AMTAW 18:5 - Khumi Common Language Bible

⁵ Na i py Sila nini Timothei ly Makedonia pri i dengdairei tym kathiu kha ly Pawla ly paleung am-yh pajau y nai awm i, Isu ly Krista ne, nanai Judachi teng y thui pi pachai.

AMTAW 18:5 ပူးပေါင်းရင်းမြစ်များ

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

JEREMIA 6:11

Aw Areng, kai ly nang i kado theu naira my kawi i, am-yh pajau y na bo,” napi. Naibaly Areng my, “Kai i kado theu naira ai, lam y awm nai deaungdi tlang tleaung y py, tleaungri ka-cheangchi amkheng achu nai tlang tleaung y py tym hai ba. Aju juvochi hawi khri pa-rei miteaung acheang nai khumichi ly tleaung u ai ny y.

Ezekiela 3:14

Areng ly sa thai naira len parai nai hawimy kai i tlang tleaung y tym iy, phailo my kai ai hawi jo nai khala, kai ly paleung phra, kado theu naimy abang bo.

MIKHA 3:8

Na i py kai ly Israela chengchi teng y mymychi i sa tamang naichi pany hai ai nai Areng i phailo sa thai naira, leu meitang naimy tara chih pajau nai haiho hawi sorai paleung kawi angym bo.

LUKA 12:50

Na i py kai baptisma nga ai nai awm rai, huni law y nai ryrei ly kai khri taho amchei na ly.

LUKA 16:28

Nichi ly hini no naira y jeu teang lawh na i, hawihai palai thui pi kyh sy,’ napi.

JOHAN 1:41

Ni my ly ni i amjo Simon ai hau manme i ni teng y “Kaini ly Messia ai niu bo,” napi; (huni ly Krista nanai sai ne.)

JOHAN 10:24

“Nang ly kaichi ai paleung bi hai ai nai mana tanrei kra ai rai mo? Nang ly Krista ne nabaly hawihai chai pyn naimy thui pi jau bei,” napi.

JOHAN 15:27

nangchi py angchei kha i dengdairei kai teng y awm nai deaungkho y pany hai u teang ai.

JOHAN 3:28

Kai Krista ny y leang, kai ai ni i mo y pato nai ne kana nai ly nangmychi my pany hai nai keung ne.

AMTAW 10:42

Naibaly mymy ly kadeichi hawi kanghengchi ai tara chih nai keung y Tameuh my khai rym nai ne, nanai khumichi teng y thui pi ai nai hawi, pany hai ai nai py kaichi ai Tameuh my leu ang pei.

AMTAW 15:22

Naibaly amtaw thau naichi hawi, miteaung kehchi hawi, palau takhra kamkawm bawibawichi hawi ly mymychi i kamkawm theung i nai khumichi ai vawi iy, Pawla nini Barnaba hawi vanrei Antiokei avang y pato baly hawi, na u; Juda, Barsaba napi nai hawi Sila py, amjo amnauchi theung y miteaung keh kyh nai, nini ai vawi.

AMTAW 16:1

Naibaly mymy ly Derbe avang y hawi Lustra avang y py tym; naibaly khen cham, hu y amyn Timothei abangnai leaungrei awm, mymy ly ym nai Juda neampachy i chapo ne, na i py ampo ly Krik khumi ne.

AMTAW 16:12

naibaly hu i dengdairei ly Philipi avang y chei: huni ly Makedonia pri i avang harei nai ne, huni ka-peang y ly avang aly len keh nai ne, Rom avangchi i angpyn nai avang ne; kaichi ly huni avang y ni awm nai kani kra kyh.

AMTAW 16:9

Naibaly vum y Pawla ly amang kamta Makedonia pri i khumi leaungrei angdo iy, “Makedonia pri y angpeang ly, kaichi ai sabawm ba,” nanai takeng ryry nai niu.

