AMTAW 16:31 - Khumi Common Language Bible

³¹ Naibaly nini my ly, “Areng Isu ai ym, hunaibaly nang hengra nga ai, nang hawi nang i dengtheungchi py,” napi.

AMTAW 16:31 ပူးပေါင်းရင်းမြစ်များ

ATITI AWM ANGCHEI NAI 17:7

Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai.

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

JEREMIA 32:39

Kai ly nichi ai mychi i hawi naira, mo mang i deung kangthauchi hawi naira molam y, ka-dawn harei hawi heng hai ai. Huni ka-dawn ly kai ai jei kaji naimy tahm khai u jojo ai nai ne.

HABAKKUK 2:4

Pany hai nai leu ly ‘khumi hawi y naichi ly heng pajau y leang; khumi kahawichi ly Tameuh ai ym nai deaungkho y heng u ai.’ ” napi.

MARKA 16:16

Ym iy baptisma nga nai khumi ly hengra nga ai; ym y nai khumi ly sum naira nga ai.

JOHAN 1:12

Na i py mymy ai kawn iy, mymy i amyn y ym nai ngiereichi ai ly Tameuh i chanau lawn thai ai nai ang pei;

JOHAN 20:31

na i py Isu ly Krista, Tameuh i Chapo ne, nanai nangchi ym ai nai hawi, nangchi ym iy mymy i amyn y hengra nga ai nai py hinichi tajiu nai ne.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

JOHAN 6:40

Ngaai i kangai ly hini ne he: Ami py Chapo ai niu iy ym nai ngierei ly. deungtasarei hengra nga ai i, ni ai kani kangkhym y ly kaimy pathau ai,” napi.

JOHAN 6:47

Meitang khypkhyp kang thui pi, ym nai khumi ly deungtasarei hengra nga bo.

AMTAW 15:11

Mymychi i kamta ly achi py Areng Isu i pahenra deaungkho y heng naira nga ai, nanai achi aym nai veng,” napi.

AMTAW 16:15

Naibaly mymy hawi, my i dengtheaungchi hawi baptisma nga pajau nai kha y, “Kai ly Areng ai ym tatang, nanai nangchi athang khai baly, kai i yhm y ango u ba,” napi; naibaly mymy ly kaichi ai khrikhri pa-rei takeng i patawn bo.

AMTAW 16:32

Naibaly nini ly mymy teng y hawi, mymy i yhm y awm nai bawibawichi teng y py Areng i leu thui pi.

AMTAW 18:8

Naibaly achura yhm krykeung Krispa hawi mymy i dengtheaungchi bawibawi py Areng ai ym; Korinth avang i khumi neangneangchi py thai i ym iy, baptisma nga u bo.

AMTAW 4:12

Takhra ami teng y py pahengra by y leang, kani anui y khumi amyn pathi naichi theung y achi ai paheng ai nai amyn takhra ha py by y,” napi.

AMTAW 8:36

Naibaly lam y chei hawi nai thym khala y ly mani tui awm naira y mo tym i, tli chum nai khumi my ly, “Khen cham, hi y tui awm, kai baptisma nga ai nai ly ati my ang paka rai mo?” napi.

ROM AVANGCHI TENG Y PAWLA I CHA PA NAI 11:16

Katlen man nai tako kangheang phyrei ly chai nabaly, akawi bom verei ly hunai kamta ne teang; tangjyn py chai nabaly changpichi ly hunai kamta ne teang.

KALATIA 3:14

(ati mana nai mo nabaly, “Dengkeaung y dang nai ngierei ly amsawi lawi nai ne,” nanai tajiu nai ne:) hunaibaly achi ly ym naira deaungkho y adeu nai Phailo ly nga pajau ai.

KALATIA 3:22

Na i py Isu Krista ai ym nai deaungkho y atiti adeu nai ly mymy ai ym nai keungchi teng y pei nai lawn thai ai nai, Tameuh i cha-iu ly kamngo i anui y ati cheaungkhang bebe kho hai veng.

KALATIA 3:26

Nangchi ly Krista Isu ai ym u nai deaungkho y Tameuh i chanau lawn u be bo;