AMTAW 3:12 - Khumi Common Language Bible

¹² Naibaly Petera ly huna nai niu iy nichi teng y pathang i, “Nangchi Israela khumichi awi, hini ly ati mana nai rengrang napi lawh? kaini i sa thai naira hawi, kaini ly Tameuh ai tahm khai nai khumi ne nai deaungkho y teu kaini my ni ai tako hai thai nai ka-tawm ly ati mana nai kaini ai khen ryry lawh?

AMTAW 3:12 ပူးပေါင်းရင်းမြစ်များ

ATITI AWM ANGCHEI NAI 40:8

Nini my, “Kaini ly amang amang akyhkyh nai ne; na i py amang thui pi pachai pajau nai keung leaungrei py by y,” napi. Josepha my, “Tameuh my naini amang thui pachai pajau ai nai chengra pei pajau khyh, nangni i amang kai teng y thui pi cham,” napi.

ATITI AWM ANGCHEI NAI 41:16

Josepha my, “Samrang awi, kai py kaimy ngai ngai thui pi pachai thai y leang, na i py Tameuh my avo nai kamta thui pi pachai thai ai,” napi.

JOHAN 7:18

Ami py amy i leu paseang iy thui nai ly amy ai apalo naira hau nai teu; pato nai keung ai palo naira hau nai ly huni khumi kypkyp ly meitang ne, mymy teng y ly hawi y naira den py by y.

AMTAW 13:26

“Amjo amnauchi awi, Abraham i kangpreang chanauchi awi, nangchi theung y Tameuh ai tahm khai nai bawibawichi awi, achi teng y hini heng nai leu ang pa nai bo he.

AMTAW 2:22

“Israela khumichi awi, hini leu ly tangai u cham: Nazaret Isu ai ly Tameuh my mymy ai teaung iy nangchi theung y atiti nang parai naichi hawi, atiti rengrangchi hawi ka-ma-rachi hawi sa nai ly hawihai ang pany hai nai, huni ly nangmychi kypkyp my pany bo.

AMTAW 3:11

Naibaly mymy ly Petera nini Johan ai amkhaw jo nai thym khala y ly, khumi bawibawichi my lyh parai i Solomon i dangkhum napi naira y angpreng achu.

AMTAW 3:13

Abraham hawi Isaka hawi Jakob i Tameuh, achi i amsi sangumchi i Tameuh my ly mymy i Miseaung Isu ai ly palo nai bo he; ni ai ly nangchi my patiu hai i, Pilata my patheu ai tau nai khala y py mymy i mo y nangchi my ngai y nai ly.

ROM AVANGCHI TENG Y PAWLA I CHA PA NAI 11:1

Tumbaly Tameuh ly mymy i khumichi ai ly aphi vui a? Ny y leang. Kai py Israelacho, Abraham i kangpreang Benjamin cheng ne.

ROM AVANGCHI TENG Y PAWLA I CHA PA NAI 9:4

Nichi ly Isaelachi ne; chanau lawn naira py, tahm asang naira py, leu maikawm bawibawi py, Reita peinai py, Tameuh ai chiu ai nai py, leu adeu nai bawibawichi py mymychi i ne;

II KORINTH 3:5

ati py kaimychi teng i dengdairei theu nai palawn ai nai kaimychi my pha pajau ryry nai kana nai ny y leang; na i py kaichi i pha pajau nai ly Tameuh teng i dengdairei nga nai ne.

AMTENG HAI NAI 7:13

Naibaly miteaung kehchi theung i nai leaungrei ly kai teng y, “Hini kanih kangleung akhiu naichi ly amichi mo? Nichi ly ma i dengdairei jeu nai mo?” nanai deng.