AMTAW 26:24 - Khumi Common Language Bible

²⁴ Naibaly mymy ly hunai kamta eaung nai leu thui nai thym khala y Festa ly athorei my, “Pawla, nang ly pathu bo; nang i amtiu nai nawi ala naimy ang pathu hai nai bo tu ly,” napi.

AMTAW 26:24 ပူးပေါင်းရင်းမြစ်များ

2 ARENG KEH 9:11

Jehu ly my i ahawi tavailu arengchi teng y tym ali teang nai khala y, nichi my, “Ati cheaungkhang hawi a? Huni kamthu ly nang teng y ati aly jeu nai mo?,” nanai deng u. Jehu my, “Ni i aly ly nangchi pany,” napi.

JEREMIA 29:26

“Areng ly nang ai Jehojada i jeng pathyp pi nai keung y khai i, nang ly Achura yhm kry nai keung kalen lawn bo. Amo amlawn nai khumi kamthu ngiereichi ai kaneaung y tamo sengkry patli iy thang ai nai ly nang i kalop ne.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

MARKA 3:21

Naibaly mymy i ahawichi ly huna nai thai i, “Pathu na a tu ly,” napi nai mymy ai patiu ai tau nai theu u.

JOHAN 7:15

Naibaly Judachi ly, “Hini khumi ly cha amtiu vai y naimy mana pany lawh?” napi i lyh parai.

JOHAN 8:48

Judachi my ly, “Nang ly Samari khumi ne; nang ai vawinam my nam bo, nanai kaichi i thui nai ly teng khyp lo-oh?” nanai pathang.

JOHAN 8:52

Naibaly Judachi my ni teng y, “Nang ai vawinam my nam bo, nanai vai ly kaichi pany bo. Abraham hawi amochi py dei veng bo. Nang ly, ‘Ami py kai i leu tangai baly deungtasa khairei deira pany ai ny y,’ na lawh ly.

AMTAW 17:32

Naibaly nichi ly kadeichi theung i nai angthau bi nai satang thai bo nabaly, phyreichi my ly panui hai, na i py phyreichi my ly, “Hini leu ly kaichi kang tangai bi ai mang,” napi.

AMTAW 22:1

“Amjo amnauchi hawi ngaaichi awi, vai nangchi teng y kai i eaung nai leu kang thui pi ai i tangai u ba,” napi.

AMTAW 24:25

Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi.

AMTAW 24:27

Na i py saneng nyhrei chi bo nabaly Porkia Festa ly Felika hawi ali bo; naibaly Felika my ly Judachi theung y amyn kahawi nga ai nai ngai i, Pawla ai ly kawmrang naimy khai jo.

AMTAW 26:11

Naibaly achura yhm tleirei y kapajeng jojo i, thui tamawn hai akhikan ai nai katau; naibaly nichi i tlang tleaung y kai khrikhri pa-rei paleung patheang si parai i, pri takhra i avang y tym pa-rei kaimy ana reng.

I KORINTH 1:23

na i py achi ly kraws tleaung y tahen nai Krista i satang thui pi nai he; huni ly Judachi i vui ly atlym naira ne i,

I KORINTH 4:10

Kaichi ly Krista deaungkho y cheng y nai ne, nangchi naini Krista y cheng nai ne; kaichi ly ham y, nangchi naini ham; nangchi ly palo naira nga, kaichi naini tahm anem naira nga.

II KORINTH 5:13

Ati mana nai mo nabaly kaichi ly pathu iy py Tameuh i vui ne; kaichi ly cheng iy py nangchi i vui ne.

II TIMOTHEI 3:15

Krista Isu y ym naira awm nai deaungkho y, heng naira nga ai nai ka-lawh pa-rei ang cheng hai thai nai cha-iu kachaichi ly nang deaungdichy khala i dengdairei pany nai bo.