AMTAW 19:18 - Khumi Common Language Bible

¹⁸ Naibaly ym naichi theung i neangneangchi ly jeu iy, mymychi i atiti sa naichi ly ahui i atapheaung bo.

AMTAW 19:18 ပူးပေါင်းရင်းမြစ်များ

SAM 32:5

Huna nai khala y kai ly kaimy i kamngochi ai, nangmy teng y pany hai bo. Kai i sa tamang naichi ai nang teng y apha y leang bo. Hunichi ai nang teng y ahui ai nai, kai i paleung y dawn yb veng bo. Nang ly kai i sa tamang nai ngiereichi, kamngo palawi pi bo.

LEU KACHENG 28:13

Amy i kamngochi ai taphum ai nai atho sa nai khumi ly heng nai deung y mana khala py, chawn pa ai ny y. Ni ly huni kamngochi uikheih iy khai su khala naini, Tameuh teng i pahen naira nga ai.

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

Ezekiela 36:31

Nangchi ly nangmychi i chai y nai sa nai saichi hawi, sa tamang naichi pany u ali teang ai. Nangmychi i kamngochi hawi, hawi y nairachi molam y nangmychi ai apaso u ai.

Levi 16:21

Ni ly mi-i lu tleaung y kiu phei nyhrei kheang iy, Israela chengchi i sa tamang nai kamngo hawi tiu nai ngiereichi molam y, huni kamngochi ai mi-i lu tleaung y tym hai nai ne. Naibaly kalop amsi nai keung ly huni mi-i ai daichi ka-vym mang y paryh vui ai nai tla.

Levi 26:40

“Na i py nangchi i kangpreangchi ly nichi i kamngo hawi amsichi i kamngochi ahui u ai. Nichi i amsi pajochi ly kai ai ka-awi sa iy tiu u i,

MATTHAI 3:6

mymy teng y chei u iy mymychi i kamngo ahui u nai Jordan tavo y mymy teng y baptisma nga u bo.

AMTAW 19:17

Hunaibaly Ephesi avang i awm naichi bawibawi, Judachi hawi Krikchi teng y py huni satang ly amthang bo; hunaibaly nichi bawibawi jei i, Areng Isu i amyn ly tahm pasang bo.

AMTAW 19:19

Nichi theung i atam teaung nai nawi rawm naichi py mymychi i cha-iu syn achu iy, khumi bawibawi i mei ka-niu y veang u bo, naibaly hunichi i vang ly dawn pasym i, tangka cho meaungkateaung pangrei awm nai pany.

ROM AVANGCHI TENG Y PAWLA I CHA PA NAI 10:10

Amichi my paleung y ym u iy hawi naira nga; naibaly labeaung y pany hai u iy heng naira nga.

JAKOB 5:16

Hunaibaly no hawi ang sa pi thai ai nai nangchi i kamngo ly mang mang ahui u ly, mang mang py chiu aso u. Khumi kahawi i chiu sa nai ly khrikhri pa-rei atiti sa thai.

I JOHAN 1:9

Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.