AMTAW 20:7 - Khumi Common Language Bible

⁷ Naibaly kani saryhrei angchei i kani, kaichi tako theng baw ai nai achu nai thym khala y, Pawla ly khawn mang y tako ai tau nai deaungkho y mymychi teng y leu hawihai palai thui pi i, aneng hyh pa-rei leu thui veangveang.

AMTAW 20:7 ပူးပေါင်းရင်းမြစ်များ

NEHEMIA 8:3

tuilam pa-kho sahawi meingtymchyra y, khawn khutawi khyp kala i dengdai kani thunteng nai neng ryrei phain pi. Khumi bawibawichi ly paleung apei parai naimy tangai u.

NEHEMIA 9:3

Nichi ly mymychi i Areng Tameuh i Reita leu phain nai ai nari thomrei tangai u chum baly, huni bo i nari thomrei ly mymychi i kamngo ahui u naimy, mymychi i Areng Tameuh ai chiu u nai ne.

MARKA 16:9

Naibaly mymy ly kani saryhrei angchei i kani khawn mang y angthau bi iy, Mari Makdilini, ni i taku theung i dengdairei vawinam saryhrei patheu nai teng y amteng manme.

LUKA 22:19

Naibaly mymy ly tako la iy kawn nai leu thui pajau baly theng baw theng baw iy nichi teng y pei i, “Hini ly kai i ngan, nangchi i vui pei nai ly: kai ai pany jo ai nai hini ly so u jojo,” napi.

LUKA 24:35

Naibaly nini my py lam y atiti tym nai hawi, tako theng baw iy ni ai ma tatang nai sai py thui pi teang.

JOHAN 20:1

Naibaly kani saryhrei nai angchei i kani khutawi y kyh rai khala y Mari Makdilini ly angawm y chei i, lengseaung ly angawm i nai kasyh vui nai niu.

JOHAN 20:19

Naibaly huni kani saryhrei nai angchei i kani dym mang y ly, Judachi ai jei nai deaungkho y abangnaichi ly mymychi i awm naira yhm katheu kho veng nai bo y Isu ly nichi theung y angdo i nichi teng y, “Nangchi teng y paleung awmnem naira awm sy,” napi.

JOHAN 20:26

Naibaly kani tajarei bo y abangnaichi ly yhm angtheung y awm bi i, Thoma py nichi teng y awm teang. Naibaly Isu my jeu i katheu kho veng i py nichi theung y angdo iy nichi teng y, “Nangchi teng y paleung awmnem naira awm sy,” napi.

AMTAW 16:10

Naibaly huni amang kamta atiti niu nai pajau baly kaichi Makedonia pri y chei ai nai tau praw i, mymychi teng y Satang Kahawi thui pi ai nai Tameuh my ang palau, nanai kaichi pany bo.

AMTAW 2:42

Naibaly nichi ly abangnaichi i leu patiu naira y hawi amkawm naira y hawi, tako theng baw naira y hawi, chiu sa naira y py hawihai palai awm u jo.

AMTAW 2:46

Naibaly kani tleirei paleung vanrei my achura yhm kalen pui y hawihai palai awm u i, nichi i yhm y py tako theng bawi iy, amo theu parai naimy paleung tinem iy biu cha nai, Tameuh ai palo.

AMTAW 20:11

Naibaly mymy ly kalau teang iy, tako theng baw nai cha iy kra parai nai khutawi vi pa-rei mymychi teng y atiti leu thui i, leh veng bo.

AMTAW 20:31

Hunai deaungkho y atyp u, saneng thomrei sala y vum kanithun kai meikatui tla nai tarawi y anawn y naimy khumi leaung leaungrei ai kang pachei nai ly pany u jo ba.

AMTAW 20:5

Hunichi ly chei man i Troas avang y kaichi ai ajeng jo.

AMTAW 20:9

Naibaly amyn Eutuka napi nai thawndeang leaungrei thaibeng pa-kho y ateh nai, i kamhm ngam ryry; naibaly Pawla leu thui nai kra parai lawh nai deaungkho y ni ly i kamhm kham pajau y nai yhm sambeu thomreira i dengdairei tla i, veu akhui.

AMTAW 28:23

Naibaly nichi ly mymy ai kani adeu i, mymy i anga nai yhm y mymy teng y khumi neangneang jeu u, naibaly mymy ly khawn mang i dengdairei dym mang y khrairei huni leu ly thui pi pachai i, Tameuh i peang nai satang pany hai; Mosi i Reita cha-iu leu hawi amochi i cha-iu leu y py Isu mang y mymychi ai parawi ryry.

I KORINTH 10:16

Amtheaung nai khau, achi i amtheaung hai reng nai ly Krista i thi y amtawm nai ny y lawh a? Achi i tako theng baw reng nai ly Krista i tlang y amtawm nai ny y lawh a?

I KORINTH 15:10

Na i py Tameuh i pahen nai saho y ataing nai kalawn bo; naibaly pahenra ang pei nai ly jawm sum nai by y; huna nai tleaung y ly kai ly nichi bawibawi tleaung y sa nai akawm keh; na i py kai i sa nai ny y leang, Tameuh i pahenra kai teng y awm nai i sa nai teu.

I KORINTH 16:2

Kai kang jeu nai khala y khai achu nai cheaung nai ly awm y ai nai, kani saryhrei angchei i kani y ly nangchi khumi leaung leaungrei amtheaung naira nga u reng nai kamta khai u achu bawibawi.

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

AMTENG HAI NAI 1:10

Kai ly Areng i kani y ly Phailo y kalawn bo, naibaly kai i nithun mang y baw katyn ka-tawm raawi pajeng parai nai ly,