AMTAW 28:4 - Khumi Common Language Bible

⁴ Naibaly cheng takhrachi my ly mymy i kiu y pavui atang kalangkang jo nai niu i, “Hini khumi ly kasi nga nai khumi ngaw ngaw khyh, pangli i dengdairei chymme naimy lawi i py, vawitheung tha ai nai Keung my mymy ai heng ai nai pei y nai bo hi ly,” na u leungtang.

AMTAW 28:4 ပူးပေါင်းရင်းမြစ်များ

ATITI AWM ANGCHEI NAI 3:1

Tameuh my sa nai tawnbawi cheaungkhangchi theung y, pavui ly li-tapawp naira y cheng keh nai ne. Pavui my neampachy teng y, “Tameuh my akho theung i thengthai athai cheaungkhangchi cha ai nai tlo y, ang napi nai ly ne khyp a?” napi.

LEU KACHENG 28:17

Khumi ai padei nai khumi ly amy i vui tapreaung angawm tai kaliki nai khumi ne. Huni khumi ai paka ai nai atho so moh.

ISAIA 26:21

Areng ly khaileaung pri i khumichi ai, kamngo pajeng ai nai mymy i awm naira dengdairei ang jeu ai. Khaileaung salo y kangviu y khumi padei nai tamang nairachi ly pheaungrang ai. Tleh naira avum nai khumichi ai khaileaung my ly apha pi vui ai ny y.

ISAIA 43:20

Daichi mawichi malawn py, kai ai tahm khai iy palo u ai. Kai ly kaimy vawi takhra nai khumichi tui nga ai nai molam tui by y nai daichi ka-vymra y tavo tuichi leaung hai nai khala y khivachi hawi kula-iu tavochi ly kai ai palo u ai.

ZEPHANIAH 2:15

Hini ly amymy ai sa thai naira awm bo, nanai py, chymme naira awm bo, nanai py, athang khai nai mary i avum ai nai khym taham ne. Huni mary i khumichi ly mymychi i mary ai, khaileaung pri y len keh, nanai athang khai u bo. Huni mary ly daichi tawnbawichi anawnra lawm iy, mana tanrei khumi angso savai tlang na ai mo? Huni sahawi mang tako nai khumi bawibawichi ly athengra iy, nithun mang y anaw u vui na ai.

MATTHAI 23:35

hunaibaly khumi kahawi Abela i thi dengdairei, meingtym kachai hawi maicham sala y Barakia i chapo Zakaria ai nangchi my padei nai thi khrairei, khaileaung tleaung i khumi kahawichi i thi theu nai bawibawi ly nangchi i tlang tleaung y tym ai.

MATTHAI 27:25

Naibaly khumi humchi bawibawi ly, “Ni i thi ly kaimychi i tlang tleaung y hawi, kaichi i chanauchi i tlang tleaung y py awm sy,” napi nai pathang.

LUKA 13:2

Naibaly mymy ly nichi teng y, “Huni Kalili pri i khumichi ly hunai kamta atiti patang nai deaungkho y Kalili pri i khumi bawibawichi tleaung y kamngo keh nai athang khai u lawh a?

LUKA 13:4

Naibaly Siloam yhm ka-sang my khumi leaung holai tajareichi ai tih na naichi py Jerusalem i awm nai khumi bawibawichi tleaung y khumi kamngo keh nai athang khai u lawh a?

JOHAN 7:24

Salo y khen phriu naimy chih moh, na i py hawihai palai dawn iy chih u,” nanai pathang.

AMTAW 28:2

Naibaly cheng takhrachi my pahen ala nai pahen y alam na, kani nai nai y hawi padeng nai deaungkho y mai sa i, kaichi bawibawi ai ang kawn.

AMTAW 28:3

Naibaly Pawla ly theng angeangrei acheaung iy, mai y teih i, bi nai deaungkho y pavui theu nai mymy i kiu y patiu i, atang cheng jo.

AMTAW 28:5

Na i py ni my ly pavui ai mai y katheng pawp i, ati sai py no y.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.