AMTAW 22:16 - Khumi Common Language Bible

¹⁶ Naibaly ati mana nai nang ly vai ajeng jo rai mo? Angthau ly, mymy i amyn palau nai tarawi y baptisma nga iy nang i kamngochi chai hai bei,’ ang napi.

AMTAW 22:16 ပူးပေါင်းရင်းမြစ်များ

SAM 119:60

Kai ly nang i reita leu pei naichi ai, vaimy tangai praw ryp ai.

SAM 51:2

Kai i hawi y nai chai pyn pa-rei paju pachai pi! kai ai kamngora i nai chai hai kyh ba!

JEREMIA 8:14

Tameuh i khumichi my, “Achi ly ati mana nai y ateh u tliu lawh mo? Jeu u ly amtangra marychi mang y angpreng iy, achi dei u sina. Achi i Areng Tameuh ly achi ai dei hai bo. Achi ly mymy i tlang tleaung y kamngo sa nai deaungkho y, mymy ly achi nei ai nai dei asi abawi nai tui panei bo.

JOHAN 13:8

Petera my ni teng y, “Nang ly kai i kheu paju ai nai den py ngo y ai,” napi. Isu my ni teng y, Kaimy kang paju y baly nang kai teng y ati sai py amkawm ai nai ny y leang,” napi.

AMTAW 2:21

Naibaly hina nai ne ai, Ami py Areng i amyn y palau nai ngierei ly heng ai,’ napi.

AMTAW 2:38

Naibaly Petera ly nichi teng y, “Uikhei u ly, nangchi i kamngo pahen ai nai Isu Krista i amyn y baptisma ngo u bawibawi, hunaibaly Phailo kachai pei nai ly nangchi py ngai ai.

AMTAW 7:59

Hunaibaly Stephana ly, “Areng Isu awi, kai i phailo lo ba,” nanai palau nai thym khala y ly nichi ly lengseaung y aphi tliu siu na.

AMTAW 9:14

naibaly hi y py nang i amyn palau nai ngiereichi ai ly kawm ai nai, pathyp pi nai keung kalenchi teng i dengdairei cha nga na a,” nanai pathang.

AMTAW 9:18

Naibaly tlenrei khyh my mymy i mei i dengdairei ali ka-tawm tla praw i, mymy i mei ly angvang teang bo; naibaly mymy ly angthau iy baptisma nga bo.

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

I KORINTH 12:13

Achi bawibawi ly Judachi mo Krikchi mo, miseaung mo miseaung ny y nai mo, tlang bomrei y awm ai nai achi ly Phailo harei y baptisma nga bawibawi i, Phailo harei y ang nei hai bawibawi teang.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

KALATIA 3:27

nangchi theung y Krista y baptisma nga nai ngiereichi ly Krista ai amthyp u bo.

EPHESI 5:26

tui y paju naira y hawi leu thui naira y py khai takhra iy chai hai thai ai nai hawi,

TITA 3:5

achi i atiti kahawi sa nai deaungkho y ny y naimy, kangtha sa palai bi naira paju nai hawi, Phailo Kachai i kangtha sa palai bi veangveang nai deaungkho y mymy i pahen nai kamta khyp naimy ang paheng nai bo.

HEBRAI 10:22

achi i paleung y hawi nai hawi y nai pany naira kamngo ai katheng pan nai hawi, achi i tlang py tui kamchym y ahiu nai awm iy, ym naira kangym awm nai paleung meitang apu naimy kasa u sina.

I PETERA 3:21

huni atawm hai nai baptisma ly Isu Krista i angthau bi nai deaungkho y vai ly nangchi ai paheng nai ne: huni ly tlang i anyng pachai nai ny y naimy, hawi nai hawi y nai pany naira kachai nga ai nai, Tameuh i mo y ahui nai ne lawh veng;