AMTAW 2:22 - Khumi Common Language Bible

²² “Israela khumichi awi, hini leu ly tangai u cham: Nazaret Isu ai ly Tameuh my mymy ai teaung iy nangchi theung y atiti nang parai naichi hawi, atiti rengrangchi hawi ka-ma-rachi hawi sa nai ly hawihai ang pany hai nai, huni ly nangmychi kypkyp my pany bo.

AMTAW 2:22 ပူးပေါင်းရင်းမြစ်များ

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

MATTHAI 12:28

Na i py kai ly Tameuh i Phailo deaungkho y vawinamchi ai patheu nai ne baly, Tameuh i peang nai ly nangchi teng y tym nai bo.

MATTHAI 2:23

naibaly amochi i labeaung y thui nai ly, “Ni ai ly Nazaret khumi napi ai,” nanai tym thai ai nai, mymy ly avang harei Nazaret napi naira y chei iy awm bo.

MATTHAI 9:8

Naibaly khumi mipuichi ly huna nai niu i jei u, naibaly khumichi teng y hunai kamta sa thai naira pei nai keung Tameuh ai palo u bo.

LUKA 11:20

Na i py kai ly Tameuh i kiu pajeung deaungkho y vawinamchi ai patheu nai ne baly, Tameuh i peang nai ly nangchi teng y tym nai bo.

LUKA 18:37

Naibaly nichi my ly, “Nazaret Isu tako na a,” nanai thui pi.

LUKA 24:18

Naibaly amyn Kleopa napi nai my ly ni teng y, “Vai dymkhawn ly Jerusalem y nangmy tlairei awm khyh nai sai a? Vai dymkhawn i hu y atiti awm nai pany y nai keung nang ne a? nanai pathang.

JOHAN 1:45

Philipa ly Nathanaela ai hau i ni teng y, “Ni i satang Mosi my Reita cha-iu y hawi, amochi my tajiu nai py kaichi niu bo, Nazaret Isu, Josepha i chapo ai ly,” napi.

JOHAN 10:37

Kai ly Ngaai i kalop sa nai ny y baly kai ai ym u moh.

JOHAN 11:47

Hunaibaly pathyp pi nai keung kalenchi hawi Pharisaichi ly tara chih nai keungchi ai palau achu i, “Achi mana sa ai mo?

JOHAN 12:17

Naibaly Lazara ai angawm i dengdairei palau iy, kadeichi theung i nai pathau nai thym khala y ni teng y khumi mipui awm naichi my py ni i satang thui pi jojo.

JOHAN 15:24

Khumi takhra ami py so vai y naichi ly kaimy nichi theung y so y nai khyly, nichi ly kamngo by y ai bo; vai ly nichi ly Ngaai kaini ai niu i py niu ngai y bo.

JOHAN 19:19

Naibaly Pilata ly cha tajiu i kraws tleaung y bi.

JOHAN 3:2

Huni khumi ly vum y Isu teng y chei i ni teng y, “Sara! Tameuh teng i nai leu patiu nai keung y nang jeu, nanai kaichi pany; ati mana nai mo pany baly Tameuh my awm hai y baly hini nang i rengrang sa naichi ka-tawm ami py so thai y,” napi.

JOHAN 4:48

Isu ly ni teng y, “Nangchi ly ka-ma-rachi hawi lyh ai awm naichi py niu y baly pipi ym ai ny y leang,” napi.

JOHAN 5:36

Na i py kai ai pany hai naira ly Johan i pany hai nai tleaung y len keh nai ne; Ampo my kai ai pato, nanai Ampo my kai ai atiti sa pajau ai nai au nai, kai i atiti sa nai khypkhyp my kai i satang pany hai.

JOHAN 6:14

Naibaly khumichi ly mymy i rengrang sa nai niu baly, “Hini ly khaileaung pri y jeu ai nai amo ly ne khyp na a hi ly,” napi.

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

JOHAN 7:31

Na i py khumi mipuichi theung i nai khumi neangneangchi ly mymy ai ym i, “Krista ly ang tym nai khala y hini khumi i sa nai tleaung y rengrang nawi keh so na a?” napi.

