AMTAW 26:22 - Khumi Common Language Bible

²² Na i py kai ly Tameuh teng i dengdairei sabawm naira kanga nai deaungkho y amochi hawi Mosi my thui nai leu tym ai nai harei ny y baly, vaini khrairei khumi katheangchi hawi khumi kalenchi teng y py leu pany hai nai kaawm jo;

AMTAW 26:22 ပူးပေါင်းရင်းမြစ်များ

EZARA 8:31

Angchei lo kani holai nyhrei kani y kaichi ly Ahava tuilam dengdairei Jerusalem mary mang y tako u bo. Tameuh ly kaichi hawi vanrei awm nai deaungkho y, kaichi ai paleung ka-echi teng i nai py, ka-deng mang amo yb iy ang tiu ai naira i nai py ama hai nai ne.

SAM 124:8

Achi ai sabawm naira ly kani hawi khaileaung ai sa nai keung Areng teng i nga u nai ne.

SAM 18:47

Mymy ly kai ai paleung ka-echi ai eaung ai nai pei; khumi cheng cheaungkhangchi ai, kai i kiu anui y tym hai iy,

SAM 66:12

Nang ly paleung ka-echi ai, kaichi tlang tleaung y chiu piupa ai nai pei bo; kaichi ly tuimai my patang hai naira avum bo; na i py vai ly nangmy kaichi ai chymme naira y pahawi bo.

MATTHAI 26:24

Khumi i Chapo ly mymy i satang tajiu nai kamta khypkhyp my chei vui ai; na i py Khumi i Chapo ai patiu hai ai nai keung ly taham si! Huni khumi ly tapen y nai khyly mymy i vui hawi keh alam ai,” napi nai pathang.

LUKA 16:28

Nichi ly hini no naira y jeu teang lawh na i, hawihai palai thui pi kyh sy,’ napi.

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

LUKA 24:46

Naibaly mychi teng y, “Krista ly patang ai i, kani thomrei kani y ly kadeichi theung i nai angthau bi ai nai tla;

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

JOHAN 1:45

Philipa ly Nathanaela ai hau i ni teng y, “Ni i satang Mosi my Reita cha-iu y hawi, amochi my tajiu nai py kaichi niu bo, Nazaret Isu, Josepha i chapo ai ly,” napi.

JOHAN 5:39

“Tameuh i cha-iu theung y deungtasarei hengra awm, nanai ym u nai deaungkho y nangchi hawihai my phain; naibaly huni ly kai i satang pany hai reng;

JOHAN 5:46

Nangchi ly Mosi ai ym bo nabaly kai ai py ym u ai bo: ni ly kaimy i satang tajiu pi bo.

AMTAW 10:43

Ami py mymy ai ym nai ngierei ly mymy i amyn deaungkho y, kamngochi pahen naira ng ai, nanai hini satang ly amo bawibawichi my pany hai ly,” napi.

AMTAW 13:29

Naibaly nichi ly mymy i satang tajiu chum nai bawibawi ly sa angym pajau iy, dengkeaung i dengdairei la kathiu i angawm y paseaung bo.

AMTAW 24:14

Na i py hini leu ly nang teng y kai atapheaung ai, kamkawm takhra ang napi nai ly huni Lam reita kamta achi i amsi sangumchi i Tameuh ai kachiu. Reita hawi amochi i cha-iu y tajiu nai bawibawi py kai ym;

AMTAW 26:17

khumi bawibawichi hawi, Cheng Takhrachi i kiu i dengdairei kang lawi hai ai mang;

AMTAW 26:6

Naibaly Tameuh my achi i amsi sangumchi teng y leu adeu nai athang khai nai leu y vai hi y tara ang chih pi ai nai kai angdo nai he;

AMTAW 28:23

Naibaly nichi ly mymy ai kani adeu i, mymy i anga nai yhm y mymy teng y khumi neangneang jeu u, naibaly mymy ly khawn mang i dengdairei dym mang y khrairei huni leu ly thui pi pachai i, Tameuh i peang nai satang pany hai; Mosi i Reita cha-iu leu hawi amochi i cha-iu leu y py Isu mang y mymychi ai parawi ryry.

ROM AVANGCHI TENG Y PAWLA I CHA PA NAI 3:21

Na i py vai ly Reita hawi amochi my pany hai nai kamta, Reita ny y naimy Tameuh i hawi naira ly amteng hai bo;

I KORINTH 15:3

Angchei i kai i kanga nai py kang thui pi pateang nai bo, huna nai Krista ly Tameuh i cha-iu leu kamta my achi i kamngo nai deaungkho y dei i up bo;

I KORINTH 15:4

naibaly Tameuh i cha-iu leu kamta mymy ai kani thomrei kani y pathau i, Kipha teng y amteng;

II TIMOTHEI 3:11

Antiokei avang y hawi Ikonion avang y hawi Lustra avang y py kai i tlang tleaung y atiti tym nai sai hawi, ana nai kai i patang naichi py nang ly hawihai palai pany; huni bawibawi y ly Areng my kai ai ang palawi nai bo.

AMTENG HAI NAI 11:18

Naibaly chengchi ly kado theu u i, nang i kado theu nai ly tym teang; naibaly kadeichi ai tara chih ai nai hawi, nang i miseaung amochi teng y hawi, khumi kachaichi teng y hawi, nang i amyn tahm khai nai khumi katheang kalenchi teng y py mychi i kawn nai vang pei ai nai hawi, khaileaung pri ai taphra nai keungchi ai taphra ali teang ai nai neng ly ang tym bo,” nanai Tameuh ai chiu bo.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.

AMTENG HAI NAI 20:12

Naibaly khumi kadeichi, katheang py kalen py huni areng atehra mo y angdo nai kaniu; naibaly cha-iuchi paeaung iy, cha-iu takhra harei, heng naira cha-iu napi nai ly paeaung teang: naibaly huni cha-iuchi y tajiu nai kamta mymychi i atiti sa naichi kamta khumi kadeichi ai tara chih pi bo.

1 SAMUELA 7:12

Huni bo y Samuela ly lengseaung harei la iy, Mizapa mary hawi Sen mary sala y leng bo; naibaly ni ly " Areng ly achi ai vaini khrairei ang sabawm bo,” nanai thui chum baly, huni lengseaung ai “sabawm nai lengseaung” (Ebenezar) nanai amyn pathi.