AMTAW 2:23 - Khumi Common Language Bible

²³ Ni ai ly Tameuh my mymy i kangai sa ai tau thleng nai hawi pany yb nai kamta patiu hai iy, nangchi lykhumi kamngochi i kiu y kraws tleaung y tahen i padei bo.

AMTAW 2:23 ပူးပေါင်းရင်းမြစ်များ

ATITI AWM ANGCHEI NAI 50:20

Nangchi my kai i tlang tleaung y hawi y nai sa u teu i py, Tameuh my vaini khumi bawibawichi heng thai ai nai ka-vo sa pi nai teu bo.

SAM 76:10

Khumichi i kado theu nai ly nang ai palo tleaung palora naira lawn hai ai; tavai keung y dei y naimy heng rai naichi ly nang i pawi sa naichi typ u ai.

ISAIA 37:26

“Jangni khala my, hini atitichi ai kaimy pasym yb nai ne, nanai nang ly mana khala py thai vai y nai sai a? Vai, huni atitichi ai kaimy tym hai bo. Amtangra marychi ai anyn angso pakheng achu nai meingtym palawn vui ai nai, nang ai sa thai naira kang pei bo.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

MATTHAI 20:19

chip ai nai hawi, kraws y tahen ai nai py Cheng Takhrachi teng y au ai; naibaly kani thomrei kani y ni ai pathau teang ai,” napi.

MATTHAI 26:24

Khumi i Chapo ly mymy i satang tajiu nai kamta khypkhyp my chei vui ai; na i py Khumi i Chapo ai patiu hai ai nai keung ly taham si! Huni khumi ly tapen y nai khyly mymy i vui hawi keh alam ai,” napi nai pathang.

MATTHAI 27:35

Naibaly nichi ly mymy ai kraws tleaung y tahen u pajau iy tambe va i, mymy i ateaungchi amji u bo.

MARKA 15:24

Naibaly nichi ly mymy ai kraws tleaung y tahen iy, mymy i ateaungchi leaung leaungrei mani mani nga ai mo, nanai pany ai nai tambe va iy, amji u bo.

LUKA 22:22

Thui yb nai kamta Khumi i Chapo ly chei takengkei ai, na i py ni ai patiu hai ai nai keung ly taham si!” napi.

LUKA 22:37

Kang thui pi, ‘Ni ai ly khumi kamngochi theung y kati tabawi bo,’ nanai tajiu nai ly kai i tlang tleaung y tym ai nai tla: kai i satang ly angym be ai bo,” napi.

LUKA 23:33

Naibaly Lu Hiu napi nai meingtym y tym i, hu y ly mymy ai kraws tleaung y tahen; khumi kamngo nini ai ly lamtang mang y leaungrei, langvawi mang y leaungrei tahen teang.

LUKA 24:20

naibaly pathyp pi nai keung kalenchi hawi, kaichi i meiteaung kehchi py ni ai padei ai nai leu pei nai pahawi nai ly, kraws tleaung y tahen.

JOHAN 19:18

(Huni ly Hebrai leu y Kolkotha napi.) Hu y ly mymy hawi vanrei khumi takhra leaung nyhrei ai py kraws tleaung y tahen teang, lamtang mang y leaungrei, langvawi mang y leaungrei, sala y ly Isu.

JOHAN 19:24

hunai deaungkho y nichi ly, “Sei y han bo, ami ngo na mo tambe va sina,” na u leungtang. (Tameuh i cha-iu leu sai, “kai i ateaung amji u iy, Kai i baichu i vui py tambe va u,” nanai tym thai ai nai,) Huni atitichi ly tavaimichi my sa khyp.

AMTAW 13:27

Jerusalem i awm naichi hawi mymychi ai kry nai keungchi py ni ai ly pany y nai hawi, amochi i leu ly Anawn kani tleirei phain reng nai py pany y nai deaungkho y mymy ai pasum iy huni leu ly sa angym bo.

AMTAW 15:18

Khaileaung palum angchei kha i dengdairei hini satang pany hai reng nai keung Areng my ly ang napi,’ nanai tajiu nai ly.

AMTAW 2:36

Hunaibaly nangchi i tahen nai Isu ai ly Tameuh my Areng hawi Krista y palawn bo, nanai Israela cheng bawibawi my pany u khypkhyp sy,” napi.

AMTAW 3:18

Na i py Tameuh my amo bawibawichi i labeaung y mymy i Krista ly atiti ngari patang ai nai satang thai hai yb nai ly ang tym hai nai bo he.

AMTAW 4:28

Heroda hawi Pontia Pilata hawi, Cheng Takhrachi hawi Israela khumichi py amkheng achu tatang nai bo.

AMTAW 5:28

“Hini i amyn y leu den py thui moh kang napi khyp be, naibaly khen cham, nangchi i leu patiu nai ly Jerusalem y kawi hai bebe bo:hini khumi i thi py kaichi i tlang tleaung y tym hai ai nai tau u lawh ly,” nanai preng.

AMTAW 5:30

Isu ai nangchi my dengkeaung y dang iy padei nai ly achi i amsi sangumchi i Tameuh my ni ai ly pathau bi bo.

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

ROM AVANGCHI TENG Y PAWLA I CHA PA NAI 2:12

Ami py reita by y naimy atiti kamngo sa nai ngierei ly reita by y naimy tama vui ai; naibaly ami py reita anui y awm naimy atiti kamngo sa nai ngierei ai ly reita anui y tara chih ai.

ROM AVANGCHI TENG Y PAWLA I CHA PA NAI 4:17

Abraham ly kadeichi ai paheng nai keung hawi, atiti awm y naichi ai ly awm nai kamta palawn nai keung, mymy i ym nai Tameuh i mei ka-niu y ly achi bawibawi i ampo ne. (Cheng neangneangchi i ampo y kang palawn bo, nanai tajiu nai kamta.)

I THESALONIKA 2:15

huni Judachi ly Areng Isu ai hawi amochi ai py padei iy, kaichi ai py ang patheu; nichi ly Tameuh i ka-kawn py so y, khumi bawibawichi ai aawi hai ngang lawh;

I PETERA 1:2

Bithunia pri y py ahei nai, leu tangai ai nai hawi Isu Krista i thi hei nai nga ai nai Phailo i khai takhra nai hawi, Ampo Tameuh i pany rym nai kamta vawi naichi teng y ly; Nangchi i tlang tleaung y pahenra hawi awmnem naira py peung hai dudu nai tym sy.

I PETERA 1:20

Ni ai ly khaileaung palum y rai khala y khai rym nai awm khypkhyp nai bo, na i py kangkhym kangtem y ly nangmychi deaungkho y mymy ai amteng hai bo;

I PETERA 2:8

“Atlym naira lengseaung hawi paka naira lengseaung pui py lawn ai,” nanai ne. Ati mana nai mo nabaly nichi ly leu tangai y nai deaungkho y atlym u lawh reng; huna nai kamta awm ai nai nichi ai khai yb nai ne.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.