AMTAW 17:16 - Khumi Common Language Bible

¹⁶ Naibaly Pawla ly Atheni avang y nini ai ajeng nai thym khala y ly, huni avang ly tameuh myn kawi nanai niu i, mymy ly paleung am-yh pajau y bo.

AMTAW 17:16 ပူးပေါင်းရင်းမြစ်များ

1 ARENG KEH 19:10

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u bo. Kai leaungrei naini tleaung i, nichi my kai ai padei ai nai hau u bo!” napi.

1 ARENG KEH 19:14

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u. Kai leaungrei naini tleaung i, nichi my kai ai padei ai nai hau u bo,” napi.

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

SAM 119:158

Kai ly leu atangai y nai khumichi ai niu nai khala y, khri pa-rei paso parai; ati mana nai mo nabaly nichi ly nang i leu pei naichi so patawm u y nai ne.

SAM 69:9

Nang i Achura yhm ai dawn ryh patyh nai ly kai i paleung theung y mai kamta angveaung na bo; nang ai mei aniu nai katheu naichi ly kai ai mei aniu y nai leu katheu naichi ne.

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

MIKHA 3:8

Na i py kai ly Israela chengchi teng y mymychi i sa tamang naichi pany hai ai nai Areng i phailo sa thai naira, leu meitang naimy tara chih pajau nai haiho hawi sorai paleung kawi angym bo.

MARKA 3:5

Na i py nichi ly sai py katheu y. Naibaly nichi i paleung kyh chawn veng nai sai ly mymy ai khri pa-rei paleung mawn hai i, mymy ly kado theu naimy nichi ai khen akiprei nai bo y huni khumi teng y, “Nang i kiu pataw,” napi. Hunaibaly ni ly pataw i, kiu ly hawi teang bo.

JOHAN 2:13

Naibaly Judaichi i Katlen Vui nai pawi ly kasa i, Isu ly Jerusalem avang y chei kalau.

AMTAW 17:15

Naibaly Pawla ai tha nai keungchi my ly Atheni avang y tym pa-rei ni ai pahawi; naibaly Sila nini Timothei ly kamjau ryrei mymy teng y tym praw ai nai leu taviu nai syn i vawi veng bo.

AMTAW 17:21

(Atheni avang i khumi bawibawichi ly mymychi i avang y angvyn awm naichi py, ra nai tleirei ly leu kangtha nanai baly thui ai nai mo, tangai ai nai mo awm khrum khrum reng nai ne.)

AMTAW 17:23

Kai pavai nai tarawi y nangchi i chiu reng nai myn khen nai khala y maicham harei, salo y, PANY Y NAI TAMEUH I VUI, nanai tajiu nai kaniu bo. Hunaibaly nangchi i pany y nai chiu reng nai ai ly kang thui pi nai he.

AMTAW 18:1

Hunai bo y ly mymy ly Atheni avang i dengdairei theu iy Korinth avang y tym bo.

AMTAW 20:22

Naibaly khen cham, vai ly kai i paleung y chei y nai awm pajau y nai kapany nai deaungkho y, Jerusalem y kachei ai he, hu y ly kai i tlang tleaung y atiti tym ai nai ngierei kapany y leang rai;

I THESALONIKA 3:1

Hunaibaly kaichi ly kham pajau y nai kha y kaimychi my tlairei Atheni avang y daw jo baly hawi ai, nanai dawn;

II PETERA 2:7

naibaly khumi kahawi Lota, khumi kamngochi i paleaung parai nai awm nai sai deaungkho y khrikhri pa-rei paleung mawn nai ai ly paheng baly: