AMTAW 16:18 - Khumi Common Language Bible

¹⁸ Mymy ly hunai kamta kani kra parai nai sa. Hunaibaly Pawla ly paleung hawi y i, hi vui iy vawinam teng y ly, “Isu Krista i amyn y mymy i taku theung i dengdairei theu ai nai leu kang pei,” napi. Naibaly huna nai thym khyp khala y my theu ryp bo.

AMTAW 16:18 ပူးပေါင်းရင်းမြစ်များ

MATTHAI 14:24

Na i py paleaung ly ang um pareaung y awm i, ali paka ma nai deaungkho y tui sampyh my paleaung khri pa-rei ali hai.

MARKA 1:34

Naibaly mymy ly no nai amjy cheaungkhang no nai khumi neangneangchi ai ly hawi sa iy, vawinam neangneangchi ai py patheu; naibaly vawinamchi ly mymy ai pany nai deaungkho y, mymy ly nichi ai leu katheu ai nai pei y.

MARKA 16:17

Naibaly hini ka-ma-rachi ly ym naichi ai hui jojo ai: nichi ly kaimy i amyn y vawinamchi ai patheu ai i, leu kangtha y katheu ai; pavuichi ai py kiu y my la u ai;

LUKA 9:1

Naibaly mymy ly holai nyhreichi ai palau achu iy vawinam bawibawichi tleaung y sa thai naira hawi, aly peang ai naira hawi, no nairachi hawi sa ai nai py pei.

AMTAW 3:6

Na i py Petera my, “Kai ly muku tangka sai py by y leang; na i py kai i awm nai kang pei keih ai: Nazaret Isu Krista i amyn y tako,” napi.

AMTAW 9:34

Naibaly Petera my ly mymy teng y, “Ainia, Isu Krista my ang hawihai nai bo, angthau ly, nang i nihbai taeang,” napi. Hunaibaly mymy ly angthau praw ryp.

KOLOSA 2:15

naibaly mymy ly areng nairachi hawi aly peang nairachi ai ly leng iy kamtawi y my hunichi ai amteng hai nai teaung nai, kraws y ly hunichi ai pajau bo.