AMTAW 16:26 - Khumi Common Language Bible

²⁶ naibaly tlenrei khyh my kaleih khri pa-rei theu, hunaibaly theaung lengseaung leng nai mang y ahyn bo; katheu bawibawi py am-eaung praw iy, khumi leaung leaungrei i pakheng naira ly akheaung bebe veng.

AMTAW 16:26 ပူးပေါင်းရင်းမြစ်များ

1 ARENG KEH 13:28

Naibaly amo miteaung pui ly keaungngo kano kasau atang iy theu i, lam y dei nai amo hawi, sahawi y angdo naimy awm rai nai keaungngo kano kasau hawi khrangsi ai py niu bo. Khrangsi ly khumi veu ai py cho y, keaungngo kano kasau ai py kei y.

SAM 102:20

Areng ly salo ka-sang meingtym kachai mang dengdairei khen kathiu bo; mymy ly kani pri mang dengdairei meung iy, khaileaung y khen patawm nai ne.

SAM 146:7

Mymy ly ana naira avum nai khumichi ai meimai khen iy tara chih pi i, kajeu alam naichi ai pacho panei pi bo. Areng ly theaung tla naichi ai lawi hai iy, mei kamjuchi ai mei angvang hai.

SAM 68:6

Mymy ly bengtlairei awm nai khumichi ai yhmtheaung sa ai nai pei iy, theaung tla nai khumichi ai kawm cheng naira i lawi hai bo; na i py mymy ai tiu nai khumichi ly tui by y nai meingtym y awm u ai nai tla ai.

SAM 79:11

Theaung tla nai khumichi i tangam nai raawi ly tangai pi kyh ly dei ai naira avum nai khumichi ai nang i sa thai naira len parai nai hawimy law tleaung hai kyh ba.

ISAIA 42:7

Nang ly mei kamjuchi ai mei angvang hai iy, theaung kaveng takunchira y awm nai khumichi ai, law tleaung hai ai.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

MATTHAI 28:2

Naibaly khen cham, kaleih khri pa-rei theu bo, ati mana nai mo nabaly Areng i kani pri i amtaw thau nai leaungrei ly kani pri mang i dengdairei satla iy, lengseaung ai ly kasyh vui i, salo y ateh bo.

AMTAW 12:10

Naibaly angchei i typ nai meingtym hawi, pa-nyh i typ nai meingtym py katlen hawi nai bo y ly avang mang y theu ai nai tamo katheu y tym iy, huni ly myni i vui am-eaung bo: naibaly nini theu hawi i, lam harei katlen bo; naibaly kani pri i amtaw thau nai my ly ni ai leh pi veng ryp bo.

AMTAW 12:7

Naibaly khen cham, Areng i kani pri amtaw thau nai leaungrei ly mymy i ahawi y angdo, mymy ai paeung naira y py ati mo kangvang angvang. Naibaly mymy ly Petera i pana y tabeang i, ni ai palawi iy, “Angthau kaliki jau,’ napi. Naibaly sengkry ly mymy i kiu i nai tla vui bo.

AMTAW 4:31

Naibaly nichi chiu sa pajau iy, mymychi i awm achu naira ahyn bo; naibaly nichi bawibawi ly Phailo Kachai my kawi i vam parai pa-rei Tameuh i leu thui pi.

AMTAW 5:19

Na i py vum y Areng i kani pri i amtaw thau nai leaungrei my theaung katheu paeaung i nichi ai theu hai iy,

AMTENG HAI NAI 11:13

Naibaly huni neng thym khyp khala y ly kaleih khrikhri pa-rei ho i, avang kalen pui phy horei y phyrei ly anawi be bo: naibaly dei nai kamthom ly khri pa-rei jei i Tameuh ai palo u bo.

AMTENG HAI NAI 6:12

Naibaly mymy ly pajawp typ nai ka-ma-ra tariurei nai ly su phai su baly kai ly khen i, kaleih khra pa-rei theu bo; kanito py mawi mui kanih kamta panum iy, lo py bom verei thi kamta lawn veng bo;