JOHAN 9:33

Hini khumi ly Tameuh teng i theu nai ny y baly ati sai py sa pajau ai ny y,” nanai pathang.

AMTAW 13:16

Naibaly Pawla ly angdo i kiu y kali iy, “Israela khumichi hawi Tameuh ai tahm khai nai keungchi awi, tangai u.

AMTAW 14:27

Naibaly nini ly tym nai bo y palau takhra kamkawmchi ai palau achu i, Tameuh my nini ai teaung iy atiti sa naichi bawibawi hawi, Cheng Takhrachi i vui y ym naira katheu paeaung pi nai saichi py thui pi.

AMTAW 2:19

Kaimy salo mang i kani y ly atiti rengrangchi, Anui mang i khaileaung y py atiti ka-ma-rachi kapatei ai: Thi hawi, mai hawi, maikhyh amhui nai hawi:

AMTAW 2:43

Naibaly khumi bawibawichi ly jei i, abangnaichi ly atiti rengrang hawi ka-ma-ra neangneang sa.

AMTAW 21:28

Hini khumi ly meingtym tleirei i awm naichi teng y khumi humchi ai hawi, Reita ai hawi, hini yhm ai py thui tamawn nai keung na a hi ly: huni ny y nai py mymy ly achura yhm kalen pui y Krikchi ai kun hai iy, hini yhm kachai y py panyng lawh,” nanai aeu.

AMTAW 22:8

Naibaly kaimy, ‘Areng, nang ly ami mo?’ nanai pathang. Naibaly ni my ly kai teng y, ‘Kai ly Nazaret Isu nang i ana nai ne,’ napi.

AMTAW 24:5

Hini khumi ly khri pa-rei hawi y, khaileaung pri verei y Juda bawibawichi ai thui thli piupiu nai keung hawi, Nazaret khumichi i kamkawm pahawi keung len keh nai ne, nanai kaichi pany;

AMTAW 26:26

Hini leu ly samrang py pany chy bo; mymy teng y py jei y naimy kathui chy bo; hini atitichi ly mymy pany y nai ha py by y, nanai kai hawihai palai pany; hini ly takun taki y sa nai ny y leang.

AMTAW 26:9

Kai py Nazaret Isu i amyn y aly hai y nai atiti neangneang sa ai nai avo, nanai athang khai.

AMTAW 3:12

Naibaly Petera ly huna nai niu iy nichi teng y pathang i, “Nangchi Israela khumichi awi, hini ly ati mana nai rengrang napi lawh? kaini i sa thai naira hawi, kaini ly Tameuh ai tahm khai nai khumi ne nai deaungkho y teu kaini my ni ai tako hai thai nai ka-tawm ly ati mana nai kaini ai khen ryry lawh?

AMTAW 3:6

Na i py Petera my, “Kai ly muku tangka sai py by y leang; na i py kai i awm nai kang pei keih ai: Nazaret Isu Krista i amyn y tako,” napi.

AMTAW 4:10

Nazaret Isu Krista ai nangchi my kraws tleaung y tahen nai ly, Tameuh my ni ai kadeichi theung i dengdairei pathau bi nai ly, mymy i amyn kypkyp y hini khumi ly hi y nangchi i mo y hawi naimy angdo nai bo he.

AMTAW 5:35

Naibaly mymy ly tara chih nai keungchi teng y, “Nangchi Isreala khumichi awi, hini khumichi i tlang tleaung y nangchi i sa ai tau nai ly hawihai palai adawn u ba.

AMTAW 6:14

hini Nazaret Isu ly hini yhm aphrei ai i Mosi i Reita ang pei nai ly sa takhra ai, nanai thui nai kaichi thai,” napi.

II KORINTH 12:12

Amtaw thau nai lawn nai ka-ma-rachi ly kham pajau naira cheaungkhangra y, ka-ma-rachi hawi, atiti rengrangchi hawi, atiti sa tha nairachi py nangchi theung y sa tatang nai bo.

HEBRAI 2:4

Tameuh my py ka-ma-rachi hawi, atiti rengrangchi hawi, atiti sa thai naira cheaungkhang hawi, mymy i ngai nai kamta Phailo Kachai i atiti paji naichi deaungkho y nichi hawi pany hai bo.