AMTAW 19:9 - Khumi Common Language Bible

⁹ Na i py phyreichi ly paleung apatang i ym ngai y nai, khumi mipuichi i mo y huni Lam thui tamawn khala ly mymy ly nichi ai tako pi vui, abangnaichi ai py khai takhra, kani tleirei Turana i cheaung y khumichi ai ka-thui thui pi.

AMTAW 19:9 ပူးပေါင်းရင်းမြစ်များ

2 ARENG KEH 17:14

Na i py nichi ly tangai pi y; mymychi i Areng Tameuh ai ym y nai amsi pajochi kamta, paleung kyh chawn u bo.

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

NEHEMIA 9:29

Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

SAM 95:8

Mymy ly “Meriba meingtym y tym nai nangchi i amsi pajochi kamta, nangchi ly paleung tang u moh; daichi ka-vymra i Massah meingtym y tym nai amsi pajochi kamta, paleung tang u moh.

LEU KACHENG 8:34

Kai i leu tangai nai khumi, kai i yhm katheu pa-kho y kani tleirei, ajeng nai khumi ly taham hawi ai.

ISAIA 8:14

Kai i chai parai nai sai ly lyh ai hawi nai deaungkho y, kai ly khumichi pathuikhe iy atlym hai ai nai lengseaung hawi atawm. Juda khumichi, Israela khumichi hawi Jerusalem mary i khumichi ai patiu ai nai deaung hawi py atawm nai ne.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 7:26

Na i py nangchi ly kai i leu tangai y, tahm py khai u y. Nangchi ly nangmychi i amsi pajochi tleaung y malawn py paleung tang iy, tiu ai ngai nai khumichi lawm u bo.

MATTHAI 15:14

Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,

MATTHAI 16:4

Kamngo parai nai hawi pajang sa ryry nai deung kangthauchi ly ka-ma-ra hau u lawh, na i py Jona harei ny y baly nichi teng y ka-ma-ra pipi patei ai ny y,” napi nai pathang. Naibaly mymy ly nichi teng i nai chei vui iy leh bo.

MATTHAI 26:55

Hunai thym khyp khala y ly Isu my khumi mipuichi teng y ly, “Haisauchi thengbeangchi syn naimy damra ai patiu ai nai kamta kai ai patiu ai nai theu u lawh a? Achura yhm kalen pui y kani tleirei leu kang patiu nai ateh iy ly kai ai patiu u y.

JOHAN 12:40

“Mymy ly nichi i mei paju hai, nichi i paleung py tang hai; Ti y baly nichi i mei niu lawh na, paleung my py pany thai lawh na: Ti y baly nichi ali teang lawh ai i, kaimy hawi so pi lawh na,” napi.

AMTAW 11:26

Naibaly nini ly sanengrei cheng cheng palau takhra kamkawmchi hawi achu jojo i, khumi neangneangchi ai py patiu teang. Antiokei avang y ly abangnaichi ai Kristian, nanai amyn pathi manme nai ne.

AMTAW 14:4

Na i py avang i khumi mipuichi ly amji bo, phyreichi ly Judachi mang y asa hai i, phyreichi ly amtaw thau nai nini ai asa hai.

AMTAW 17:4

Hunaibaly mymychi theung y phyreichi ai ly parawi pajau i, Pawla nini Sila hawi amkawm u bo; Tameuh ai tahm khai nai Krik khumi mipui neangneangchi hawi, neampachy miteaung keh nawi rawm naichi py amkawm teang.

AMTAW 19:23

Naibaly huna nai thym khala y ly Lam molam y khrukhra ala nai khrukhra y alam na bo.

AMTAW 19:30

Naibaly Pawla ly khumi mipuichi theung y kun ai nai tau iy abangnaichi my ly pei y.

AMTAW 20:31

Hunai deaungkho y atyp u, saneng thomrei sala y vum kanithun kai meikatui tla nai tarawi y anawn y naimy khumi leaung leaungrei ai kang pachei nai ly pany u jo ba.

AMTAW 22:4

naibaly hini Lam i khumichi ai padei ai nai pa-rei kai ana iy, neampacho neampachychi ai kawm nai, theaung y kakhai reng.

AMTAW 24:21

hini leu sairei ny y baly mymychi theung y kai angdo iy, ‘Kadeichi angthau bi nai leu y vaini ly nangchi i mo y kai ai deng nai bo he,’ kanapi nai ly,” nanai pathang.

AMTAW 28:22

Na i py hini kamkawm ai ly meingtym tleirei my cheh lawh veng, nanai kaichi pany i, nang ly mana dawn mo, nanai kaichi pany ai nai ngai he,” napi.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

AMTAW 9:2

huni Lam y awm nai niu nai ngierei ai ly, neampacho ai py neampachy ai py kawm iy, Jerusalem y pahawi thai ai nai, Damaska avang i achura yhm bawibawi y pei ai nai cha hnei.

ROM AVANGCHI TENG Y PAWLA I CHA PA NAI 11:7

Tumbaly mana ai mo? Israelachi ly mymychi i hau nai ly niu y, vawi naichi naini niu, takhra bawibawichi ly kyh chawn u veng bo.

ROM AVANGCHI TENG Y PAWLA I CHA PA NAI 9:18

Hunaibaly Tameuh ly mymy i ngai nai ngierei ai ly pahen iy, mymy i ngai nai ngierei ai py paleung tang hai ai.

I KORINTH 16:9

ati mana nai mo nabaly katheu pa-kho kau parai nai hawi chawn parai naimy kai i vui am-eaung lawh, naibaly ang tiu nai keungchi py neangneang awm.

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

II TIMOTHEI 1:15

Asia pri i awm nai bawibawichi ly kai ai hi vui veng bo, nanai nang ly pany: nichi theung y ly Phukela hawi Hermokena py abawi nai ne.

II TIMOTHEI 3:5

nichi ly Tameuh ai dawn ryhryh naira awm nai kamta ne teu i py, huni i sa thai naira ai ly apha u vui bo; hunai kamtachi ai ly hi vui.

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

HEBRAI 3:13

“Vaini” nanai sala y kani tleirei phai apachei u leungtang, ti y baly nangchi theung y ami py kamngo tapawp naira y paleung tang hai nai awm lawh na;

II PETERA 2:12

Na i py hunichi, dawn pasym naira by y nai mawichi kamta patiu ai nai hawi tama hai ai nai tlang y tapen naichi ly ati sai py pany u y naira y thui tamawn iy, mymychi i phra naira y my tama u ai, kamngo vang py nga u takengkei ai;

II PETERA 2:2

Naibaly khumi neangneangchi ly mymychi i paleaung naira mang i atitichi ly abang u teang ai i, mymychi deaungkho y lam teng parai nai ai ly thui tamawn nai lawn ai.

JUDA 1:10

Na i py huni khumichi ly mymychi i pany y nai ngierei ai thui tamawn reng, naibaly dawn pasym naira by y nai mawichi kamta nichi i tlang mang y asa naira y pany naichi khypkhyp deaungkho y phra u nai ne.