AMTAW 27:23 - Khumi Common Language Bible

²³ Ati mana nai mo nabaly vaivum kai i ahawi y Tameuh i kani pri i amtaw thau nai angdo i (kai ly mymy i ne, mymy i kalop py kasa),

AMTAW 27:23 ပူးပေါင်းရင်းမြစ်များ

SAM 116:16

Aw Areng, kai ly nang i miseaung ne; kai i amhm sa nai kamta, kai ly nang i kalop sa pi ai. Nang ly kai ai deira i nai atleu pi bo.

SAM 135:4

Mymy ly Jakob ai mymy i vui hawi Israela chengchi ai, mymy i peang nai lawn ai nai py vawi takhra bo.

SAM 143:12

Nang ly kai i tlang tleaung y tamen nai deaungkho y, paleung ka-echi ai padei pawn kyh ba; kai ly nang i miseaung ne nai deaungkho y, kai ai ana nai khumi bawibawichi ai padei pawn ba.

THEU NAI 19:5

Vai nangchi ly kai i leu tangai iy kai i Leu Maikawmchi patawm baly nangchi ly kai i khumichi lawm u ai. Khaileaung bomverei ly kai i ne; na i py nangchi ly kaimy vawi takhra nai kai i khumichi lawm ai.

Solomon i khulym 2:16

Kai i khrei nai ai ly kaimy peang; kai ai py ni my ang peang teang.

Solomon i khulym 6:3

Kai i khrei nai keung ai kaimy peang, kai ai py nimy angpeang teang. Ni ly mymy i beram kanghuchi ai jeupawm reaung y teicha patlai reng nai ne.

ISAIA 44:21

Areng my, “Israela chengchi awi, hini satangchi pany u jo ba; nangchi ly kai i miseaung ne, nanai pany u. Nangchi ai kai i miseaungchi lawm ai nai kaimy sa nai ne. Hunaibaly kai ly nangchi ai mana khala py tami vui ai ny y.

ISAIA 44:5

“Khumichi ly leaungrei bo y leaungrei, ‘Kai ly Areng i khumi ne,’ nanai thui u ai. Nichi ly Israela chengchi hawi vanrei jeu iy awm u ai. Nichi ly khumi luteng kiubanra y Areng i amyn tajiu u iy, mymychi naimy Tameuh i khumi, nanai apalau u ai,” napi.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 32:38

Naibaly nichi ly kai i khumichi lawm iy, kai py nichi i Tameuh lawm ai.

Ezekiela 36:38

Vaichi khala Jerusalem mary ly pawi kanichira y apathyp nai beramchi hawi kawi mang nai kamta, vai, phra pawn nai marychi ly khumichi hawimy kawi mang na ai. Huna nai khala kai ly Areng ne, nanai nichi pany u ai,” napi.

DANIELA 3:17

Kaichi i chiu nai Tameuh ly kaichi ai mai pui kangveaung theung i nai py, nang i kiu i nai py, atleu pajau baly atleu ai.

DANIELA 3:26

Hunaibaly samrang Nebukhadnezar ly khri pa-rei angveaung nai mai pui kangveaung pa-khora chei iy, “Tahm asang keh nai Tameuh i miseaung Sadraka, Meshaka hawi Abedanekochi awi, mai pui theung i nai theu u,” napi. Naibaly nichi ly vaimy theu u bo.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

DANIELA 6:16

Hunaibaly samrang i leu pei nai kamta, Daniela ai khrangsi paeung nai angawm y aphi u bo. Samrang my Daniela teng y, “Nang i ka-ym awm naimy chiu nai Tameuh ly nang ai atleu pi na sy,” napi.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MALAKHI 3:17

Ati cheaungkhang sa thai nai Areng my, “Hini khumichi ly kai i khumichi lawm ai. Nichi ly kaimy tara chih nai kani y kai i khumi kypkypchi lawm ai. Ampo ly my i miseaung kamta sa nai chapo tlang tleaung y pahen nai kamta, kai py nichi tlang tleaung y pahen ai.

JOHAN 12:26

Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

AMTAW 16:17

Huni anglo ly Pawla kaichi ai hui iy, “Hini khumi paheng nai lam ang thui pi nai keungchi ly Salo Keh i Tameuh i miseaungchi na a hi ly,” nanai aeu.

AMTAW 18:9

Naibaly vum y Areng my Pawla teng y ly amang kamta amang i, “Jei moh, anawn y naimy leu thui jojo;

AMTAW 23:11

Naibaly huni vum y Areng ly Pawla i ahawi y angdo iy, “Ham parai naimy awm ly, Jerusalem y nang ly kai i leu pany hai nai kamta ly, Rom avang y py nang pany hai ai nai tla,” napi.

AMTAW 5:19

Na i py vum y Areng i kani pri i amtaw thau nai leaungrei my theaung katheu paeaung i nichi ai theu hai iy,

AMTAW 8:26

Naibaly Areng i kani pri i amtaw thau nai leaungrei my Philipa teng y, “Angthau ly, tokalawi mang, Jerusalem dengdairei Kaza avang y theu nai lam y tako ba; huni ly daichi ka-vym ne,” napi.

ROM AVANGCHI TENG Y PAWLA I CHA PA NAI 1:1

Pawla, Isu Krista i miseaung amtaw thau nai lawn ai nai palau nai, Tameuh i Satang Kahawi thui pi ai nai khai takhra nai ly,

ROM AVANGCHI TENG Y PAWLA I CHA PA NAI 1:9

Naibaly kai ly kai i chiu sa naira y ly anawn y naimy nangchi i amyn katabawi jojo;

ROM AVANGCHI TENG Y PAWLA I CHA PA NAI 6:22

Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

I KORINTH 6:20

Nangchi ly nangmychi i py ny y leang, nangchi ai ly vang y ang van nai ne; hunai deaungkho y nangchi i tlang y ly Tameuh ai palo u.

Leu Thui Nai 32:9

Na i py Jakob i kangpreangchi ai, mymy i vui y vawi takhra bo.

II TIMOTHEI 1:3

Kai ly anawn y naimy kai i chiu sa naira y ly ka-dawn hai vau reng nai kha y ly Tameuh teng y kawn nai leu kathui; kai ly amsi sangumchi i sa nai kamta, hawi nai hawi y nai pany naira chai pyn nai awm iy mymy i kalop kasa reng nai ne.

II TIMOTHEI 2:24

Areng i miseaung ly ajo ai nai tlo y i, khumi bawibawichi i tlang tleaung y neaung hawi iy patiu nai sai kawp i,

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

TITA 1:1

Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

AMTENG HAI NAI 22:16

Kai, Isu ly, palau takhra kamkawmchi i vui y hini atitichi nangchi teng y pany hai ai nai, kai i kani pri i amtaw thau nai ai kang pato veng bo. Davida i tangjyn kadeu hawi kangpreang, khawn tempo avang parai nai kai ne.