AMTAW 27:33 - Khumi Common Language Bible

³³ Naibaly khutawi ai bo nabaly Pawla my khumi bawibawichi ai biu cha ai nai parawi i, “Nangchi ati sai py cho y naimy ajeng nai biu hai jo i, vaini ly kani holai palyhrei awm bo.

AMTAW 27:33 ပူးပေါင်းရင်းမြစ်များ

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

MATTHAI 15:32

Naibaly Isu ly abangnaichi ai palau iy, “Khumi mipuichi ly vai kai teng y kani thomrei awm i, nichi ly cha ai nai ati sai py by y nai deaungkho y kai ly nichi ai khri pa-rei pahen na; biu hai naimy ly nichi ai tako hai ai nai ngai y, ti y baly nichi ly lam sala y paha u lawh na,” napi.

AMTAW 27:21

Naibaly kra parai pa-rei biu cho y naimy awm nai bo y Pawla my ly nichi theung y angdo iy, “Arengchi awi, Krit tlawn i dengdairei chei y naimy kai i leu tangai i khyly, hini phra naira hawi chau ai naira ly tym ai ny y.

AMTAW 27:32

Hunaibaly tavaimichi ly vuinawn o baw i, paleaung chy tla hai vui bo.

AMTAW 27:34

Hunai deaungkho y kawn parai naimy biu cho u ba; nangmychi heng ai nai chy bo; nangchi theung y ami py sam amairei py tamo y leang mang,” napi.

AMTAW 9:19

Naibaly biu cha i amcheng ali teang bo.