AMTAW 17:3

Krista ly ngari patang ai nai hawi, kadeichi theung i dengdairei angthau bi ai nai angchi yb nai saichi py chai pyn pa-rei thui pi pachai i, “Hini Isu, mymy i leu kang thui pi nai ly, mymy ly Krista ne,” napi.

AMTAW 18:28

mymy ly khumi bawibawichi i ka-thai y Judachi ai tlaura by y pa-rei khym, Tameuh i cha-iu leu teaung iy Isu ly Krista ne, nanai thui pi jojo.

AMTAW 2:36

Hunaibaly nangchi i tahen nai Isu ai ly Tameuh my Areng hawi Krista y palawn bo, nanai Israela cheng bawibawi my pany u khypkhyp sy,” napi.

AMTAW 20:21

Judachi hawi Krikchi teng y py Tameuh mang y uikhei nai leu hawi, achi i Areng Isu Krista mang y ym ai nai leu kang thai hai reng nai ly.

AMTAW 20:23

kawm naira hawi, ngari patang ai naira my anglaw ai mang, nanai Phailo Kachai my meingtym tleirei y ang thai hai, huni harei kapany khyh.

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

AMTAW 4:20

Kaini ly kaini i atiti niu nai hawi pany naichi ly thui y naimy awm pajau y leang,” napi.

AMTAW 9:22

Na i py Sawla my ly ham ra nai, huni ly Krista ne khypkhyp, nanai thui pi pachai ra veng i, Damaska avang y awm nai Judachi ai ly tlau thai y pa-rei my pathang.

II KORINTH 1:19

Ati mana nai mo nabaly Tameuh i Chapo Isu Krista, mymy i satang kai hawi Silvana hawi Timothei py nangchi theung y kaichi my kang thui pi nai ly, Ne, nanai hawi, Ny y, nanai ly ne mei y leang, na i py mymy y ly Ne, nanai awm.

II KORINTH 11:9

Naibaly nangchi teng y kang awm nai kai avaw nai khala y py, ami ai py myn kaji kapatei vai y; Makedonia pri i dengdairei jeu nai amjo amnauchi ly kai i avaw nai ly ang sabawm bo; kai ly ati cheaungkhangra y nangmychi ai myn ji kapatei y naimy ka-typ bo, naibaly kai ly hunai kamta ka-typ jojo ai.

II KORINTH 5:14

Krista i tamen naira my ly kaichi ai ang kawm rang nai bo; hunaibaly kaichi ly hina nai dawn, bawibawichi i dei ai nai jeng y leaungrei dei, hunai deaungkho y bawibawichi dei nai ne;

PHILIPI 1:23

Na i py kai ly sala khaw y lawkhang naira y dawn nai pany y naimy kaawm jo jau nai teu, katako vui iy Krista teng y awm ai nai kangai parai naira awm nai deaungkho y; huni ly khi pa-rei hawi keh veng.

I THESALONIKA 3:2

naibaly ami py hini patang nairachi deaungkho y paleung phra y ai nai, nangchi ai khaw hai ai nai hawi, nangchi i ym naira molam awm hai nem ai nai py kaichi i amjo amnau Timothei, Krista i Satang Kahawi y Tameuh i kalop sa ahawi nai keung ai ly kang pato bo.

I THESALONIKA 3:6

Na i py Timothei ly nangchi teng i dengdairei vai kaichi teng y tym iy, nangchi i ym naira hawi tamen nai satang kawn ai awm parai nai hawi, nangchi ai kang niu ai ngai nai kamta nangchi py kaichi ai niu ai nai khrikhri pa-rei ngai i, kaichi ai pany jojo, nanai leu py ang tym hai bo;

I PETERA 5:12

Achi i amjo amnau ka-ym awm parai nai, athang kakhai nai Silvana i kiu y ly nangchi ai pachei ai nai hawi, huni ly Tameuh i pahenra tatang ne, nanai pany hai ai nai py nangchi teng y cha kadawi pe chy katajiu nai ne: hunira y ly kahawi angdo u.