AMTAW 27:24 - Khumi Common Language Bible

²⁴ ‘Pawla, jei moh, nang ly kaisara i mo y angdo ai nai tla; naibaly khen cham, paleaung mang nang hawi chei ahawi nai bawibawichi py Tameuh my nang ai ang pei nai mang,’ ang napi.

AMTAW 27:24 ပူးပေါင်းရင်းမြစ်များ

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

ATITI AWM ANGCHEI NAI 19:29

Na i py Tameuh my Lota awm nai adym i mary bawibawi ai py taphra nai khala, Tameuh my Abraham ai pany jo i, Lota ai ly tleaung hai nai ne.

ATITI AWM ANGCHEI NAI 30:27

Huna nai khala Labana ly mymy teng y, “Kaimy kang thui pi ai; nang i saho y Areng my kai ai amtheaung hai, nanai kang pany pi bo.

ATITI AWM ANGCHEI NAI 39:23

Theaung kry nai keung ly Josepha teng y kalop au nai bo y, mymy ly sai py dawn ai nai ngai bi y leang bo; ati mana nai mo nabaly Areng my Josepha ai awm hai nai deaungkho y, mymy i sa nai tleirei y eaung naira nga hai nai ne.

ATITI AWM ANGCHEI NAI 39:5

Huna khala i ka-so Areng my Josepha i saho y, huni Aikupta khumi i yhm dengtheung ai py, ni i kalop hawi li hlau kalopchi ai py amtheaung hai bo.

ATITI AWM ANGCHEI NAI 46:3

Tameuh my, “Kai ly Tameuh ne, ngampo i Tameuh ne: nang ly Aikupta pri mang y chei ai nai jei moh; hu y nang i kangpreangchi ai kaimy khumi cheng kalen lawm hai ai.

1 ARENG KEH 17:13

Elija my ly “Paleung mawn moh; chei ly nangni cha ai nai teicha teinei phai so. Na i py kai i vui tako phirei so pi man ly jeu hai; huni bo y tako dei kamlai hawi nangni chapo amhm i vui so ba.

2 ARENG KEH 6:16

Elisa my, “Jei moh, achi mang y awm naichi ly nichi mang y awm naichi tleaung y nawi keh,” napi.

JOBA 35:8

Nang i sa nai kamngochi ly nang kamta, khumichi ai patang naira tym hai pajau; nang i kahawi sa naichi py, khumichi ai hawi naira nga hai pajau nai ne.

TANGAM NAI LEU 3:57

Kai ai jei moh, nanai pathang pi bo.

DANIELA 2:24

Hunai deaungkho y Daniela ly Babulon pri i, khumi kachengchi ai padei ai nai samrang teng i leu nga nai Ario teng y chei i ni teng y, “Huni khumichi ai padei moh kyh. Kai ai samrang teng y hawi ba. Kai ly samrang i amang thui pachai pi ai,” napi.

MIKHA 5:7

Dei kamthum Israela chengchi ly Areng my tla hai nai kadam kamta, pri neangneangchi ai atho awm hai ai. Thengthai keungchi salo y, nai hai nai kanitui kamta lawm ai. Hunichi ly khumichi i leu tangai y i, Tameuh i leu naini tangai khyh nai ne.

MATTHAI 10:18

Ne, mymychi hawi Cheng Takhrachi ai pany hai ai naira lawn ai nai, kaimy deaungkho y nangchi ai miteaung kehchi hawi samrangchi i mo y ang hawi ai.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

JOHAN 11:9

Naibaly Isu my, “Kanirei y nari holai nyhrei by y a? Ami py kanithun y pavai baly, hini khaileaung pri i kangvang ang niu nai deaungkho y atlym vai y.

AMTAW 19:21

Naibaly huna nai pajau iy Pawla ly Makedonia pri hawi Akaia pri y amki i Jerusalem y chei ai nai paleung awm i, “Hu y chei pajau nai bo y Rom avang py kakhen ai nai tla,” napi.

AMTAW 23:11

Naibaly huni vum y Areng ly Pawla i ahawi y angdo iy, “Ham parai naimy awm ly, Jerusalem y nang ly kai i leu pany hai nai kamta ly, Rom avang y py nang pany hai ai nai tla,” napi.

AMTAW 25:11

Kai khumi kamngo ne iy, dei ai nai ataing pa-rei kai atiti hawi y sa nai ne baly, dei ai nai py kai ei y leang mang; na i py hinichi my kai ai ang seu nai ly atiti teng y naira ati sai py by y baly, ami py nichi teng y kai ai au pajau y leang.

AMTAW 27:31

hunai thym khala y Pawla my ly tavaimi chungvairei lu hawi tavaimichi teng y, “Hinichi ly paleaung kalen y awm jo y baly nangchi lawi pajau y leang,” napi.

AMTAW 27:37

Naibaly kaichi paleaung i khumi bawibawi ly chungvai nyh pa-thom vui saryh taja leaung tariurei awm.

AMTAW 27:42

Naibaly tavaimichi ly theaung y tla naichi ai padei ai nai arum, ti y baly amichi my tui y jau iy preang lawh na, nanai jei.

AMTAW 27:44

khumi takhra phyrei ly dengkeaung pheichi tleaung y, phyreichi ly paleaung i vawn takhrachi tleaung y angpeang ai nai leu pei; hunai kamta ly nichi bawibawi kacheng y chymme naimy tym bebe bo.

AMTAW 9:15

Na i py Areng my ly mymy teng y, “Chei, chei; Cheng Takhrachi hawi, samrangchi hawi, Israela kangpreangchi teng y kai i amyn apu ai nai vawi nai na a;

PHILEMON 1:22

Ati py ne sy, kai i anga naira so pi rym kyh: nangchi i chiu sa nairachi deaungkho y nangchi teng y kai ai ang pei ai, nanai athang kakhai.

JAKOB 5:16

Hunaibaly no hawi ang sa pi thai ai nai nangchi i kamngo ly mang mang ahui u ly, mang mang py chiu aso u. Khumi kahawi i chiu sa nai ly khrikhri pa-rei atiti sa thai.

AMTENG HAI NAI 1:17

Naibaly mymy ai kaniu khala y mymy i kheu keung y dei nai kamta ka-tlym mawp. Naibaly ni ly mymy i lamtang mang i kiu y kai ai nam iy,