AMTAW 24:14 - Khumi Common Language Bible

¹⁴ Na i py hini leu ly nang teng y kai atapheaung ai, kamkawm takhra ang napi nai ly huni Lam reita kamta achi i amsi sangumchi i Tameuh ai kachiu. Reita hawi amochi i cha-iu y tajiu nai bawibawi py kai ym;

AMTAW 24:14 ပူးပေါင်းရင်းမြစ်များ

1 NENG SATANG 29:18

Kaichi i amsi pajochi napi nai Abraham, Isaka hawi Jakobchi i Areng Tameuh, hina nai Tameuh teng y paleung apei nai ka-dawn ly nang i khumichi i paleung theung y khaw parai naimy awm hai jojo sy. Nichi ly nang i tlang tleaung y ka-ym awm na sy.

SAM 119:46

Kai ly nang i thui parip nai saichi ai, samrangchi i mo y pany hai ai; kai ly kangji kangai nga ai ny y.

THEU NAI 3:15

Naibaly Areng my Israelachi teng y, “Nangchi i amsi pajochi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh my nangchi teng y kai ai ang pato nai ne,” nanai Israela chengchi teng y thui pi ai nai tla. Huni amyn ly deungtasarei kai i amyn ne; momang i deung kangthauchi ly huni amyn hawi kai ai palau u ai.

AMOS 8:14

Samari tameuh mynchi napi nai, ‘Dan tameuh’ ai py, ‘Beraseba mary i tameuh’ ai py, tau iy vaineng abeu reng nai khumichi ly ang thau teang pajau y na pa-rei atlym u ai,” napi.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

MATTHAI 10:32

Hunaibaly amichi i mo y kai ai apha y nai ngierei ai ly kani pri mang i Ngaai i mo y kaimy apha hai y teang ai.

MATTHAI 22:40

Huni leu pei nai nyhrei naira y ly Reita leu hawi amochi i leu bawibawi akup bebe nai bo,” napi.

MATTHAI 7:12

Hunaibaly ati cheaungkhang amichi my nangchi i tlang tleaung y so pi khyly, nanai ngai nai ngierei ly, mymychi i tlang tleaung y py so pi teang; huni ly Reita leu hawi amochi i leu ne.

LUKA 1:70

Achi i paleung ka-echi hawi, achi ai niu ngai y naichi bawibawi teng i nai paheng ai nai hawi,

LUKA 16:16

Reita hawi amochi i leu ly Johan awm khala y khrairei awm; huni dengdairei Tameuh i peang nai Satang Kahawi ly thui i, khumi leaung leaungrei atho y my kun bawibawi.

LUKA 16:29

Na i py Abraham my ly, ‘Mosi hawi amochi i leu py nichi teng y awm chy bo; hunichi i leu tangai u sy,’ napi.

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

JOHAN 1:45

Philipa ly Nathanaela ai hau i ni teng y, “Ni i satang Mosi my Reita cha-iu y hawi, amochi my tajiu nai py kaichi niu bo, Nazaret Isu, Josepha i chapo ai ly,” napi.

AMTAW 10:43

Ami py mymy ai ym nai ngierei ly mymy i amyn deaungkho y, kamngochi pahen naira ng ai, nanai hini satang ly amo bawibawichi my pany hai ly,” napi.

AMTAW 13:15

Naibaly Reita cha-iu hawi amochi i cha-iu phain pajau nai bo y, achura yhm i miteaung kehchi ly mymychi teng y khumi ai pato i, “Amjo amnauchi awi, khumichi ai pachei ai naira leu ati mo awm baly thui u ba,” napi.

AMTAW 15:5

Na i py Pharisai kamkawm ym teang nai amichi mo ly angthau iy, “Cheng Takhrachi ai ly lengkhym takip hai ai nai tla, Mosi i Reita patawm ai nai py leu pei ai nai tla,” napi.

AMTAW 19:23

Naibaly huna nai thym khala y ly Lam molam y khrukhra ala nai khrukhra y alam na bo.

AMTAW 19:9

Na i py phyreichi ly paleung apatang i ym ngai y nai, khumi mipuichi i mo y huni Lam thui tamawn khala ly mymy ly nichi ai tako pi vui, abangnaichi ai py khai takhra, kani tleirei Turana i cheaung y khumichi ai ka-thui thui pi.

AMTAW 22:14

Naibaly ni ly, ‘Achi i amsi sangumchi i Tameuh my mymy i kangai pany ai nai hawi, Khumi Kahawi ai niu ai nai hawi, mymy i labeaung i raawi thai ai nai py nang ai ang khai rym nai bo.

AMTAW 24:22

Na i py Felika ly Lam satang hawihai pany kyh nai deaungkho y, “Tavai mi lu areng keh Lusia ang tym kathiu kha y nang i satang kang padyh ai mang,” nanai nichi ai khai jo rai.

