padei vui ai. Kangkhym y tym iy atho awm nai samrang leaungrei i tavaimichi ly Jerusalem mary hawi Achura yhm taphra u vui ai. Kangkhym y ly Tameuh my sa yb nai kamta, tavai atiu nai hawi taphra naira ly tym iy, tuibai theu nai kamta kangkhym i neng ang tym ai.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

AMTAW 10:43

Ami py mymy ai ym nai ngierei ly mymy i amyn deaungkho y, kamngochi pahen naira ng ai, nanai hini satang ly amo bawibawichi my pany hai ly,” napi.

AMTAW 2:23

Ni ai ly Tameuh my mymy i kangai sa ai tau thleng nai hawi pany yb nai kamta patiu hai iy, nangchi lykhumi kamngochi i kiu y kraws tleaung y tahen i padei bo.

AMTAW 28:23

Naibaly nichi ly mymy ai kani adeu i, mymy i anga nai yhm y mymy teng y khumi neangneang jeu u, naibaly mymy ly khawn mang i dengdairei dym mang y khrairei huni leu ly thui pi pachai i, Tameuh i peang nai satang pany hai; Mosi i Reita cha-iu leu hawi amochi i cha-iu leu y py Isu mang y mymychi ai parawi ryry.

II PETERA 1:21

Thui rym nai leu ha py khumi i kangai y theu vai y leang: huni ny y naimy Phailo Kachai my khumichi ai dawn hai iy Tameuh teng i dengdairei thui nai ne.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.