AMTAW 28:2 - Khumi Common Language Bible

² Naibaly cheng takhrachi my pahen ala nai pahen y alam na, kani nai nai y hawi padeng nai deaungkho y mai sa i, kaichi bawibawi ai ang kawn.

AMTAW 28:2 ပူးပေါင်းရင်းမြစ်များ

EZARA 10:9

Juda hawi Benjamin khu ka-peang theung y awm nai neampacho bawibawichi ly kani thomrei sala y my, takawrei lo kani apomrei kani y Jerusalem mary Achura yhm ly-um y jeu u achu bo. Huna nai khala y khri pa-rei kani taawi. Khumichi ly kani hawi y nai hawi aly len nai meeting molam y py kaso theu u nai ne.

Levi 19:18

Ami ai vawitheung tha moh, paleung ka-e khai moh. Nangmy ai atamen nai kamta saleaung deaungpa ai py tamen ai nai tla. Kai ly Areng ne.

Levi 19:34

Nichi ai amy cheng tengtawi kamta palawn iy, amy ai atamen nai kamta, nichi ai py tamen teang ai nai tla. Nangchi py Aikupta pri y cheng takhrachi kamta lawm u nai ly apany u jo ba. Kai ly nangchi i Areng Tameuh ne.

MATTHAI 10:42

Naibaly ami py abang nai khumi ne nai deaungkho y hini theangchi chy naichi theung y leaungrei teng y tui savai khaurei chy i py pei nai ngierei ly meitang khyp kang thui pi, mymy i kawn nai vang ly pipi tamo y ai,” napi.

JOHAN 18:18

Naibaly miseaungchi hawi miseaung luchi ly hu y angdo u mang: padeng nai deaungkho y maisaei hawi mai sa iy aawm u: Petera py nichi teng y abawi i, angdo nai tarawi y mai aawm teang.

AMTAW 27:3

Naibaly khawn mang y ly Sidon avang y tym. Naibaly Julia my ly Pawla ai hawihai dawn hai i, amcheng ai nai ahawichi teng y pavai ai nai pei.

AMTAW 28:3

Naibaly Pawla ly theng angeangrei acheaung iy, mai y teih i, bi nai deaungkho y pavui theu nai mymy i kiu y patiu i, atang cheng jo.

AMTAW 28:4

Naibaly cheng takhrachi my ly mymy i kiu y pavui atang kalangkang jo nai niu i, “Hini khumi ly kasi nga nai khumi ngaw ngaw khyh, pangli i dengdairei chymme naimy lawi i py, vawitheung tha ai nai Keung my mymy ai heng ai nai pei y nai bo hi ly,” na u leungtang.

ROM AVANGCHI TENG Y PAWLA I CHA PA NAI 1:14

Kai ly Krikchi hawi Cheng Takhrachi teng y py, khumi kachengchi hawi cheng y naichi teng y py kalai awm.

ROM AVANGCHI TENG Y PAWLA I CHA PA NAI 14:1

Naibaly ym naira y ham y nai khumi ai ly mymy i ym thai y nai sai cheh y naimy kawn u.

ROM AVANGCHI TENG Y PAWLA I CHA PA NAI 14:3

Cha nai khumi my ly cho y nai khumi ai ati sai py ny y nai palawn moh sy; cho y nai khumi my py cha nai khumi ai ly cheh moh sy. Tameuh my ni ai ly kawn veng bo chy bo.

ROM AVANGCHI TENG Y PAWLA I CHA PA NAI 2:27

Naibaly amymy i tapen nai sai y lengkhym takip y nai my ly Reita patawm angym baly, nang, cha-iu leu hawi lengkhym takip nai reita awm iy py, Reita taphra nai keung ai ly ang cheh y ai a?

I KORINTH 14:11

Hunaibaly kai ly leu awm nai sai pany thai y baly, thui pi nai keung i mo y cheng takhra khumi kalawn ai, naibaly thui pi nai keung py kai i mo y cheng takhra khumi lawn teang ai.

II KORINTH 11:27

sa akawm nai hawi myn kaji pho naira y py, i thai y nai tlen neangneangra y py, kajeu alam nai hawi tui ahai naira y py, tlen neangneang biu hai naira y py, tlang ka-keu awm nai padeng naira y py kaawm.

KOLOSA 3:11

hunira y ly Krik hawi Juda hawi, lengkhym takip nai hawi, lengkhym takip y nai hawi, cheng takhra hawi, Skuthia khumi hawi, miseaung hawi, miseaung ny y naichi py awm thai y leang; Krista naini cheaungkhang ne lawh iy, cheaungkhang theung y awm teang nai ne.

HEBRAI 13:2

Angvynchi ai kawn ai nai tami u moh:phyreichi ly hunai kamta sa iy pany y naimy kani pri i amtaw thau naichi ai anga hai lawh veng bo.