AMTAW 22:18 - Khumi Common Language Bible

¹⁸ naibaly, ‘Awn ly, Jerusalem i dengdairei theu jau, kai i satang nang thui ai nai ly nichi tangai ai ny y leang he, ang napi thym nai kaniu.

AMTAW 22:18 ပူးပေါင်းရင်းမြစ်များ

MATTHAI 10:14

Naibaly ami py nangchi ai kawn y iy, nangchi i leu py tangai y baly, huni yhm i dengdairei mo, avang i dengdairei mo nangchi theu nai khala y ly nangchi i kheu padawi i spryh katheng u.

MATTHAI 10:23

Hunaibaly avang harei y nangchi ai ana baly meingtym takhra y preang u veng; meitang khyp kang thui pi, Khumi i Chapo tym y rai kha y nangchi ly Israelachi i avang tleirei y amki pajau ai ny y.

LUKA 21:21

Huna nai khala y ly Judai pri i kaawmchi ly mawi y preang u pawn sy; huni theung y awm naichi py theu u pawn sy; daichi y awm naichi ly huni theung y kun u moh sy.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

AMTAW 9:29

Naibaly mymy ly Krik pri i Judachi teng y leu thui i aei; na i py nichi my ly mymy ai padei ai nai tau.

I KORINTH 9:1

Kai ly alaw nai ny y lawh a? Kai ly amtaw thau nai ny y lawh a? Kai ly Isu, achi i Areng ai niu y lawh a? Nangchi ly Areng y kai i sa nai ny y lawh a?