AMTAW 17:28 - Khumi Common Language Bible

²⁸ mymy deaungkho y achi heng py heng, angto py angto, awm py awm nai teu; nangmychi i khulym paseang kakawp amichi mo py, ‘Kaichi py mymy i kangpreang ne teang, nanai thui nai kamta ly.

AMTAW 17:28 ပူးပေါင်းရင်းမြစ်များ

JOBA 12:10

Heng nai amjy cheaungkhangchi i, hengra lam patei nai keung ly Tameuh ne. Khumi luteng i hengra ly mymy i kiu tleaung y awm.

SAM 36:9

Nang teng i dengdairei heng nai ngiereichi ly hengra nga u bo. Nang i kangvang saho y kaichi ly kangvang nga u nai ne.

SAM 66:9

Mymy ly achi ai dei hai y naimy, tlang heng ai nai ang pei bo; achi ai atlym hai y nai ne.

JEREMIA 38:16

Hunai deaungkho y samrang Zedekiah my kai teng y, “Achi ai hengra pei nai keung Tameuh ly Tameuh kangheng ne nai deaungkho y, kai ly nang ai padei y leang. Nang ai padei ai ngai nai khumichi kiu y py au y leang mang,” nanai kangviu y adeu bo.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

LUKA 20:38

Mymy ly kadeichi i Tameuh ny y leang, kanghengchi i Tameuh teu; mymy deaungkho y bawibawichi ly heng bebe veng,” napi.

LUKA 3:38

huni ly Kainan i chapo ne, huni ly Enosh i chapo ne, huni ly Setha i chapo ne, huni ly Adam i chapo ne, huni ly Tameuh i chapo ne.

JOHAN 11:25

Isu my ni teng y, “Kai ly angthau teang naira hawi hengra py ne; ami py kai ai ym nai ly dei i py heng ai;

JOHAN 5:26

Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

Leu Thui Nai 30:20

Nangchi i amsi pajo Abraham, Isaka hawi Jakobchi teng adeu nai pri y, nangchi hawi nangchi i kangpreangchi kra parai naimy heng thai ai nai nangchi i Areng Tameuh ai tamen u, mymy i leu phai tangai u ly mymy ai phai chiu u,” nanai leu pei bo.

KOLOSA 1:17

Naibaly mymy ly ati cheaungkhang by y rai khala y awm angchi yb nai ne i, mymy y ly ati cheaungkhang awm nai ne. Ni ly tlang i lu; huni ly palau takhra kamkawm ne:

TITA 1:12

Nichi theung i nai leaungrei, mymychi i amo kypkyp ly, “Krik tlawn khumichi ly ka-chawi thui naichi, mawi kasichi, biu ha nai deaungkho y atho kasichi ne,” nanai thui khyp bo.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 12:9

Huni harei khyh ny y i, achi ai ang parip ai nai achi i tlang mang i ampochi awm chy bo; achi ly nichi ai malawn py tahm khai y baly, heng naira nga ai nai mana tanrei phailochi i Ampo i ngai nai awm ai nai tla mo?

HEBRAI 2:11

Pachai nai keung hawi mymy i pachai naichi py sangum vanrei ne; hunai deaungkho y mymy ly nichi ai amjo amnau, nanai amyn pathi ai nai kaji hai y i,

1 SAMUELA 25:29

Khumi leaung leaungrei ly nang ai tiu iy padei ai nai atho sa lawh teu baly, khumi ly vang kateng vawnsai ai kryme reng nai kamta, Areng ly nang ai chymme naimy ang kry ai. Nang i paleung ka-echi ai ly khumi my lengseaung akawi ai lijai hawi ko nai kamta, palo parai naira mang y nangmy aphi vui ai.