AMTAW 26:29 - Khumi Common Language Bible

²⁹ Naibaly Pawla my ly, “Maiden chy i py, maiden chy ny y i py nang ai leaungrei kang napi nai khyh ny y leang, vaini kai i leu thai nai bawibawichi ai py kaimy ka-tawm awm ai nai Tameuh i saho y kai ngai na a, hini kawm naira harei khyh ny y naimy,” napi.

AMTAW 26:29 ပူးပေါင်းရင်းမြစ်များ

2 SAMUELA 18:33

Samrang ly khri pa-rei paleung si tangam naimy, mary apai katheu amphu salo y awm nai takun theung mang y chei iy vo bo. Huna nai lyn kalau nai thym y, “Aw kai i chapo! kai i chapo Abasalom! Abasalom kai i chapo! nang i jeng y kai dei ai nai ngai. Kai i chapo Abasalom! kai i chapo!” nanai vo tangam bo.

2 ARENG KEH 5:3

Kanirei nai khala y ni ly my i yhmkeung neampachy teng y, “Achi i yhmkeung ly Samari mary y awm nai amo teng y chei baly, khri pa-rei hawi ai! Huni amo ly yhmkeung i roka hawi pa-rei sa pi pajau ai,” napi.

THEU NAI 16:3

“Areng ly kaichi ai Aikupta pri y dei hai khyly hawi keh alam ai; kaichi ly huni pri y mawi hawi tako kajeu kawi pa-rei cha ai nai nga; vai ly kaichi ai kajeu ka-lam y dei hai ai nai, hini daichi ka-vym y ang pahawi nai na a hi ly” nanai josei u lengleang bo.

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

JEREMIA 38:20

Kaimy, “Nang ly nichi i kiu y tym ai ny y. Nang teng y kaimy kang thui pi nai Areng i leu phai tangai iy, sa ai nai kang takeng nai teu. Hina nai kamta sa baly cheaungkhangra hawi ai i, nang ly hengra nga ai.

Kati Nai 11:29

Mosi my, “Nang ly kai i molam y ati thui nai mo? Areng ly mymy i khumi mipuichi teng y phailo pei nai deaungkho y, nichi ly amochi kamta ly aeu u lengleang na sy!” napi.

JOHAN 5:34

Ne mang ly kai ai pany hai nai ly khumi teng i nai ny y leang: na i py nangchi ly hengra nga thai ai nai hini leu kang thui pi nai teu.

AMTAW 12:6

Naibaly Heroda my ni ai hawi ai nai khala y, huni vum y ly Petera ly sangkry nyhrei pachu naimy tavaimi leaung nyhrei sala y i, typ nai keungchi py katheu pa-kho ahawi y awm i theaung y typ.

AMTAW 21:33

Naibaly tavaimi lu areng keh my ly ahawi y chei i mymy ai patiu iy sengkry vui nyhrei hawi kawm ai nai leu pei: naibaly ni ly ami mo, ati sa mo nanai deng.

AMTAW 25:14

Naibaly hu y ly kani neangneang awm nai deaungkho y Festa ly Pawla i satang samrang teng y thui i, “Felika my ly theaung y tla nai khumi ami ai mo khai jo;

ROM AVANGCHI TENG Y PAWLA I CHA PA NAI 10:1

Amjo amnauchi awi, kai i paleung i kangai hawi mymychi i vui y Tameuh teng y chiu kasa pi nai ly, nichi ly hengra nga u thai ai nai ne.

I KORINTH 4:8

Vai py nangchi ly kawi palai bo! Vai py nangchi ly nang bo, nangchi ly kaichi abawi y naimy peang nai bo he; ne, kaichi py nangchi hawi peang ai nga ai nai nangchi ly peang tatang nai khyly kangai.

I KORINTH 7:7

Na i py khumi bawibawi ly kaimy kamta khyp awm bebe i khyly kai i ngai nai ne. Ne mang ly khumi leaung leaungrei ly Tameuh teng i dengdairei atiti sa thai naira pei nai, leaungrei ly hinai kamta, leaungrei ly hunai kamta amy i nga nai awm bawibawi.

II KORINTH 11:1

Kai i pathu kyh naira y ly nangchi my kham pi pajau ai nai kangai y! Ne, kai ai kham py kham pi kyh.

EPHESI 6:20

hunira y ly kai i thui ai avo nai kamta vam parai naimy kathui thai ai nai hawi, kai i vui py hnei pi u kyh; kai ly huni Satang Kahawi deaungkho y sengkry pachu nai savai ne.

KOLOSA 1:28

kaichi my khumi leaung leaungrei ai parip iy, khumi leaung leaungrei ai cheng naira cheaungkhang y patiu nai, mymy i satang kaichi my thui pi reng nai ne: