AMTAW 19:16 - Khumi Common Language Bible

¹⁶ Naibaly vawinam my nam nai khumi ly nini ai taba i pajau lawh; hunaibaly nini ly huni yhm i dengdairei tlang ka-keu hawi tamo nga naimy angpreng hawi bo.

AMTAW 19:16 ပူးပေါင်းရင်းမြစ်များ

MARKA 5:15

Naibaly nichi ly Isu teng y tym u iy, vawinamchi my nam nai, Neang Neang my nam nai my ly kanih akhiu iy paleung kari awm naimy ateh nai niu i nichi ly jei u.

LUKA 8:29

(Isu my vawinam ai ly huni khumi i taku theung i dengdairei theu ai nai leu pei veng bo. Huni khumi ai ly vawinam my nam jojo i, amichi my deaungki hawi sengkry py thiu kawm iy typ ryhryh i py, ni ai kawm naira ly leu hai bawi iy, vawinam my ni ai daichi ka-vym y paryh jojo.)

LUKA 8:35

Naibaly mana lawh mo, nanai khen ai nai chei u hawm i nichi ly Isu teng y tym, naibaly vawinam theu vui nai khumi ly kanih akhiu iy paleung kari awm naimy Isu i kheu keung y ateh nai niu i nichi ly jei u.

AMTAW 19:15

Naibaly vawinam ly nini teng y, “Isu ai kapany, Pawla ai py kapany, na i py nangni ly ami mo?” nanai pathang.

AMTAW 19:17

Hunaibaly Ephesi avang i awm naichi bawibawi, Judachi hawi Krikchi teng y py huni satang ly amthang bo; hunaibaly nichi bawibawi jei i, Areng Isu i amyn ly tahm pasang bo.

AMTAW 3:8

Naibaly mymy ly tlenrei khyh my angthau iy angdo i, tako amteaung bo. Naibaly tako iy achaw ryry naimy Tameuh ai palo prei nai tarawi y nini hawi achura yhm kalen pui y kun teang.

II PETERA 2:19

nichi ai alaw hai naira adeu hai u lawh reng, na i py mymychi kypkyp ly phra naira i miseaungchi ne:ati mana nai mo nabaly khumi ai pajau naira ngierei ly huni khypkhyp ly mymy ai miseaung y palawn lawh reng nai ne.