AMTAW 23:9 - Khumi Common Language Bible

⁹ Hunaibaly khrikhri pa-rei khrukhra bo; Pharisaichi mang i Reita patiu nai keung phyreichi ly angdo iy khri pa-rei aei i, “Hini khumi ly tamang naira kaichi ati sai py pany y leang; phailo mo kani pri i amtaw thau naimo mymy teng y atiti thui pi lawh baly mana sa ai mo?” napi.

AMTAW 23:9 ပူးပေါင်းရင်းမြစ်များ

LEU KACHENG 16:7

Areng my kawn hai ai nai asa nai khumi ly my i paleung ka-e ai malawn py, ahawi ka-dawi lawm hai pajau ai.

JEREMIA 26:16

Huna nai khala lu sa naichi hawi khumichi my pathyp pi nai keungchi hawi amochi teng y, “Hini khumi ly achi i Areng Tameuh i amyn y achi ai leu ang thui pi nai deaungkho y, ni ai padei ai nai avo y,” nanai thui u bo.

MARKA 2:16

Naibaly pharisaichi theung y Reita patiu nai keungchi ly ni ly khumi kamngochi hawi akeu cheaung nai keungchi ai biu o hai nai niu u iy, abangnaichi teng y ly, “Mymy ly akeu cheaung nai keungchi hawi, khumi kamngochi teng y py cha nei lawh ly,” napi.

LUKA 23:22

Naibaly ni my ly tlen thomrei naira y ly nichi teng y, “Ati na i bo? Ati tamang naira awm mo? Dei ai ataing na pa-rei mymy i tlang tleaung y ati sai py kaniu y be: hunaibaly ni ai chip iy patheu ai bo,” napi.

LUKA 23:4

Naibaly Pilata my ly pathyp pi nai keung kalenchi hawi, khumi mipuichi teng y ly, “Hini khumi i tlang tleaung y ly ati sai py hawi y naira kaniu y leang,” napi.

LUKA 5:30

Naibaly Pharisaichi hawi, nichi i Reita patiu nai keungchi ly abangnaichi i tlang tleaung y jo sei i, “Ati mana nai nangchi ly akeu cheaung nai keungchi hawi, kamngochi teng y nei cha lawh mo?” napi.

JOHAN 12:29

Naibaly ahawi y angdo nai khumi mipuichi ly huna nai thai i, “Kani pajyh na a,” napi: takhrachi my ly, “Kani pri i amtaw thau nai my ni ai arum hai nai na a,” napi.

AMTAW 11:17

Hunaibaly ‘Areng Isu Krista ai achi ym bo nabaly Tameuh my achi teng y atiti pei nai ly nichi teng y py pei teang nai bo y ly, kai nai Tameuh ai mana ei pajau ai a?” napi.

AMTAW 22:6

Naibaly hina nai awm, kai chei i kanithun kha y Damaska avang ahawi y tym iy, tlenrei khyh my kani mang i dengdairei kangvang ka-teng ny y nai kai i ahawi y angvang phang na;

AMTAW 22:7

naibaly kai ly khaileaung y atlym i kai teng y, ‘Sawla, Sawla, nang ly ati mana nai kai ai ana ryry lawh?’ nanai raawi kathai.

AMTAW 23:29

hunaibaly mymychi i Reitara y ati mo seu, nanai kai pany, na i py nichi i seu nai ly dei ai nai hawi kawm ai ataing nai kai ati sai py pany y leang.

AMTAW 23:8

Ati mana nai mo nabaly Saddukaichi ly kadeichi angthau bi ai nai ha py by y, kani pri i amtaw thau nai py, phailo py by y leang, napi; na i py Pharisaichi ly huni nyhrei ly awm, nanai thui pi.

AMTAW 25:25

Na i py dei ai ataing nai ati sai py so y leang, nanai kai ly chih i pany bo: na i py mymy ly Awkusta teng y tym ai tau nai deaungkho y pato ai nai katau;

AMTAW 26:31

naibaly chei u takhra iy, “Hini khumi ly dei ai nai hawi kawm ai ataing ai nai py hawi y nai ati sai py so y leang he,” nanai arum.

AMTAW 27:23

Ati mana nai mo nabaly vaivum kai i ahawi y Tameuh i kani pri i amtaw thau nai angdo i (kai ly mymy i ne, mymy i kalop py kasa),

AMTAW 5:39

Na i py Tameuh i sa nai ne lawh baly nangchi ly nichi ai tamo hai pajau y leang, ti y baly nangchi Tameuh ai tiu nai tlo lawh na,” napi.

AMTAW 9:4

naibaly mymy ly khaileaung y atlym i mymy teng y, “Sawla, Sawla, ati mana nai nang ly kai ai ana ryry lawh?” napi nai raawi thai.

I KORINTH 10:22

Ti y baly achi ly Areng my takho ai nai pacheang nai tau lawh a? Achi ly mymy tleaung y ham keh lawh a?

1 SAMUELA 12:5

Samuela my, “Kai i tlang tleaung y ati sai py kamngo by y leang, nanai nangchi niu nai ly Areng my pany; mymy i khai takhra pi nai samrang py pany nai ne,” nanai thui pi baly, mipuichi my, “Ne mang, Areng ly kaichi i pany hai nai keung ne,” nanai thui u bo.

1 SAMUELA 24:17

Naibaly ni ly Davida teng y, “Nang ly teng iy kai ly tamang bo; kai ly nang ai hawi y parai nai sa i py, nang ly kai ai pahen lawh ly!