AMTAW 17:24 - Khumi Common Language Bible

²⁴ Khaileaung pri hawi, huni theung y ati cheaungkhang bawibawi sa nai Tameuh ly kani khaileaung Areng ne nai deaungkho y khumichi i kiu y sa pi nai yhm y ly awm y leang;

AMTAW 17:24 ပူးပေါင်းရင်းမြစ်များ

ATITI AWM ANGCHEI NAI 1:1

Tameuh my angchei y khusangdeaungdu ai sa nai khala,

ATITI AWM ANGCHEI NAI 14:19

“Kani hawi khaileaung sa nai keung, salo keh i Tameuh my Abram ai amtheaung hai sy,” nanai thui i amtheaung hai bo.

ATITI AWM ANGCHEI NAI 14:22

Abram my ni teng y, “Kani hawi khaileaung sa nai keung salo keh Areng Tameuh i mei ka-niu y vai kai vaineng abeu mang.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

2 ARENG KEH 19:15

Naibaly hina nai chiu sa, “Tahm asang parai nai Areng atehra salo y ateh nai Israela chengchi i Areng Tameuh awi, nang leaungrei naini khaileaung pri verei y peang nai Tameuh ne. Nang ly kani hawi khaileaung sa nai keung ne.

2 NENG SATANG 2:6

Tameuh i vui ly ami py Achura yhm so pi pajau y leang. Ati mana nai mo na baly temripma pany y na pa-rei kau nai kani khusang malawn py, Tameuh i vawi ly amchei asai rai. Hunai deaungkho y kai ly Tameuh i vui rimui patawi naira Achura yhm naini kasa ai.

2 NENG SATANG 6:18

“Na i py aw Tameuh, nang ly khaileaung salo i khumi neampacho, neampachychi theung y awm pajau na a? Kani khusang malawn py nang awm ai nai akeaung y na baly, kai i sa nai Achura yhm ly mana akeaung ai mo?

SAM 115:16

Kani khusang ai ly Areng leaungrei my peang khyh; na i py khaileaung ai ly achi khumichi ai pei nai ne.

SAM 146:5

Jakob i Tameuh my sabawm naira nga nai khumi, my i Areng Tameuh ai ym nai khumi ly taham hawi.

SAM 148:13

Hunichi ly Areng i amyn palo u sy! Mymy i amyn ly amyn awm nai ngiereichi theung y len keh nai ne; mymy i nang parai nai sai py, khaileaung hawi kani salo y awm.

SAM 24:1

Khaileaung pri hawi khaileaung pri y awm nai ngiereichi ai py, khaileaung hawi khaileaung salo y heng nai amjy bawibawichi ai py, Areng my peang nai ne.

ISAIA 40:12

Suida pangli tui ai kiu padawi hawi neh nai khumi, ti y baly kani khusang ai kiu hawi kah iy pata pajau nai khumi awm a? Khaileaung kathau ngiereichi ai khaura y khai pajau nai khumi, ti y baly mawi katheang kalenchi ai, sie khyry hawi neh pajau nai khumi awm a?

ISAIA 40:28

Areng ly deungtasarei heng jojo nai Tameuh ne, nanai nangchi pany u y nai sai a? Thai u vai y nai sai a? Mymy ly khaileaung bom verei ai sa nai ne. Mymy ly mana khala py paha y, akawm nai by y. Amimi py mymy i dawn tau naichi pany pajau y.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 45:18

Areng ly kani khusang ai sa; mymy leaungrei naini Tameuh ne na a! Mymy ly khaileaung ai sa palum iy, khaw hai typ nai ne. Mymy ly huni ai khumi angso by y nai meingtym palawn ai nai sa nai ny y. Khumichi awm ai nai meingtym sa pi nai ne. Mymy ly “Kai ly Areng ne; kai ny y baly tameuh takhra by y.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 10:11

(Nangchi khumichi awi, kani khusang hawi khaileaung so y nai tameuh ai ly kani anui i py, khaileaung salo i py, tama pawn ai, nanai nichi teng y thui pi ai nai tla.)

JEREMIA 23:24

Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

JEREMIA 32:17

“Aw Areng Tameuh, nang ly nang parai nai phum-ang hawi, kani hawi khaileaung ai sa bo. Nangmy so thai y ai nai pa-rei rai naira ha py by y.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

ZEKHARIAH 12:1

Hini leu pei nai ly Israela chengchi i vui Areng teng i tym nai leu ne. kani khusang ai khiu iy khaileaung ai sa chum baly, khumi angsochi ai hengra pei nai keung Areng my leu pei nai ly

MALAKHI 2:10

Achi bawibawi ly ampo leaungrei awm khyh nai ny y a? Tameuh leaungrei my achi ai sa nai ny y a? Hunai deaungkho y achi ly ati mana nai y, amychi tengtawi asa nai vaineng ataphra u lawh mo? Ati mana nai y achi i amsi pajochi hawi Tameuh asa nai Leu Maikawm ai tahm khai u y lawh mo?

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MATTHAI 5:34

Na i py kai ly kang thui pi, vaineng den py abeu u reng moh; kani y tauh iy py abeu u reng moh, huni ly Tameuh i areng atehra ne;

LUKA 10:21

Hunai thym khyp khala y mymy ly Phailo Kachai y khri pa-rei kawn i, “Aw Ngaai, kani khaileaung Areng, nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang; ne, Ngaai awi, hunai kamta sa ai nai nang ly hawi, nanai pany.

JOHAN 1:1

Angchei y ly Leu awm i, Leu ly Tameuh teng y awm, naibaly Leu ly Tameuh ne.

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

AMTAW 4:24

Hunaibaly tangai naichi ly vanrei my Tameuh teng y, “Aw Areng, nang ly kani khaileaung hawi, pangli hawi, nichi theung y awm nai bawibawichi ai sa nai keung ne.

AMTAW 7:48

ati py ne sy Salo Kangteng my ly kiu y sa nai yhm y awm vai y; amo my ly hinai kamta thui i,

ROM AVANGCHI TENG Y PAWLA I CHA PA NAI 1:19

Tameuh my nichi ai pany hai chum veng nai deaungkho y Tameuh i satang pany ai nai ly mymychi i paleung y pany hai nai awm lawh veng.

Leu Thui Nai 10:14

Areng ly kani khusang salo y malawn py peang; khaileaung pri hawi huni theung y awm nai bawibawichi ai py peang nai ne.

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

HEBRAI 3:4

Dengtheung tleirei y amimi mo ly lu y awm bawibawi veng; cheaungkhang i lu naini Tameuh ne.

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.