AMTAW 22:25 - Khumi Common Language Bible

²⁵ Naibaly nichi ly mymy ai mawipeih vui y kawm rang pajau iy, Pawla ly mymy ahawi i angdo nai tavaimi chungvairei lu teng y ly, “Rom khumi nanai ai ly pasum nai bo y ny y naimy chip ngau a?” napi.

AMTAW 22:25 ပူးပေါင်းရင်းမြစ်များ

MATTHAI 10:17

Na i py khumichi teng y ly amkym u me; nangchi ai tara chih naira y ang pahawi ai i, achura yhm y ang chip ai.

MATTHAI 27:54

Naibaly tavaimi chungvairei lu hawi mymy teng y Isu ai typ naichi ly kaleih theu nai hawi, atiti tym nai sai niu i khri pa-rei jei u na, “Hini khumi ly Tameuh i Chapo ne khyp nai bo,” napi.

MATTHAI 8:8

Naibaly tavaimi chungvairei lu my ly, “Aw Areng! Nang puipui chyly kai i yhm y kun ai nai ataing y leang y! Leu sairei phai thui khyh, kai i miseaung ly hawi ryp ai mang.

AMTAW 10:1

Naibaly Kaisari avang y amyn Kornelia napi nai khumi leaungrei awm, Itali kamkawm napi nai i tavaimi chungvarei lu,

AMTAW 16:37

Na i py Pawla my nichi teng y, “Kaini ly Rom khumi nai iy, sum y naimy kaini ai khumi humchi i mei ka-niu y ang pakhau nai, theaung y ang khai lawh nai iy, vai ly kangviu y pathau ai nai tau u lawh a? Ny y leang; mymychi kypkyp my jeu u sy ly, kaini ai patheu u sy,” napi.

AMTAW 22:26

Naibaly tavaimi chungvairei lu my ly huna nai thai baly tavaimi lu areng keh teng y chei i, “Nang ly ati sa ai nai tau mo? Hini khumi ly Rom khumi na a,” nanai thui pi.

AMTAW 23:17

Naibaly Pawla ly tavaimi chungvairei lu leaungrei ai palau i, “Hini thawndeang ai ly tavaimi lu areng keh teng y pahawi ba; ni teng y ati leu sai mo thui ai nai awm,” napi.

AMTAW 23:27

Hini khumi ai ly Judachi my patiu i padei ai nai thym khala y, mymychi teng y kai tavaimichi ai hawi iychei i, Rom khumi ne, nanai kai pany i kapalawi bo.

AMTAW 25:16

Naibaly kaimy nichi teng y, ‘Seu nai ai hawi seu nai keungchi hawi mo atha hai iy, seu naira lam y eaung ai nai leu thui ai nai ka-vo ngo y rai kha y ly, ami ai py ngari pei ai nai Romchi i reita ny y leang,’ nanai kapathang.

AMTAW 27:1

Naibaly Itali pri y kaichi chei ai nai leu atlym bo nabaly, Pawla hawi theaung y tla nai khumi takhra amichi mo Awkusta i kamkawm tavaimi chungvairei lu amyn Julia napi nai teng y au.

AMTAW 27:3

Naibaly khawn mang y ly Sidon avang y tym. Naibaly Julia my ly Pawla ai hawihai dawn hai i, amcheng ai nai ahawichi teng y pavai ai nai pei.

AMTAW 27:43

Na i py tavaimi chungvairei lu ly Pawla ai lawi hai ai nai ngai i, mymychi i atiti tau nai ly kam bo; tui jau kawp nai ngiereichi ly pangli y tlenrei my taba pawn iy kacheng y angpeang ai nai hawi,