AMTAW 2:17 - Khumi Common Language Bible

¹⁷ ‘Naibaly Tameuh my, Kangkhym i neng y ly hina nai awm ai. Ngan bawibawi tleaung y kai i Phailo kang lei ai: Nangchi i chapo chaniuchi my py kai i leu thui ai: Nangchi i thawndeangchi my py atiti amteng nai niu ai: Nangchi i miteaung neampachochi my py amang mang y amang ai:

AMTAW 2:17 ပူးပေါင်းရင်းမြစ်များ

ATITI AWM ANGCHEI NAI 49:1

Jakob ly chapochi ai palau iy, “Kai i sahawi y jeu u achu, kai my vai momang y nangchi teng tym ai nai sai kang thui pi ai:

ATITI AWM ANGCHEI NAI 6:12

Tameuh my khaileaung pri y khen i, khumichi i heng nai sai hawi y nai niu.

SAM 65:2

Amychi adeu nai leu sa khyp ai avo nai ne; khumi bawibawichi ly mychi i kamngo nai molam y, mymy teng y ahihawi u ai.

SAM 72:6

Samrang ly li, hlauchi salo y nai pi nai kanitui kamta py, khaileaung salo y tla nai kani amaichi kamta py lawm sy.

LEU KACHENG 1:23

Kaimy nangchi ai kang parip nai khala, tangai u; kai ly nangchi ai tau kahawi kang pei iy, kai i cheng naira py kang paji pi ai.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

ISAIA 40:5

Huna nai khala y Areng i nang parai nai ly amteng ai i, khumi angso bawibawichi ly huni nang parai nai niu u ai. Huna nai tym ai nai Areng mymy kypkyp my adeu pi nai ne,” nanai aeu bo.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 66:23

“Losi pawi kanichi hawi anawn kani tym nai tleirei, khumi cheng cheaungkhangchi ly Jerusalem mary y jeu iy, kai ai chiu u ai,” nanai Areng my leu pei bo.

Ezekiela 11:19

Nichi ai paleung adyh adawi hai iy paleung kangtha hawi ka-dawn kangtha kapei ai. Kai ly nichi i lengseaung kamta tang nanai paleung la pi vui iy, leu atangai nai paleung kapei ai.

Ezekiela 39:29

Kai ly kaimy i khumi Israela chengchi tlang tleaung y kai i phailo lei pi ai. Nichi ai mana khala py kai nithun thun bi ai ny y. Hini ly sa thai naira angym nai kai, Areng my pei nai leu ne,” napi.

DANIELA 10:14

Vai, kai kang jeu nai aly ly mo mang i neng y nang i chengchi avum u ai nai leaungsaichi, nang teng y pany hai ai nai molam y ne. Hini paleung mei y niu nai ly mo mang i vui ne,” napi.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

MIKHA 4:1

Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

ZEKHARIAH 2:13

Khumi mipuichi awi, Areng ly mymy i awm nai nang parai nai meingtym i dengdairei ang jeu ai i, mymy i mo y tyn kryh y naimy awm u.

LUKA 3:6

Khumi bawibawichi my py Tameuh i paheng naira niu ai,’ napi,” nanai ne.

JOHAN 17:2

“Ngaai, neng ly tym bo: nangmy mymy ai khumi bawibawichi ai peang ai nai pei iy, mymy teng y nang i au nai ngierei ai ly mymy deungtasarei hengra pei thai ai nai, Chapo my nang ai palo thai ai nai nangmy i chapo ai palo ba.

JOHAN 7:39

Huni leu ly mymy ai ym naichi i nga ai nai Phailo i satang thui nai ne: Isu ai palo y rai nai deaungkho y Phailo pei y rai.

AMTAW 10:45

Naibaly lengkhym takip naichi theung y ym naichi, Petera teng y abang nai ngierei ly, Phailo Kachai pei nai ly Cheng Takhrachi i tlang tleaung y py lei teang nai deaungkho y lyh parai;

AMTAW 11:27

Naibaly hunai thym khala y ly Tameuh i leu thui nai keung amichi mo Jerusalem i dengdairei Antiokei avang y chei kathiu.

AMTAW 11:28

Naibaly mymychi theung y leaungrei, amyn Akaba napi nai ly angdo iy, khaileaung pri verei y khrikhri pa-rei takang theu ai, nanai phailo my thui pi nai ly thai hai; huni ly klawdia my peang nai thym khala y tym.

AMTAW 2:16

Na i py hini ly amo Joela i thui nai ne;

AMTAW 2:18

Ne, huni kani y ly kai i miseaung neampacho neampachychi i tlang tleaung y py kai i Phailo kang lei ai i, nichi ly kai i leu thui ai.

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

AMTAW 21:9

Naibaly huni khumi ly anglo kachai chaniu leaung palyhrei awm, nichi ly Tameuh i leu thui.

ROM AVANGCHI TENG Y PAWLA I CHA PA NAI 5:5

naibaly Phailo Kachai achi teng y ang pei nai Tameuh i tamen naira ly achi i paleung y ang lei chum nai deaungkho y athang khai naira my ly amthang hai leaung y leang.

I KORINTH 12:10

khumi takhra teng y ly atiti rengrang sa thai ai nairachi pei nai ne; khumi takhra teng y ly phailochi ai pany thai ai naira pei nai ne; naibaly khumi takhra teng y ly leu athai y nai takhra takhra thui thai ai naira pei nai ne; khumi takhra teng y ly leu athai y nai takhra takhra thui pi pachai thai ai naira pei nai ne;

I KORINTH 12:28

Naibaly Tameuh my phyreichi ai ly palau takhra kamkawm theung y khai i, harei naira y ly amtaw thau naichi, pa-nyh naira y ly leu thui nai keungchi, pa-thom naira y ly patiu nai keungchi, huni bo y ly atiti rengrang sa naichi, huni bo y ly no hawi sa thai ai nai atiti sa thai nairachi, sabawm nai keungchi, peang kawp naichi, leu thai y nai takhra takhra thui thai naichi, hunichi ai khai bo.

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

JAKOB 5:3

Nangchi i muku hawi tangka py ei cha be bo; huni ei cha nai ly nangmychi i sum nai sai pany hai nai ne, naibaly nangchi i tlang ai ly mai my kang nai ka-tawm ang cha ai. Nangchi ly kani kangkhym y ly yhmtheaung pateung achu lawh ly.

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,