AMTAW 20:27 - Khumi Common Language Bible

²⁷ Ati mana nai mo nabaly Tameuh i kangai bawibawi ly nangchi teng y avaw y naimy kang thui pi nai bo.

AMTAW 20:27 ပူးပေါင်းရင်းမြစ်များ

SAM 32:11

Aw khumi kahawi bawibawichi awi, Areng i sa pi nai molam y amo theu u. Mymy i leu tangai nai khumi bawibawichi awi, amo theu nai aeu u!

SAM 40:10

Kai ly atleu nai satang thui y ai nai am-yh pajau y; Nang i ka-ym awm nai satang hawi, sabawm nai satang ai avawrei kathui nai ne. Nang i khumi bawibawichi achu naira y, kai ly nang i ka-ym awm nai satang hawi, khaw parai nai tamen naira satangchi apha y ai.

JEREMIA 23:22

Nichi ly kai i kangviu y dawn tau naichi pany u lawh i khyly, kai i leu pei naichi kai i khumichi teng y thui pi ai i, mychi i hawi y sa naichi hawi, mychi i kamngochi khai su pajau ai.

JEREMIA 26:2

Areng ly hina nai leu ang pei. “Achura yhm apai theung y angdo iy, huni meingtym y Juda marychira i dengdairei Areng i yhm y chiu ai nai ang jeu u nai khumichi teng y, kai i leu pei naichi thui pi. Leu sairei py takhawi moh.

JEREMIA 34:6

Naibaly Babulon samrang i tavaimichi ly Jerusalem mary y tiu u nai thym khala, amo Jeremia ly huni satang bawibawichi ai samrang Zedekiah teng y amti pi bo. Babulon tavaimichi ly Juda pri i amtangra marychi theung i awm rai nai Lakhisa mary hawi Azeka mary ai py, tiu u dudu nai ne.

JEREMIA 42:21

Vai ly nangchi teng y kang thui pi chum veng bo. Na i py nangchi ly nangmychi i Areng Tameuh my kai ai pato iy, thui hai nai leu pei nai ngiereichi akhi u nai ne.

Ezekiela 40:4

Mymy ly kai teng y, “Nang khumicho awi, khen kalingie; nang ai kang thui pi nai ly hawihai tangai ly kaimy patei nai ngierei hawihai palai dawn kheng ba. Ati mana nai mo na baly kai ly nang ai hunichi patei ai nai, hini meingtym y kanghawi nai ne. Nang ly Israela chengchi teng y nangmy i niu nai saichi thui pi ai nai tla ai,” napi.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

LUKA 7:30

Na i py Pharisaichi hawi Reita pany nai keungchi ly ni teng y baptisma ngo y iy, Tameuh my mychi i vui ka-vo sa pi nai ly ngai u y.

JOHAN 15:15

Nangchi ai miseaung kang tapi ali y leang bo; yhmkeung i atiti sa nai ly miseaung ly pany y; na i py nai awi, kang napi bo; Ampo teng i kai i atiti thai nai bawibawi ly kang thui pi veng bo.

AMTAW 13:36

Davida ly Tameuh my thui pi nai kamta mymy heng ahawi naichi ai kry pajau nai bo y i ngym iy, mymy i kangpreangchi teng y up i, veaung veng bo he;

AMTAW 2:23

Ni ai ly Tameuh my mymy i kangai sa ai tau thleng nai hawi pany yb nai kamta patiu hai iy, nangchi lykhumi kamngochi i kiu y kraws tleaung y tahen i padei bo.

AMTAW 20:20

huna nai chawn ai nai leu thui ai nai ly kai nanghi teng y ati sai py avaw y leang, khumi humchi theung y hawi, yhm tleirei y kai i patiu reng nai ly.

AMTAW 20:35

Ati cheaungkhang kai i sa naira ngierei y ly kang patei reng ly, hunai kamta sa akawm u nai tarawi y ham y naichi ai sabawm ai nai tla; naibaly Areng Isu kypkyp my ly, ‘Atiti nga nai tleaung y atiti pei nai taham hawi keh,’ nanai thui nai ly nangchi pany jo ai nai tla,” napi.

I KORINTH 11:23

Kai i leu kang thui pi pateang nai ly Tameuh teng i dengdairei kanga nai na a, huna nai Areng Isu ai patiu hai nai dym y ly mymy ly tako la i, kawn nai leu thui pajau iy theng baw theng bawi i,

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

KALATIA 4:16

Hunaibaly kaimy leu meitang khyp kang thui pi nai deaungkho y nangchi i paleung ka-e ne lawh a?

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

I THESALONIKA 2:4

na i py Tameuh my kaichi ai avo, napi iy Satang Kahawi ang kry hai nai kamta khyp my khumi ai kawn hai nai kamta ny y naimy, achi i paleung ai ang cham nai keung Tameuh ai kawn hai nai leu thui nai teu.

JOSUA 8:35

Josua ly neampachy hawi deaungdichi, nichi hawi vanrei awm nai cheng takhrachi raurei, Israela cheng bawibawichi i mo y, Mosi my pei nai Reita ngiereichi phain pi nai ne.