AMTAW 24:5

Hini khumi ly khri pa-rei hawi y, khaileaung pri verei y Juda bawibawichi ai thui thli piupiu nai keung hawi, Nazaret khumichi i kamkawm pahawi keung len keh nai ne, nanai kaichi pany;

AMTAW 25:8

naibaly Pawla ly eaung nai leu thui i, “Judachi i reita tleaung y py, achura yhm kalen pui leu y py, Kaisara i tlang tleaung y py kai ati sai py hawi y sa nai by y leang,” napi.

AMTAW 26:22

Na i py kai ly Tameuh teng i dengdairei sabawm naira kanga nai deaungkho y amochi hawi Mosi my thui nai leu tym ai nai harei ny y baly, vaini khrairei khumi katheangchi hawi khumi kalenchi teng y py leu pany hai nai kaawm jo;

AMTAW 26:27

Samrang Akripa awi, nang ly amochi i leu ym a? Nang ym, nanai kai pany,” napi.

AMTAW 26:4

“Angchei y kai thawndeang khala i dengdairei kai i chengchi theung y hawi, Jerusalem y py kai i awm nai sai ly Juda bawibawichi my pany mang;

AMTAW 26:6

Naibaly Tameuh my achi i amsi sangumchi teng y leu adeu nai athang khai nai leu y vai hi y tara ang chih pi ai nai kai angdo nai he;

AMTAW 28:22

Na i py hini kamkawm ai ly meingtym tleirei my cheh lawh veng, nanai kaichi pany i, nang ly mana dawn mo, nanai kaichi pany ai nai ngai he,” napi.

AMTAW 28:23

Naibaly nichi ly mymy ai kani adeu i, mymy i anga nai yhm y mymy teng y khumi neangneang jeu u, naibaly mymy ly khawn mang i dengdairei dym mang y khrairei huni leu ly thui pi pachai i, Tameuh i peang nai satang pany hai; Mosi i Reita cha-iu leu hawi amochi i cha-iu leu y py Isu mang y mymychi ai parawi ryry.

AMTAW 3:13

Abraham hawi Isaka hawi Jakob i Tameuh, achi i amsi sangumchi i Tameuh my ly mymy i Miseaung Isu ai ly palo nai bo he; ni ai ly nangchi my patiu hai i, Pilata my patheu ai tau nai khala y py mymy i mo y nangchi my ngai y nai ly.

AMTAW 5:30

Isu ai nangchi my dengkeaung y dang iy padei nai ly achi i amsi sangumchi i Tameuh my ni ai ly pathau bi bo.

AMTAW 7:32

‘Kai ly nang i amsi sangumchi i Tameuh ne, Abraham hawi, Isaka hawi, Jakob hawi nichi i Tameuh ly’ napi. Hunaibaly Mosi ly kaso theu i khen vam y bo.

AMTAW 9:2

huni Lam y awm nai niu nai ngierei ai ly, neampacho ai py neampachy ai py kawm iy, Jerusalem y pahawi thai ai nai, Damaska avang i achura yhm bawibawi y pei ai nai cha hnei.

ROM AVANGCHI TENG Y PAWLA I CHA PA NAI 1:9

Naibaly kai ly kai i chiu sa naira y ly anawn y naimy nangchi i amyn katabawi jojo;

ROM AVANGCHI TENG Y PAWLA I CHA PA NAI 3:21

Na i py vai ly Reita hawi amochi my pany hai nai kamta, Reita ny y naimy Tameuh i hawi naira ly amteng hai bo;

I KORINTH 11:19

Meitang khyp naichi ai nangchi theung y amteng hai thai ai nai, nangchi theung y akhawi takhra naira py awm ai nai tla yb nai ne.

KALATIA 5:20

angai naichi, chai y naichi, paleaung naichi, myn y chiu naichi, dawi sa naichi, aniu ngai y naichi, ajo naichi, atakho naichi, kado theu naichi, atakai naichi, amy ngaingai sa naichi, ym takhra naichi, akeng naichi,

II TIMOTHEI 1:3

Kai ly anawn y naimy kai i chiu sa naira y ly ka-dawn hai vau reng nai kha y ly Tameuh teng y kawn nai leu kathui; kai ly amsi sangumchi i sa nai kamta, hawi nai hawi y nai pany naira chai pyn nai awm iy mymy i kalop kasa reng nai ne.

TITA 3:10

Mymy ai tlenrei tlen nyhrei parip nai bo y ly ym takhra ai ngai nai khumi hawi amkawm moh:

I PETERA 1:11

mymychi theung y awm nai Krista i Phailo my ly Krista i patang ai nairachi hawi, huni bo y nang parai naira awm ai naichi satang ly ang pany hai rym nai thym khala y ly, mani neng y mo, mani ka-tawm neng mo ang pany hai, nanai nichi ly hau u reng.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.