AMTAW 23:12 - Khumi Common Language Bible

¹² Naibaly kani si iy Judachi ly vanrei asa krup i, Pawla ai padei y ryrei ly ati sai py cha nei ai ny y, nanai vaineng abeu bo.

AMTAW 23:12 ပူးပေါင်းရင်းမြစ်များ

ATITI AWM ANGCHEI NAI 37:18

Nichi teng tym y rai khala y, kamlo mang dengdairei mymy ai niu u; hunai thym khala y nichi ly mymy ai padei vui ai nai arum u nai ne.

1 ARENG KEH 19:2

Jezabela ly Elija teng y, “Kai ly khawndam hini neng tym nai khala y amochi ai nang i sa nai kamta nang i tlang tleaung y kaso y lawh baly, tameuhchi my kai ai dei ai nai pa-rei pajeng sy,” nanai khumi pato iy thui hai bo.

2 ARENG KEH 6:31

Samrang my, “Vaini kani avah y rai khala, Elisa i lu katameang y lawh baly, Tameuh my kai ai dei pa-rei pajeng na sy!” nanai vaineng abeu bo.

NEHEMIA 10:29

Mosi dengdairei Tameuh my pei nai Reita leu tangai ai. Kaichi ai Areng my pei nai leu bawibawichi tangai ai. Nang i Reita leuchi hawi dawn hai nai bawibawichi tangai ai. Hini adeu nai leu ai taphra lawh baly vaineng lawi kalei sy.

ESTHER 2:22

Modekai ly huni satang thai nai deaungkho y samrangnu Esther teng y amti pi. Naibaly Esther ly samrang teng y Modekai i pany nai sai thui pi.

SAM 31:13

Paleung ka-echi i kamsyh y arum nai leu kai ly thai bo. Kai i sahawi y ka-jei hawi parai naichi kawi na. Paleung ka-echi ly kai ai padei ai nai tau u bo.

JEREMIA 11:19

Kai ly padei ai nai pahawi nai beram kamta ka-ym awm nai khumi ne. Nichi ly kai i tlang tleaung y hawi y sa ai nai ka-dawn awm nai ly kai pany y. Nichi my, “Keung hawi thym nai dengkeaung keung ai paliu u sina. Ni ai vai mo mang y ami my py pany ali y ai nai, ni ai achi padei u sina,” nanai thui u bo.

Levi 27:29

Huna nai Areng teng y talam yb nai khumi ai ly atleu teang ngau y; huni khumi ai ly padei takengkei ai nai tla.

MATTHAI 26:4

nichi ly Isu ai tapawp paryp nai patiu iy padei u thai ai nai arum ryry.

MATTHAI 26:74

Naibaly ni my ly, “Hini khumi ai ly kai pany y,” nanai pasawi iy vaineng abeu amteaung bo. Naibaly a kheaung praw ryp bo.

MATTHAI 27:25

Naibaly khumi humchi bawibawi ly, “Ni i thi ly kaimychi i tlang tleaung y hawi, kaichi i chanauchi i tlang tleaung y py awm sy,” napi nai pathang.

AMTAW 23:13

Huni leu thui nai keungchi ly vui palyhrei chang y.

AMTAW 23:14

Naibaly nichi ly pathyp pi nai keung kalenchi hawi miteaung kehchi teng y chei iy, “Kaichi Pawla ai padei y ryrei ly ati sai py pateng y ai nai vaineng abeu khei bo.

AMTAW 23:21

Na i py mymychi i leu ly tangai moh ba; nichi theung i leaung vui palyhrei chang y naichi ly o yb bo, nichi ly ni ai padei y ryrei ly ati sai py cho nei y ai nai vaineng abeu bo; vai nang i leu ajeng nai awm u ryhryh jo,” napi.

AMTAW 23:30

Naibaly Judachi my ni ai amo jojo nanai khumichi my ang thui pi nai kapany baly, mymy ai ly nang teng y kang pato praw nai bo, mymy ai seu nai keungchi py mymy i tlang tleaung y leu awm nai ngierei ly nang i mo y thui ai nai leu kapei. Noso kahawi awm ba,” napi.

AMTAW 25:3

Jerusalem y ni ai pahawi ai nai pahenra hnei, lam sala y o iy padei ai nai tau.

AMTAW 9:23

Naibaly kani kra parai nai bo y ly Judachi my Sawla ai padei ai tau nai arum u; na i py mymy ly nichi my bawm ai tau nai ly pany bo.

AMTAW 9:24

Naibaly nichi ly ni ai padei ai tau nai apai pa-kho tleirei y vum kanithun amo jojo.

I KORINTH 16:22

Ami py Areng ai tamen y baly amsawi lawi nai awm sy.

II KORINTH 11:26

khuleaung neangneang chei naira y py, tavo takhra takhra ka-jei awm naira y py, damrachi ka-jei awm naira y py, kai i chengchi teng y ka-jei awm naira y py, Cheng Takhrachi teng y ka-jei awm naira y py, avang pui y ka-jei awm naira y py, daichi ka-vym y ka-jei awm naira y py, pangli y ka-jei awm naira y py, amjo amnau tapawp naichi theung y ka-jei awm naira y py;

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

I THESALONIKA 2:16

Cheng Takhrachi ly hengra nga u thai ai nai nichi teng y leu thui ai nai ang paka lawh veng; huni ly mymychi i kamngo ne naira kawi hai jojo ai nai chy bo; na i py kado theu naira ly angym pa-rei mymychi i tlang tleaung y tym bo.

JOSUA 6:26

Huna nai khala Josua my, “Jeriko mary palum teang nai khumi ly Areng i amsawi lawi kalei sy; mary palum teang ai nai langdeng sa nai khumi ly chapo chalu dei sy; mary katheu pa-kho sa nai khumi ly chapo sawi dei sy,” nanai pasawi kheih bo.

JOSUA 7:1

Israela chengchi ly taphra pawn ai tla nai vawnsai harei py lo moh, napi nai Areng i leu ai Akhen ly tangai y nai deaungkho y, Areng ly Israela chengchi i tlang tleaung y khri pa-rei kado theu bo. (Akhen ly Juda theaung Zerah yhm dengtheung Zabdi i katu, Kami i chapo ne.)

JOSUA 7:15

Naibaly taphra veng ai nai vawnsai um paviu nai keung, nanai tambe avah nai khumi ly kai i Leu Maikawm ai taphra iy, Israela chengchi ai kangji kangai nga hai nai deaungkho y, nihawi vanrei ni i yhm dengtheungchi ai py, mai hawi taphra pawn ai nai tla,’ ” nanai leu pei bo.

1 SAMUELA 14:24

Sawla my, Vaini paleung ka-echi ai kai, vawitheung tha teang y ryrei ly teicha teinei cha nei nai khumi ly amsawi lawi kalei sy,” nanai vaineng abeu kheih nai deaungkho y, huni kani y Israela chengchi ly kajeu alam nai y atho bai u na bo. Kani khengrei ami py teicha teinei cho u y.