AMTAW 16:25 - Khumi Common Language Bible

²⁵ Na i py aneng hyh khala y Pawla nini Sila ly Tameuh teng y chiu py chiu sa, khulym py thui i, theaung tla naichi ly tangai u bo;

AMTAW 16:25 ပူးပေါင်းရင်းမြစ်များ

JOBA 35:10

Na i py nichi ly patang nai veng nanai thym khala, athang khai naira pei pajau nai, sa nai keung Tameuh teng y ly ahihawi u y.

SAM 119:55

Aw Areng, vum y kai ly nang ai tami y naimy nang i reita ai adawn pasym nai ne.

SAM 119:62

Kai ly vum anenghyh y anglaw iy, nang i meitang naimy tara chih nai saichi molam y, nang ai palo ai.

SAM 22:2

Kai i Tameuh, kanithun khala y nang ai kang palau; na i py nang ly pathang y. Kai ly vum y kang palau bo; na i py kai ly paleung awmnem naira ngo y.

SAM 34:1

Kai ly Areng ai palo jojo ai. Mymy ai neng tleirei palo ai.

SAM 42:8

Kanithun neng khala y Areng ly mymy i khaw parai nai tamen naira patei pi na sy; naibaly vum aneng khala kai ly khulym thui iy, kai ai hengra pei nai keung Tameuh teng y chiu kasa pajau ai.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 71:7

Nang ly kai i vui khaw parai nai abyhra ne nai deaungkho y, kai ly khumichi mo y atiura lawm bo.

SAM 77:2

Patang nai neng khala y kai ly Areng teng y chiu kasa; vumtorei kiu pheu iy chiu kasa bo; Na i py kai ly paleung awmnem naira ngo pajau y.

SAM 77:6

Kai ly vumtorei ka-dawn chumchi nai khala ly hina nai kaimy ai adeng ryp bo.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

ZEKHARIAH 3:8

Hunai deaungkho y pathyp pi nai keung kalen keh Josua awi, tangai ba. Josua i ahawi pathyp pi nai keungchi awi, mo mang i vui rengrang ka-ma-ra nga nai khumichi awi, tangai u. Kai ly “Sai kadeu” nanai amyn pathi nai kaimy i miseaung amthawn hai ai!

LUKA 22:44

Naibaly mymy ly khrikhri pa-rei phailo seaung i, chiu sa patyp bi, naibaly mymy i ka-ui ly thi amai len parai nai kamta khaileaung y leaung.

AMTAW 15:22

Naibaly amtaw thau naichi hawi, miteaung kehchi hawi, palau takhra kamkawm bawibawichi hawi ly mymychi i kamkawm theung i nai khumichi ai vawi iy, Pawla nini Barnaba hawi vanrei Antiokei avang y pato baly hawi, na u; Juda, Barsaba napi nai hawi Sila py, amjo amnauchi theung y miteaung keh kyh nai, nini ai vawi.

AMTAW 16:19

Naibaly yhmkeungchi ly mychi i kamran nga naira tama vui bo, nanai pany i, Pawla nini Sila ai patiu iy miteaung kehchi i mo y seng meingtym y ryh bo.

AMTAW 16:33

Naibaly huni vum y huna nai thym khyp khala y my nini ai pahawi iy pakhau nai tamo ly sawp pi pan; naibaly mymy hawi mymy i dengtheungchi bawibawi py baptisma nga praw ryp.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

ROM AVANGCHI TENG Y PAWLA I CHA PA NAI 12:12

Areng i kalop so u ly; athang khai naira y kawn u ly; patang naira y kham pajau u ly; chiu sa ai nai patlaw u moh;

ROM AVANGCHI TENG Y PAWLA I CHA PA NAI 5:3

Naibaly huni khyh ny y naimy, achi i patang naira y py kawn u sina, patang naira my ly kham pajau naira sa;

II KORINTH 6:10

paleung mawn nai kamta, na i py kawn jojo lawh nai; kamawn kamta, na i py khumi neangneangchi ai nang hai lawh nai; ati sai py by y nai kamta, na i py ati cheaungkhang neangneang awm lawh nai.

EPHESI 5:19

samchi hawi, khulymchi hawi, phailo ai kawn hai nai khulymchi py thui u ahawi iy, Areng ai ly nangchi i paleung y khulym thui pi nai taro beu pi u;

PHILIPI 2:17

Ne, nangchi i ym naira apathyp naira y hawi atiti sa naira tleaung y ly kai ai lei vui nai awm teu iy py kakawn nai ne, nangchi bawibawi ai py kang kawn hai mang.

KOLOSA 1:24

Kai ly vai nangchi i vui y kang patang pi naira y ly kakawn, Krista i ngari patang nai kamthom ly mymy i tlang deaungkho y kai i ngan y ly kapatawm veangveang nai ne;

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:

JAKOB 1:2

Kai i amjo amnauchi awi, nangchi i ym naira cham nai ly kham pajau naira sa, nanai pany iy

JAKOB 5:13

Nangchi theung y ami mo patang nai awm a? Chiu so sy. ami mo amo theu nai awm a? Palo nai khulym thui sy.

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.